Kiilanu 16
16
Pɔlu nun Silasi taga koe Timote fɛ
1Awa, Pɔlunu tagata ke Deribe nun Lisitiri saa tɔ. A ka talibe do taran ɲɔ a tɔgɔ Timote; a nɛɛnɛ mu Yahude musu dɛnkɛnɛyareŋɛ le la, kɔnɔ Yahude ma a baaba kan na. 2Nɛɛnɛdɔndɛ diinaɲɔgɛnu minnu be Lisitiri nun Ikoni saa tɔ, wonu be ale Timote tɔgɔ ɲinma fɔla. 3A sɔgɔ ka Pɔlu bita a ni a doni a fɛ. Wo butɔ, a ka a jigan a ka a sunna Yahudenu la ko la minnu be wo dulanu tɔ, bayi bɛ ka a lɔn, ka a fɔla Yahude ma a baaba la. 4Anu be tagala kela saa minnu ma, kiilanu nun Darisalamu kuntigenu ka sariya minnu sa, anu tanbita wonu lakela ɲɔ dɛnkɛnɛyabaganu ma, anu ni wonu labatu. 5Wo butɔ, dɛnkɛnɛyabaga kuruŋɛ bɛ be sɛnbɛ donna dɛnkɛnɛya koe ma, anu tota yiriwala lun go lun.
Pɔlu la kiboe Toroyasi saa tɔ
6Pɔlu nun Silasi la biyase tɔ, Ala Hakkili Saniyandeŋɛ ka anu latɔn, ka a fɔla anu kana Ala la kuma fɔ Asi duge tɔ, wo butɔ anu ka Firigi nun Galati dugenu takuntu. 7Anu keta Misi duge naaniŋɛ tɔ wagate min tɔ, anu be katala ka taga Bitini duge tɔ, kɔnɔ Isa Hakkile ma sɔn anu ye. 8Wo butɔ, anu bɔɔta Misi kɔma kɔma kila la, anu jigita Toroyasi saa butɔ. 9Pɔlu kibota ɲɔ wo sue tɔ: a ka a yen Masedoni kaa kaye do be sɔren a tota a madiyala, a ko: «I ni ba tɛgɛ nala Masedoni duge tɔ, i ni mɔ dɛman!» 10Pɔlu la wo kiboe ma kɔma, mɔ laata a la yati, Ala bata mɔ kele, ka a fɔla mɔ ni kibaru ɲinma lake ɲɔ kaanu le ma. Wolo mu, mɔ#16:10 Luki tugun be anu ɲaama katata ɲɔ kisanna mɔ ni taga Masedoni duge tɔ.
Lidiya dɛnkɛnɛya koe Filipi saa tɔ
11Wo butɔ, mɔ jigita kulun banba tɔ Toroyasi, ka taga kila telendeŋɛ la Samotarasi sure tɔ. Wo tabantaka, mɔ tanbita Neyapoli saa tɔ. 12Mɔ bɔɔta ɲɔ, mɔ tagata Filipi, Masedoni duge saa fɔlɛ tɔ; Rɔmu kaanu la sariya be sabatiren ɲɔ. Mɔ ka wagati do latanbi wo saa tɔ.
13Mɔ be a miraren Ala batudula be ka min na, mɔ bɔɔta saa kɔma sulen lɔ́gɛ́, mɔ tagata ɲɔ, kɔɛɛ dala. Mɔ ka muse donu taran madɛnden ɲɔ. Mɔ sigita, mɔ tota kumala anu ye. 14Wo musenu tɔ, dɔndɔ tɔgɔ Lidiya: jula le mu a la, a be kuta dubalamanɛŋɛ sɔnbɛlɛŋɛ mayitala, a be bɔɔren Tiyatiri saa butɔ, a be donden Yahudenu la diina tɔ. Awa, a to be a tolomasɔla, Marige ka a sondoŋɛ laka, alako Pɔlu be min fɔla a ni sabati wo kuma tɔ. 15Wolo ka a ma, a nun a la boŋɛ butɔ mɔgɛnu lasuwɛta je tɔ. Wo kɔma a ka mɔ madiya, a ko: «Ka wo be laaren a la n bata dɛnkɛnɛya Marige ma yati, wo don n na boŋɛ tɔ, wo ni yigiya.» A ka mɔ karahan mɔ ni sɔn.
Pɔlu nun Silasi sa koe geele tɔ
16Lun do, mɔ be tagala Ala batudula, mɔ nun jonden musereŋɛ do bɛnta; fɛrili ma jinna be a bolo, a be tɔnɔ banba sɔtɔla a marigenu ye fɛrili ma butɔ. 17A be mɔ nun Pɔlu jokkila, a tota belebelela, a ko: «Ala min mayɛlɛta, a la jondeŋɛnu le mu kɛ mɔgɛnu la; anu be kise la ko kila le yitala wo la.» 18A tota wo mala tele siyama han wo ka Pɔlu fiddɛ, a ka a firifiri, a ka fɔ wo jinna ye: «N bata i yamɔri Ala la mɔgɔ masubɛreŋɛ Isa tɔgɛ la: bɔɔ kɛ muse kɔma!» A bɔɔta a kɔma kisanna.
19Awa, ale muse marigenu to ka a yen anu te nɔ tɔnɔ sɔtɔla a fɛ bitugun, anu ka Pɔlu nun Silasi bita, anu ka anu sabaa ka anu nati saa mansanu ɲakɔtɔ saa tɛma. 20Anu to ka anu don kiiti salanu bolo, anu ka a fɔ: «Kɛ mɔgɛnu be mɔ la saa ɲatadonna. Yahude le mu anu la, 21anu be naamuŋɛnu la ko yitala, wo mɔle Rɔmu kaanu ma sɔn minnu mala#16:21 Rɔmu kaa siyama be sabatiren Filipu saa tɔ.» 22Jama tugun wulita anu digii ma. Kiiti salanu ka yamɔre sa anu ni Pɔlu nun Silasi makoren, ka anu botege dɔkkɛ la. 23Anu to ka anu botege dɔkkɛ da ɲa siyama la, anu ka anu lafili geele tɔ, anu ka geele kantala yamɔri, a ni anu kanta a ɲinma la. 24A la wo yamɔre sɔtɔ kɔma, a ka anu lafili geeli boŋɛ butɔ daŋɛ tɔ, a ka anu kɛŋɛ sa tintiliŋɛ tɔ.
25Suu tɛma, Pɔlu nun Silasi be Ala mataranna ka beetenu bɔɔ, gelemanɛ doenu be anu tolomasɔren anu kulɛ la. 26Duge sɛrɛnta a banba la kisanna, han geele boŋɛ fondoma lamagata. Wo tɛmu dɔndɛ tɔ, bonda bɛ lakata, gelemanɛnu bɛ kitifeŋɛnu fulenta. 27Wo butɔ, geele kantala kunɛnta kinnɔgɛ la; a to ka geele bonda bɛ yen nakaren, a ka a la faŋɛ sabaa a yɛtɛ faga koe la, bayi a be a miraren, ka a fɔla gelemanɛnu bata bori. 28Kɔnɔ Pɔlu ka a kulɛ banba labɔɔ, a ko: «I kana fenfen koron ma i yɛtɛ la! Mɔle bɛ be yan yati!» 29Wo butɔ, geeli kantala ka ta makele, a donta teriya la. A boeta Pɔlu nun Silasi kɛn kɔtɔ, a be sɛrɛnna. 30Wo kɔma, a ka anu labɔɔ, a ko: «N tigenu, n bɛnta n ni fen ma alako n ni kisi?» 31Anu ka a jaabi, anu ko: «I ni dɛnkɛnɛya Marige Isa ma, wo butɔ i nun i la denbaya si kisi.» 32Wo kɔma, anu ka Marige la kuma fɔ a nun a la bon butɔ mɔgɛnu bɛ ye. 33Wo sue wo wagate dɔndɛ tɔ, a ka anu doni a fɛ, a ka anu la tɛlɛnu ko. Wo wagate yati tɔ, a nun a la mɔgɛnu bɛ lasuwɛta je tɔ. 34Wo kɔma, a ka anu doni a la boŋɛ tɔ, a ka dɔmɛ dii anu ma. A nun a la denbaya bɛ sɛɛwata han, anu to bata dɛnkɛnɛya Ala ma.
35Ɲɔ to kɛnɛta, kiiti salanu ka sɔɔrenu lasanba, anu ni taga a fɔ geele kantala ye, a ni Pɔlu nun Silasi boloka. 36Geele kantala ka wo kuma fɔ Pɔlu ye, a ko: «Kiiti salanu bata kiila kii, aa n ni wo boloka. Awa kɔtɛ, wo bɔɔ wo ni taga jususa butɔ!» 37Kɔnɔ Pɔlu ka a fɔ anu ye, a ko: «Anu bata mɔ botege kɛnɛ tɔ, anu ma mɔ makiiti, mɔle dun mu Rɔmu kaanu le la, anu mɛn ka mɔ lafili geele tɔ. Kɔtɛ anu ni mɔ labɔɔ sutura tɔ ba? Ade! Wo te ma feu! Fɔ anu faŋɛ ni na mɔ labɔɔ!» 38Sɔɔrenu ka wo kuma lasaagi kiiti salanu ma. Wonu to ka a mɔɛ, ka a fɔla Rɔmu kaanu le mu Pɔlu nun Silasi la, anu kilanta. 39Wo butɔ, anu tagata anu madiɲa. Anu to ka anu labɔɔ, anu tota anu majɛjɛla, anu ni bɔɔ saa butɔ ka taga. 40Pɔlu nun Silasi bɔɔta geele tɔ, anu tagata don Lidiya la boŋɛ tɔ. Anu to ka nɛɛnɛdɔndɛ diinaɲɔgɛnu yen, anu ka wonu lalimaniya anu tagata.
Actualmente seleccionado:
Kiilanu 16: MOG
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Kiilanu 16
16
Pɔlu nun Silasi taga koe Timote fɛ
1Awa, Pɔlunu tagata ke Deribe nun Lisitiri saa tɔ. A ka talibe do taran ɲɔ a tɔgɔ Timote; a nɛɛnɛ mu Yahude musu dɛnkɛnɛyareŋɛ le la, kɔnɔ Yahude ma a baaba kan na. 2Nɛɛnɛdɔndɛ diinaɲɔgɛnu minnu be Lisitiri nun Ikoni saa tɔ, wonu be ale Timote tɔgɔ ɲinma fɔla. 3A sɔgɔ ka Pɔlu bita a ni a doni a fɛ. Wo butɔ, a ka a jigan a ka a sunna Yahudenu la ko la minnu be wo dulanu tɔ, bayi bɛ ka a lɔn, ka a fɔla Yahude ma a baaba la. 4Anu be tagala kela saa minnu ma, kiilanu nun Darisalamu kuntigenu ka sariya minnu sa, anu tanbita wonu lakela ɲɔ dɛnkɛnɛyabaganu ma, anu ni wonu labatu. 5Wo butɔ, dɛnkɛnɛyabaga kuruŋɛ bɛ be sɛnbɛ donna dɛnkɛnɛya koe ma, anu tota yiriwala lun go lun.
Pɔlu la kiboe Toroyasi saa tɔ
6Pɔlu nun Silasi la biyase tɔ, Ala Hakkili Saniyandeŋɛ ka anu latɔn, ka a fɔla anu kana Ala la kuma fɔ Asi duge tɔ, wo butɔ anu ka Firigi nun Galati dugenu takuntu. 7Anu keta Misi duge naaniŋɛ tɔ wagate min tɔ, anu be katala ka taga Bitini duge tɔ, kɔnɔ Isa Hakkile ma sɔn anu ye. 8Wo butɔ, anu bɔɔta Misi kɔma kɔma kila la, anu jigita Toroyasi saa butɔ. 9Pɔlu kibota ɲɔ wo sue tɔ: a ka a yen Masedoni kaa kaye do be sɔren a tota a madiyala, a ko: «I ni ba tɛgɛ nala Masedoni duge tɔ, i ni mɔ dɛman!» 10Pɔlu la wo kiboe ma kɔma, mɔ laata a la yati, Ala bata mɔ kele, ka a fɔla mɔ ni kibaru ɲinma lake ɲɔ kaanu le ma. Wolo mu, mɔ#16:10 Luki tugun be anu ɲaama katata ɲɔ kisanna mɔ ni taga Masedoni duge tɔ.
Lidiya dɛnkɛnɛya koe Filipi saa tɔ
11Wo butɔ, mɔ jigita kulun banba tɔ Toroyasi, ka taga kila telendeŋɛ la Samotarasi sure tɔ. Wo tabantaka, mɔ tanbita Neyapoli saa tɔ. 12Mɔ bɔɔta ɲɔ, mɔ tagata Filipi, Masedoni duge saa fɔlɛ tɔ; Rɔmu kaanu la sariya be sabatiren ɲɔ. Mɔ ka wagati do latanbi wo saa tɔ.
13Mɔ be a miraren Ala batudula be ka min na, mɔ bɔɔta saa kɔma sulen lɔ́gɛ́, mɔ tagata ɲɔ, kɔɛɛ dala. Mɔ ka muse donu taran madɛnden ɲɔ. Mɔ sigita, mɔ tota kumala anu ye. 14Wo musenu tɔ, dɔndɔ tɔgɔ Lidiya: jula le mu a la, a be kuta dubalamanɛŋɛ sɔnbɛlɛŋɛ mayitala, a be bɔɔren Tiyatiri saa butɔ, a be donden Yahudenu la diina tɔ. Awa, a to be a tolomasɔla, Marige ka a sondoŋɛ laka, alako Pɔlu be min fɔla a ni sabati wo kuma tɔ. 15Wolo ka a ma, a nun a la boŋɛ butɔ mɔgɛnu lasuwɛta je tɔ. Wo kɔma a ka mɔ madiya, a ko: «Ka wo be laaren a la n bata dɛnkɛnɛya Marige ma yati, wo don n na boŋɛ tɔ, wo ni yigiya.» A ka mɔ karahan mɔ ni sɔn.
Pɔlu nun Silasi sa koe geele tɔ
16Lun do, mɔ be tagala Ala batudula, mɔ nun jonden musereŋɛ do bɛnta; fɛrili ma jinna be a bolo, a be tɔnɔ banba sɔtɔla a marigenu ye fɛrili ma butɔ. 17A be mɔ nun Pɔlu jokkila, a tota belebelela, a ko: «Ala min mayɛlɛta, a la jondeŋɛnu le mu kɛ mɔgɛnu la; anu be kise la ko kila le yitala wo la.» 18A tota wo mala tele siyama han wo ka Pɔlu fiddɛ, a ka a firifiri, a ka fɔ wo jinna ye: «N bata i yamɔri Ala la mɔgɔ masubɛreŋɛ Isa tɔgɛ la: bɔɔ kɛ muse kɔma!» A bɔɔta a kɔma kisanna.
19Awa, ale muse marigenu to ka a yen anu te nɔ tɔnɔ sɔtɔla a fɛ bitugun, anu ka Pɔlu nun Silasi bita, anu ka anu sabaa ka anu nati saa mansanu ɲakɔtɔ saa tɛma. 20Anu to ka anu don kiiti salanu bolo, anu ka a fɔ: «Kɛ mɔgɛnu be mɔ la saa ɲatadonna. Yahude le mu anu la, 21anu be naamuŋɛnu la ko yitala, wo mɔle Rɔmu kaanu ma sɔn minnu mala#16:21 Rɔmu kaa siyama be sabatiren Filipu saa tɔ.» 22Jama tugun wulita anu digii ma. Kiiti salanu ka yamɔre sa anu ni Pɔlu nun Silasi makoren, ka anu botege dɔkkɛ la. 23Anu to ka anu botege dɔkkɛ da ɲa siyama la, anu ka anu lafili geele tɔ, anu ka geele kantala yamɔri, a ni anu kanta a ɲinma la. 24A la wo yamɔre sɔtɔ kɔma, a ka anu lafili geeli boŋɛ butɔ daŋɛ tɔ, a ka anu kɛŋɛ sa tintiliŋɛ tɔ.
25Suu tɛma, Pɔlu nun Silasi be Ala mataranna ka beetenu bɔɔ, gelemanɛ doenu be anu tolomasɔren anu kulɛ la. 26Duge sɛrɛnta a banba la kisanna, han geele boŋɛ fondoma lamagata. Wo tɛmu dɔndɛ tɔ, bonda bɛ lakata, gelemanɛnu bɛ kitifeŋɛnu fulenta. 27Wo butɔ, geele kantala kunɛnta kinnɔgɛ la; a to ka geele bonda bɛ yen nakaren, a ka a la faŋɛ sabaa a yɛtɛ faga koe la, bayi a be a miraren, ka a fɔla gelemanɛnu bata bori. 28Kɔnɔ Pɔlu ka a kulɛ banba labɔɔ, a ko: «I kana fenfen koron ma i yɛtɛ la! Mɔle bɛ be yan yati!» 29Wo butɔ, geeli kantala ka ta makele, a donta teriya la. A boeta Pɔlu nun Silasi kɛn kɔtɔ, a be sɛrɛnna. 30Wo kɔma, a ka anu labɔɔ, a ko: «N tigenu, n bɛnta n ni fen ma alako n ni kisi?» 31Anu ka a jaabi, anu ko: «I ni dɛnkɛnɛya Marige Isa ma, wo butɔ i nun i la denbaya si kisi.» 32Wo kɔma, anu ka Marige la kuma fɔ a nun a la bon butɔ mɔgɛnu bɛ ye. 33Wo sue wo wagate dɔndɛ tɔ, a ka anu doni a fɛ, a ka anu la tɛlɛnu ko. Wo wagate yati tɔ, a nun a la mɔgɛnu bɛ lasuwɛta je tɔ. 34Wo kɔma, a ka anu doni a la boŋɛ tɔ, a ka dɔmɛ dii anu ma. A nun a la denbaya bɛ sɛɛwata han, anu to bata dɛnkɛnɛya Ala ma.
35Ɲɔ to kɛnɛta, kiiti salanu ka sɔɔrenu lasanba, anu ni taga a fɔ geele kantala ye, a ni Pɔlu nun Silasi boloka. 36Geele kantala ka wo kuma fɔ Pɔlu ye, a ko: «Kiiti salanu bata kiila kii, aa n ni wo boloka. Awa kɔtɛ, wo bɔɔ wo ni taga jususa butɔ!» 37Kɔnɔ Pɔlu ka a fɔ anu ye, a ko: «Anu bata mɔ botege kɛnɛ tɔ, anu ma mɔ makiiti, mɔle dun mu Rɔmu kaanu le la, anu mɛn ka mɔ lafili geele tɔ. Kɔtɛ anu ni mɔ labɔɔ sutura tɔ ba? Ade! Wo te ma feu! Fɔ anu faŋɛ ni na mɔ labɔɔ!» 38Sɔɔrenu ka wo kuma lasaagi kiiti salanu ma. Wonu to ka a mɔɛ, ka a fɔla Rɔmu kaanu le mu Pɔlu nun Silasi la, anu kilanta. 39Wo butɔ, anu tagata anu madiɲa. Anu to ka anu labɔɔ, anu tota anu majɛjɛla, anu ni bɔɔ saa butɔ ka taga. 40Pɔlu nun Silasi bɔɔta geele tɔ, anu tagata don Lidiya la boŋɛ tɔ. Anu to ka nɛɛnɛdɔndɛ diinaɲɔgɛnu yen, anu ka wonu lalimaniya anu tagata.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión