Chhut Âi-khi̍p Ki 9

(5) Vûn-é Châi

1Song-chú tui Mô-sî kóng: “Ngì hi-kien Âi-khi̍p-vòng, tui kì kóng: ‘Song-chú — Hî-pak-lòi-ngìn ke Song-ti án-ngiòng kóng: “Piong ngài ke chṳ́-mìn chéu, pûn kì-têu hi kin-pai Ngài.” 2Na-he ngì m̀-hén piong kì-têu chéu, hàn-he khiòng-khiòng liù kì-têu, 3Song-chú oi kong yit-ke tet-ngìn-kiâng ke châi-nan lòi chit-fa̍t ngì: Ngì só-yû ke thèu-sâng, chhiu-he ngì ke mâ, lì, lo̍k-thò, ngiù, mièn-yòng lâu sân-yòng, chhiòn-phu voi pot-vûn to tông li-hoi. 4Song-chú oi sṳ́ Yî-set-lie̍t-ngìn ke thèu-sâng lâu Âi-khi̍p-ngìn ke thèu-sâng yû fûn-phe̍t, Yî-set-lie̍t-ngìn ke thèu-sâng yit-chak ya m̀-voi sí. 5Song-chú yí-kîn kiet-thin sṳ̀-kiên: Thiên-kông-ngit Song-chú oi chhai chhiòn-koet sṳ̍t-hàng liá-ke sṳ.’ ”

6Thi-ngi ngit, Song-chú cheu Kì só-kóng ke hi-cho. Só-yû Âi-khi̍p-ngìn ke thèu-sâng chhiòn-phu pot-vûn sí-thet, chúng-he Yî-set-lie̍t-ngìn ke thèu-sâng yit-chak ya-mò sí. 7Koet-vòng tá-tham, tî Yî-set-lie̍t-ngìn ke thèu-sâng yit-chak ya mò-sí. Chúng-he kì ke sîm hàn-he án-ngang, m̀ piong Yî-set-lie̍t-ngìn chéu.

(6) Chhông-é Châi

8Heu-lòi, Song-chú tui Mô-sî lâu Â-lùn kóng: “Ngì-têu tui cho-lù-hâng nâ kí-kha̍k fó-fôi, Mô-sî oi chhai koet-vòng mien-chhièn chiông liá fó-fôi ve chhai khûng-chûng. 9Liá-têu fó-fôi voi chhiong nài-fún khiung-yong pî-to Âi-khi̍p chhiòn-thi, fó-fôi yit ngiàm-tó ngìn ya-he thèu-sâng, ngìn lâu thèu-sâng chhiu chhiòn-phu hí-pheu, pot chhông-é.” 10Só-yî kì-têu hi-nâ fó-fôi, to koet-vòng mien-chhièn. Mô-sî chiông fó-fôi ve chhai khûng-chûng; liá fó-fôi sṳ́ ngìn lâu thèu-sâng chhiòn-phu hí-pheu, pot chhông-é. 11Ke-têu hàng sià-su̍t ke mò phan-fap khî chhai Mô-sî mien-chhièn, yîn-vi kì-têu chhiong khì-thâ Âi-khi̍p-ngìn khiung-yong chhiòn-sṳ̂n pot chhông-é. 12Cheu Song-chú tui Mô-sî kóng-ko ke, Kì sṳ́ Âi-khi̍p-vòng sîm-ngang, m̀-hén thâng Mô-sî lâu Â-lùn ke fa.

(7) Pên-pho̍k Châi

13Heu-lòi, Song-chú lâu Mô-sî kóng: “Ngì thiên-kông-ngit tá-chó hi-kien koet-vòng, tui kì kóng: ‘Song-chú — Hî-pak-lòi-ngìn ke Song-ti án-ngiòng kóng: Piong Ngài ke chṳ́-mìn chéu, pûn kì-têu hi kin-pai Ngài. 14Liá-pái ngì na m̀-thâng fa, Ngài m̀ tân-chhiang oi chit-fa̍t ngì ke kôn-yèn lâu ngìn-mìn, lièn ngì ya oi su hìn-fa̍t. Án-ngiòng ngì chhiu tî chhai sṳ-song mò-chhiong Ngài án-ngiòng ke. 15Na-he Ngài chhûn-sú yung vûn-é chit-fa̍t ngì lâu ngì ke ngìn-mìn, ngì-têu chó-chhiu tui thi-song sêu-me̍t lé. 16Chúng-he vi-tó hiong ngì hién-chhut Ngài ke li̍t-liong, Ngài liù ngì ke sâng-miang, pûn Ngài ke miàng chhòn-to mân thiên-ha. 17To liá-ha ngì hàn-he kiêu-ngau, m̀ piong Ngài ke chṳ́-mìn chéu. 18Thiên-kông-ngit liá-sṳ̀, Ngài oi kong pên-pho̍k; chhai Âi-khi̍p kien-koet yî-lòi m̀-sṳt lo̍k-ko án-thai ke pên-pho̍k. 19Liá-ha ngì oi ha-lin chiông ngì ke thèu-sâng lâu ngì chhai thièn-yâ ke yit-chhiet chhiòn-phu kiuk-ngi̍p vuk-tú. Na-mò, pên-pho̍k voi tá chhai ngìn lâu só-yû chhai thièn-yâ ke thèu-sâng sṳ̂n-hong; kì-têu chhiòn-phu voi sí-thet.’ ”

20Koet-vòng ke yit-têu kôn-yèn yîn-vi Song-chú ke fa lòi kiâng-tó, chhiu chiông kì-têu ke nù-chhòi lâu thèu-sâng chhiòn-phu kiuk-ngi̍p vuk-tú. 21Chúng-he yû-têu ngìn hàn-he m̀-thâng Song-chú ke kín-ko, yù-chhai pûn kì-têu ke nù-chhòi lâu thèu-sâng liù chhai thièn-yâ.

22Song-chú tui Mô-sî kóng: “Ngì oi hiong thiên khià-sú, Âi-khi̍p chhiòn-koet voi-yû pên-pho̍k kong hâ-lòi, lo̍k chhai ngìn-mìn, thèu-sâng lâu só-yû ke nùng-chok-vu̍t táng-kô.” 23Só-yî Mô-sî hiong thiên khià-hí koái-kun-é, Song-chú chhiu hióng lùi-kûng, kong pên-pho̍k, ngiap-lang to thi-song; Song-chú kong pên-pho̍k chhai Âi-khi̍p chhiòn-koet. 24Ke-sṳ̀ thai-te pên-pho̍k chhâm-tén ngiap-lang tá hâ-lòi; liá he Âi-khi̍p kien-koet yî-lòi chui li-hoi ke pên-pho̍k châi-nan. 25Pên-pho̍k chiông Âi-khi̍p kin-nui thièn-yâ ke yit-chhiet tá-fái, pâu-hàm só-yû ke ngìn, thèu-sâng, thièn-tú ke nùng-chok-vu̍t, lâu só-yû ke su-muk. 26Chṳ́-yû Yî-set-lie̍t-ngìn he̍t ke Kô-sân thi-khî mò lo̍k pên-pho̍k.

27Âi-khi̍p-vòng phai-ngìn ham Mô-sî lâu Â-lùn lòi kien kì, tui kì-têu kóng: “Liá-pái ngài yû fam-chhui lé. Ngài lâu ngài ke ngìn-mìn chhiòn-phu m̀-chho̍k lé; Song-chú he chho̍k ke. 28Chhiáng ngì-têu hiong Song-chú khì-tó! Ngài-têu mò-fap sṳ̀n-su liá lùi-kûng lâu pên-pho̍k ke châi-nan! Ngài piong ngì-têu chéu; ngì-têu m̀-sṳ́ chai-ko liù chhai liá-vi.”

29Mô-sî tui kì kóng: “Ngài yit lì-khôi liá-sàng chhiu-voi khià-sú hiong Song-chú khì-khiù; lùi-kûng chhiu-voi thìn-chṳ́, pên-pho̍k ya mò-chai lo̍k hâ-lòi. Án-ngiòng, ngì chhiu tî thai-thi he su̍k Song-chú ke. 30Chúng-he ngài tî ngì lâu ngì ke kôn-yèn hàn-he m̀ kin-vi Chú Song-ti.”

31(Mà lâu thai-ma̍k chhiòn-phu pûn pên-pho̍k tá-fái; yîn-vi ke-sṳ̀ thai-ma̍k tông pêu-chhon, mà ya tông khôi-fâ; 32chṳ́-yû séu-ma̍k lâu chhû-ma̍k mò sún-sông, yîn-vi hàn-màng pêu-chhon.)

33Mô-sî lì-khôi Âi-khi̍p-vòng, chhut-sàng heu, khià-sú hiong Song-chú khì-tó. Lùi-kûng, pên-pho̍k ngiàm-sṳ̀ thìn-chṳ́, ya mò-chai lo̍k thai-súi. 34Koet-vòng khon-tó liá châi-nan thìn hâ-lòi, kì yu khôi-sṳ́ fam-chhui; kì lâu kì kôn-yèn ke sîm yu ngang hí-lòi. 35Cheu Song-chú chó-chhiu thûng-ko Mô-sî kóng-ko ke, Âi-khi̍p-vòng ke sîm hàn-he án-ngang, m̀-hén piong Yî-set-lie̍t-ngìn chéu.

Actualmente seleccionado:

Chhut Âi-khi̍p Ki 9: THV12Rdb

Destacar

Copiar

¿Quieres tener guardados todos tus destacados en todos tus dispositivos? Regístrate o inicia sesión

Aprende más sobre HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Chhut Âi-khi̍p Ki 9

Versículos bíblicos populares de
Chhut Âi-khi̍p Ki 9

Biblia:

Hakkafa (Roman script)

Versión: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhut Âi-khi̍p Ki 9

Chhut Âi-khi̍p Ki 9

Versículos bíblicos populares de Chhut Âi-khi̍p Ki 9

Biblia:

Hakkafa (Roman script)

Versión: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhut Âi-khi̍p Ki 9

Versículos bíblicos populares de
Chhut Âi-khi̍p Ki 9