Matayo Tʼangambere
Tʼangambere
Nguma Mbidzo dza yirivyoandikwa ni Matayo, ni udzumbe udzo usemao kukala, Jeso ndiye Mutivyi yekala ulagwa ni Mulungu. Mulungu kuchirira yiye Jeso, wachimiza vilagane vyokala udzivilaga atʼue ko Lagano ra Kare. Udzumbe uu udzo tsʼi wa Ayahudi hichiyao, atʼu ario yiye Jeso wavyalwa kati yao na achisagala nao, ela ni wa atʼu osi phapha duniani.
Matayo mumu mwakwe chitabuni waanza kwandika dzulu ya kuvyalwa kwa Jeso, achisema dzulu ya kubatizwa na kujezwa kwa Jeso, na chisha achisema dzulu ya Jeso vyosumurira na kufunza neno ra Mulungu, na vyophoza atʼu.
Ariphomala gago, wasema dzulu ya charo cha Jeso cha kulaa Galilaya hata Jerusalemu, na achimarigiza na kusema maneno gohendeka ukati phokala Jeso u phephi na kugwirwa, na alaviwe kwa atʼu ai amuulage kwa kumukotʼa misumari musalabani.
Garigo Mumu
Akare na kuvyalwa kwa Jeso Kʼirisito 1:1-2:23
Mabambanyi ga kazi ya Jeso 3:1-4:11
Kazi zohendwa ni Jeso Galilaya 4:12-18:35
Jeso unenda Jerusalemu na anafunzie 19:1-20:34
Juma ra musindikizo ra Jeso 21:1-27:26
Kufufuka na kulairira kwa Jeso 28:1-20
Actualmente seleccionado:
Matayo Tʼangambere: CHIDUR
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión