Chhut Âi-khi̍p Ki 26

Song-chú ke Sṳn-chong-phùng

(Chhut Âi-khi̍p Ki 36:8-38)

1“Oi yung sṳ̍p-puk chong-man cho sṳn-chong-phùng#26:1 “sṳn-chong-phùng” he Só-lò-mùn hí sṳn-thien yî-chhièn Yî-set-lie̍t-ngìn kin-pai Song-ti ke só-chhai. Yû-têu yi̍t-pún fûn-cho “sṳn-mok” lâu “fi-mok” — Song-ti lâu ngìn siông-fi ke só-chhai.. Liá-têu chong-man oi yung mà-sâ lâu làm-set, chṳ́-set, chhṳ̂m-fùng set ke phong-sien lòi-chhiak, yu-oi yung yu-siu ke sú-kûng siu kî-lu-pak ke thù-on. 2Mî-yit puk thai-se siông-thùng, chhòng sṳ̍p-ngi kûng-chhak, fat lióng kûng-chhak. 3Oi chiông ńg-puk liòn khiung-ha, sàng-cho yit-chû, nang-ngoi ńg-puk ya he án-ngiòng. 4Mî-yit chû chong-man ke chui-mî yit-puk piên oi liòn làm-set ke néu-phan. 5Oi chiông ńg-sṳ̍p chak néu-phan liòn chhai thi-yit chû ke thèu-puk, nang-ngoi ńg-sṳ̍p ke néu-phan liòn chhai thi-ngi chû ke chui-mî yit-puk. 6Oi chho ńg-sṳ̍p chak kîm kiêu-é, chiông lióng-chû chong-man lièn khiung-ha, sàng-cho kûi-te chong-phùng.

7“Oi yung sân-yòng-mô chhiak sṳ̍p-yit puk chong-man lòi-cho sṳn-chong-phùng ke phùng-táng. 8Mî-yit puk thai-se siông-thùng, chhòng sṳ̍p-sâm kûng-chhak, fat lióng kûng-chhak. 9Oi chiông ńg-puk liòn khiung-ha, sàng-cho yit-chû, khì-thâ liuk-puk nang-ngoi cho yit-chû. Oi chiông thi-liuk puk chap-cho lióng-chhèn, chhui chhai sṳn-chong-phùng ke chṳn-mien. 10Thi-yit chû chong-man chui-mî yit-puk ke piên oi liòn ńg-sṳ̍p ke néu-phan, nang-ngoi yit-chû ke piên ya oi liòn ńg-sṳ̍p ke néu-phan. 11Oi cho ńg-sṳ̍p chak thùng kiêu-é, kiêu-tén néu-phan, chiông lióng-chû chong-man lièn hí-lòi, sàng-cho kûi-te phùng-táng. 12Oi chiông chhûn-tó ke pan-puk chhui chhai sṳn-chong-phùng ke heu-poi. 13Lióng-phién chong-man chhûn-hâ ke ńg-sṳ̍p kûng-fûn chhui chhai sṳn-chong-phùng ke lióng-phién, chiông sṳn-chong-phùng châ-hó.

14“Oi chai chho lióng-te phùng-táng, yit-te yung ngiam-fùng ke yòng-kú-phì cho ke, nang-ngoi yit-te yung chhin-chiâng ke phì-liau, cho chui ngoi-chhèn ke táng-koi.

15“Oi yung kîm-ha̍p-fôn-muk chho tap sṳn-chong-phùng ke kut-ka. 16Tak-kî kut-ka kô si kûng-chhak, fat liuk-sṳ̍p liuk kûng-fûn, 17kok-yû lióng-ke sún-thèu, yung-lòi lièn-chiap kut-ka. Só-yû ke kut-ka chhiòn-phu yû liá sún-thèu. 18Oi chhai sṳn-chong-phùng ke nàm-phién cho ngi-sṳ̍p kî kut-ka, 19ka-tái yû si-sṳ̍p chak ngiùn-chho, tak-kî kut-ka yû lióng-chak ngiùn-chho lòi ku-thin. 20Sṳn-chong-phùng ke pet-phién ya oi yû ngi-sṳ̍p kî kut-ka, 21lâu si-sṳ̍p chak ngiùn-chho, tak-kî kut-ka tái-hâ lióng-chak ngiùn-chho. 22Oi chhai sṳn-chong-phùng ke heu-poi, chhiu-he phùng ke sî-phién, chho liuk-kî kut-ka; 23lióng-thèu lióng-chak chón-kok oi kâ lióng-kî kut-ka, 24chón-kok lióng-kî kut-ka ke hâ-poi siông lièn-chiap, yit-chhṳ̍t lièn-to táng-thèu, sàng-cho yit-chak chón-kok; lióng-chak chón-kok ke lióng-kî kut-ka chhiòn-phu he án-ngiòng lièn-cho yit-ha. 25Yit-khiung oi-yû pat-kî kut-ka lâu sṳ̍p-liuk chak ngiùn-chho, mî-yit kî kut-ka tái-hâ kok-yû lióng-chak ngiùn-chho.

26“Oi yung kîm-ha̍p-fôn-muk chho sṳ̍p-ńg kî vàng-kong; sṳn-chong-phùng yit-phién ke kut-ka yû ńg-kî vàng-kong, 27nang-ngoi yit-phién ńg-kî; phùng ke heu-poi, chhiu-he phùng ke sî-phién, ya-yû ńg-kî. 28Chûng-kiên ke vàng-kong ôn chhai kut-ka pan tûng-ông, oi tui phùng ke liá-thèu thûng-to nang-ngoi ke-thèu. 29Oi yung kîm pâu-tén kut-ka, yu oi ôn kîm khiên-é, pûn vàng-kong chhôn-ko; vàng-kong ya oi yung kîm pâu-tén. 30Oi cheu Ngài chhai sân-táng chṳ́-sṳ ngì ke yong-sṳt chiông sṳn-chong-phùng li̍p hí-lòi.

31“Oi yung mà-sâ lâu làm-set, chṳ́-set, chhṳ̂m-fùng set ke phong-sien lòi-chhiak yit-puk chong-man, táng-kô oi yung yu-siu ke sú-kûng siu kî-lu-pak ke thù-on. 32Oi chiông liá chong-man koa chhai si-kî yung kîm-ha̍p-fôn-muk chho-sṳ̀n ke chhû-é táng. Chhû-é yung kîm pâu-tén, chhû-é táng yû kîm kiêu-é, chhû-é ôn chhai si-chak ngiùn-chho táng. 33Oi chiông chong-man koa chhai sṳn-chong-phùng táng ke-yit lie̍t kiêu-é, chiông piong lióng-te sa̍k-pán ke yok-khui piong chhai chong-man heu-poi. Liá chong-man oi chiông sṳn-só lâu chṳ-sṳn-só kak-khôi. 34Oi chiông su̍k-chhui ke koi-é ôn chhai chṳ-sṳn-só nui ke yok-khui táng-kô, 35chiông kiûng-chok piong chhai chṳ-sṳn-só ngoi sṳn-chong-phùng ke pet-phién, chiông tên-thòi ôn chhai sṳn-chong-phùng ke nàm-phién, pí-chhṳ́ tui-tén.

36“Oi yung mà-sâ lâu làm-set, chṳ́-set, chhṳ̂m-fùng set ke phong-sien, yung siu-fâ ke sú-kûng, vi sṳn-chong-phùng mùn-héu lòi-chhiak yit-puk mùn-liàm. 37Oi yung kîm-ha̍p-fôn-muk vi mùn-liàm chho ńg-kî chhû-é, yung kîm pâu-tén, táng-kô yû kîm kiêu-é; yu-oi vi chhû-é chu-chho ńg-chak thùng-chho.”

Actualmente seleccionado:

Chhut Âi-khi̍p Ki 26: THV12Rdb

Destacar

Copiar

¿Quieres tener guardados todos tus destacados en todos tus dispositivos? Regístrate o inicia sesión

Aprende más sobre HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)