EFESO 2
2
Ginluwas bangud sa Bugay
1Kag ginbuhi niya kamo, sang patay kamo bangud sa mga paglapas kag mga sala 2diin kamo anay naggawi, sono sa batasan sining kalibutan, sono sa puno sang kagamhanan sang kahawaan, ang espiritu nga karon nagapanghikot sa tunga sang katawohan nga dimasinolondon. 3Sa tunga sini nagpangabuhi anay kita nga tanan sa mga kailigbon sang aton lawas, nga nagasonod sang mga handum sang lawas kag sang hunahuna, kag sa amo sa kinaugali mga anak kita sang kasingkal, subong sang iban nga katawohan. 4Apang ang Dios, nga manggaranon sa kalooy, gikan sa dakung gugma nga ginhigugma niya sa aton, 5bisan sang patay kita bangud sa aton mga paglapas, ginbuhi niya kita kaupud kay Cristo#Col. 2:13. (paagi sa bugay naluwas kamo), 6kag ginbanhaw kita kaupud niya, kag ginpalingkod kita kaupud niya sa langitnon nga mga duug kay Cristo Jesus, 7agud nga sa mga panuigon nga palaabuton mapakita niya ang dimatakus nga kamanggaran sang iya bugay sa pagkalolo ayon sa aton kay Cristo Jesus. 8Kay bangud sa bugay naluwas kamo paagi sa pagtoo; kag ini indi inyo kaugalingon nga buhat, ini amo ang dolot sang Dios— 9indi bangud sa mga buhat, basi ang bisan sin-ong tawo magpabugal. 10Kay mga binuhatan niya kita, nga gintuga kay Cristo Jesus nga sa mga buhat nga maayo, nga gin-aman nga daan sang Dios, agud nga maggawi kita sa ila.
Pagpasag-uli paagi sa Cruz
11Busa dumduma ninyo nga kamo anay nga mga Gentil sa kinaugali, nga gintawag dicircuncision sang gintawag nga circuncision, nga ginbuhat sang kamut sa lawas— 12dumduma ninyo nga sa sadtong tion nahamulag kamo kay Cristo, ginpahilayo gikan sa karabatanan sang Israel, kag mga dumoloong sa mga katipan sang saad, nga walay paglaum kag walay Dios sa kalibutan. 13Apang karon kay Cristo Jesus kamo nga anay malayo ginpapalapit sa dugo ni Cristo. 14Kay sia amo ang aton paghidait, nga nag-isa sang duha, kag nagguba sang dingding sang kaawayon nga nagaulut, 15paagi sa pagwala sa iya lawas sang kasogoan sang mga sogo kag pagsolondan,#Col. 2:14. agud nga matuga niya sa iya kaugalingon ang isa ka bag-ong tawo sa tal-us sang duha, sa amo nagahimo sing paghidait, 16kag mapasag-uli sa aton sa Dios sa isa ka lawas paagi sa cruz,#Col. 1:20. sa amo nagapauntat sang kaawayon. 17Kag nag-abut sia kag nagwali sing paghidait sa inyo nga sa malayo kag paghidait sa ila nga malapit;#Isa. 57:19. 18kay paagi sa iya kita makapalapit sa Amay sa isa ka Espiritu. 19Gani niyan indi na kamo mga dumoloong kag mga dumalayon, kondi mga masigkabanwahanon kamo kaupud sang mga balaan kag mga bahin sang panimalay sang Dios, 20nga gintukud sa sadsaran nga amo ang mga pinadala kag mga manalagna, nga si Cristo Jesus iya amo ang pangolong bato sang pamag-ang, 21nga sa iya ang bug-os nga tinukud ginpahaum sing tingub kag nagatubo nga sa balaan nga templo sa Ginoo; 22nga sa iya kamo man ginatukud sing tingub nga puluy-an sang Dios sa Espiritu.
Actualmente seleccionado:
EFESO 2: ABHIL82
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
Ang Biblia ©1982 Philippine Bible Society