Chhut Âi-khi̍p Ki 24

Li̍p-yok ke Ki-ho

1Song-chú tui Mô-sî kóng: “Ngì lâu Â-lùn, Nâ-tap, Â-pí-fu, lièn-thùng chhit-sṳ̍p ke Yî-set-lie̍t ke chóng-ló oi sông-sân to Ngài liá-vi lòi; oi chhai lì Ngài yén-yén ke thi-fông khúi-pai. 2Chṳ́-yû ngì yit-sà khó-yî to Ngài mien-chhièn, khì-thâ ke ngìn cho-m̀-tet vá-khiun; ngìn-mìn chhiòn-phu cho-m̀-tet thèn ngì sông-sân.”

3Mô-sî hâ-sân, tui ngìn-mìn chhòn-kóng Song-chú só-yû ke min-lin lâu li-kûi. Chhiòn-thí ngìn-mìn thùng-sâng en-kóng: “Song-chú só fûn-fu ke fa, ngài-têu yit-thin chûn-sú.” 4Mô-sî chiông Song-chú ke min-lin chhiòn-phu siá hâ-lòi. Thi-ngi ngit tá-chó, kì chhai sân kiok-hâ hí yit-chho chi-thàn, pin tun sṳ̍p-ngi kî sa̍k-chhû; mî-yit kî sa̍k-chhû thoi-péu Yî-set-lie̍t sṳ̍p-ngi kî-chhu̍k ke yit-chhu̍k. 5Yèn-heu kì phai Yî-set-lie̍t-ngìn chûng yû-têu heu-sâng ngìn hiong Song-chú hien sêu-fa-chi, yu yung ngiù-kú hien phìn-ôn-chi. 6Mô-sî chiông thèu-sâng ke hiet yit-pan chông chhai phùn-tú, nang-ngoi yit-pan hia chhai chi-thàn táng, 7yèn-heu hiong ngìn-mìn thai-sâng thu̍k yok-sû tî-poi ki-chai Song-chú ke min-lin. Ngìn-mìn chhiòn-phu kóng: “Song-chú só fûn-fu yit-chhiet ke min-lin, ngài-têu ngien-yi sun-chhiùng chûn-sú.”

8Mô-sî chhiu nâ phùn-tú ke hiet fin chhai ngìn-mìn sṳ̂n-hong, kóng: “Liá he li̍p-yok ke hiet, he Song-chú cheu Kì yit-chhiet ke kie-min lâu ngì-têu li̍p-yok ke ki-ho.”

9Mô-sî, Â-lùn, Nâ-tap, Â-pí-fu, lièn-thùng chhit-sṳ̍p ke Yî-set-lie̍t ke chóng-ló khiung-ha sông-sân; 10kì-têu khon-tó Yî-set-lie̍t ke Song-ti. Chhai Kì kiok-hâ, yû chhiong làm-pó-sa̍k phû ke tho-lu, chhiu-chhiong thiên-khûng ke làm-set. 11Song-ti pin-mò chhûn-sú sông-hoi liá-têu Yî-set-lie̍t ke liâng-chhiu. Kì-têu khon-tó Song-ti, hàn chhai ke-vi khiung-ha sṳ̍t, khiung-ha lîm.

Mô-sî chhai Sî-nai Sân-táng

12Song-chú tui Mô-sî kóng: “Ngì sông-sân to Ngài liá-vi lòi. Ngì chhai liá-vi ke sṳ̀, Ngài oi kâu-pûn ngì lióng-te sa̍k-pán, sa̍k-pán táng yû Ngài só-siá oi kau-thô Ngài chṳ́-mìn ke fap-li̍t lâu kie-min.” 13Mô-sî lâu kì ke chhu-sú Yok-sû-â chún-phi hó-se, Mô-sî chhiu khôi-sṳ́ sông Song-ti ke sân. 14Mô-sî tui Yî-set-lie̍t ke chóng-ló kóng: “Ngì-têu chhai yàng-thi tén, chhṳ̍t-to ngài-têu chón-lòi. Yû Â-lùn, Fu-ngí lâu ngì-têu khiung-ha; na-he yû má-ke fûn-chên, cho-tet to kì-têu mien-chhièn lòi kié-kiet.”

15Mô-sî sông-to Sî-nai-sân, yû yùn chiông sân châ-tén. 16-17Song-chú ke yùng-yeu kong chhai sân-táng. Yî-set-lie̍t ngìn-mìn chhîn-ngién khon-tó liá yùng-yeu ke kông-chhái, chhiu-chhiong yit-thòn lie̍t-fó chhai sân-táng sêu-tén. Yùn châ-koi sân yû liuk-ngit kiú, thi-chhit ngit Song-chú tui yùn-tú ham Mô-sî. 18Mô-sî chin-ngi̍p yùn tú, sông-sân hi; kì chhai ke-vi thìn-liù si-sṳ̍p ngit-ya.

Actualmente seleccionado:

Chhut Âi-khi̍p Ki 24: THV12Rdb

Destacar

Copiar

¿Quieres tener guardados todos tus destacados en todos tus dispositivos? Regístrate o inicia sesión

Aprende más sobre HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)