Kiilanu 15
15
Darisalamu mamadɛŋɛ
1Lun do, kaye donu bɔɔta le Juda jamanɛ tɔ, anu jigita Antiyoki, anu fɔlɔta ɲɔ nɛɛnɛdɔndɛ diinaɲɔgɛnu karanna, anu ko: «Ka wo ma sunna, iko Musa la sariya be ki min na, wo te nɔ kisila.» 2Pɔlu nun Baranabasi ma sɔn wo kuma la feu, han a mata anu tɛma bɛnbaliya la. Wo butɔ, anu ka natá jigan, Pɔlu nun Baranabasi nun donu anu tɛma, wonu ni yɛlɛ Darisalamu kiilanu nun kuntigenu ɲininkadula kɛ koe la. 3Awa, dɛnkɛnɛyabaga jama ka anu fanda. Anu be Fenisi nun Samari duge takuntula wagate min tɔ, anu tota a yitala ɲɔ kaanu la, sii gbɛtɛ mɔgɛnu ka anu yɛtɛ lasaagi Ala ma ki min na minnu ma ma Yahudenu la. Wo mata sɛɛwa banba la nɛɛnɛdɔndɛnu bɛ ye.
4Anu la kereŋɛ Darisalamu, dɛnkɛnɛyabaga jama anun kiilanu nun kuntigenu ka anu labɛn. Ala ka koe minnu ma anu sabu la anu ka wo bɛ ɲamakaran. 5Kɔnɔ, Farisi jama mɔgɛ donu minnu bata ma dɛnkɛnɛyabaga la, wonu wulita anu be a fɔla, aa fɔ sii gbɛtɛ dɛnkɛnɛyabaganu ni sunna tekku, anu ni to Musa la sariya bɛ kɔma.
6Awa, kiilanu nata madɛn anu nun kuntigenu, anu ni wo koe masoe. 7Sɔsɔre banba bata ma wagate min tɔ, Piyɛri wulita a ka a fɔ anu ye, a ko: «N nɛɛnɛdɔndɛnu, wo yɛtɛ ka a lɔn Ala ka nde masubɛ wo tɛma bɔɔla bima, alako sii gbɛtɛ mɔgɛnu ni kibaru ɲinma lamɔɛ nde la, anu ni dɛnkɛnɛya. 8Ala min ka mɔgɛ sondoŋɛ butɔ koe lɔn, wo ka a Hakkili Saniyandeŋɛ dii anu ma, iko a ka a dii mɔ ma ki min na, wo butɔ a ka a yita anu la a beeyareŋɛ la anu bata ma a tɛŋɛ la. 9A ma tɛtɛgɛbɔɛ ma mɔle nun ande tɛma, bayi a ka anu sondoŋɛ tugun nasaniyan anu la dɛnkɛnɛya le la ko la. 10Awa kɔtɛ, wo be Ala mafɛlɛla fenna? Wo be kote sigila fenna kɛ sii gbɛtɛ talibenu kunma, wo mɔ benbanu nun wo mɔle te min nɔ? 11Mɔ ɲan be laaren ka a fɔla, mɔle Yahudenu be kisila Marige Isa la hinnɛnteya le la, awa, ande tugun be kisila ɲɔgɔnna le.»
12Wo kɔma, jama bɛ ka a mɔdɛ, anu mɛn be anu tolomasɔla Baranabasi nun Pɔlu la kuma la: Ala ka misale nun kabanakoe minnu bɛ ma anu sabu la sii gbɛtɛ mɔgɛnu tɛma, anu be wonu ɲamakaranna anu ye.
13Anu to ka kumare ban, Yaguba ka kuma jigan, a ko: «N nɛɛnɛdɔndɛnu, wo tolomasɔ n na kuma la. 14Ala naata mɔgɛnu masubɛ sii gbɛtɛnu tɛma ki min na a fɔlɛ la, anu ni ma a la jama la, Simɔn Piyɛri bata wo ɲamakaran. 15Nabiyonmɛnu ɲan ka wo kuma dɔndɛ le fɔ nun, iko a be sɛbɛren ki min na, Marige ko:
16 ‹Wo kɔma, n si tana le Dauda la tantaa bon boereŋɛ lawuli tugun,
n ni a dula tiɲareŋɛnu taɲiɲa, n ni a latelen,
17-18 alako sii gbɛtɛ mɔgɛnu tugun ni nde Marige ɲini,
n tɔgɔ be saren sii gbɛtɛ min bɛ la kɔni.
⸂Nde Marige ka kɛ koenu minnu sa bɔɔla hau, n si anu lakamali le yati.⸃› # 15:17-18 Annabi Amosi, sora 9, haaya 11-12 fɛlɛ. »
19Yaguba mɛn ko: «Wolo mu, nde be a saren, sii gbɛtɛ mɔgɛnu minnu be anu yɛtɛ lasaagila Ala ma, a ma bɛn ka bɛlɛya takafu wonu ye, 20fɔ ka sɛbɛre ma, ka a lasanba anu ma, anu ni anu yɛtɛ latanga sarika haramureŋɛnu dɔmɔ koe ma, minnu be bɔɔla kuyenu ye, anun subenu minnu bata jifɛ, anun base, anu mɛn ni anu latanga langbeya ma. 21Wo ka a lɔn: bɔɔla fɔlɔ, mɔgɛnu minnu be Musa la sariya lakela, wonu be saanu bɛ butɔ: a la kitabue be karanna kawandi ma boŋɛnu tɔ sulen lɔ́gɛ́ bɛ tɔ.»
22Wo butɔ, kiilanu nun kuntigenu anun dɛnkɛnɛyabaga jama bɛ bɛnta a ma, anu ni kaye donu masubɛ anu tɔ, ka wonu lasanba Antiyoki saa tɔ Pɔlu nun Baranabasi masɔdula. Silasi anun Juda min tɔgɛ be fɔla Barasabasi, anu ka wonu masubɛ, bayi anu mu ɲatonkanu le la nɛɛnɛdɔndɛnu tɛma. 23Anu ka sɛbɛre ma, anu ka a don wonu bolo, anu ko: «Mɔle, wo nɛɛnɛdɔndɛnu, minnu be tabɛnden kiilanu nun kuntigenu ma, mɔ bata wole sii gbɛtɛnu nɛɛnɛdɔndɛnu kɔntɔn, minnu be Antiyoki saa nun Siri nun Silisi dugenu tɔ.
24Mɔ bata a mɔɛ ka a fɔla mɔgɛ donu bata bɔɔ mɔ tɛma, mɔ ma saara minnu la, aa anu bata wo lakɔntɔfili anu la kumanu la, anu bata wo juse makasa. 25Wolo mu, mɔ bata bɛn a ma hanigi dɔndɔ la mɔ ni kiila donu masubɛ ka a lasanba wo ma, anu ni Pɔlu nun Baranabasi masɔ, mɔ kanunteŋɛnu, 26minnu diɲata anu nɛ ma mɔ Marige Isa, Ala la mɔgɔ masubɛreŋɛ tɔgɛ la ko la. 27Wolo mu, mɔ bata Juda nun Silasi lasanba, wonu tugun yɛtɛ ni wo kiila dɔndɛ lake wo ma, da nun da. 28Wo ni a lɔn mɔle nun Ala Hakkili Saniyandeŋɛ bata bɛn a ma, koto gbɛtɛ yo kana sa wo kunma, fɔ kɛ sariyanu: 29wo kana sube dɔmɔ, min be bɔɔren sarika la kuyenu ye, anun subu jifɛreŋɛnu, wo kana base tugun min, wo mɛn kana langbeya ma. Ka wo ka wo yɛtɛ matanga kɛnu ma, wo bata ko ɲinma ma. Ala mu hɛra diila wo ma!»
30Awa, anu to ka saara ban, anu jigita Antiyoki saa tɔ. Anu la kereŋɛ ɲɔ, anu ka dɛnkɛnɛyabaga jama madɛn, anu ka bataakɛ don anu bolo. 31Wonu to ka a karan, wo malase ka anu sɛɛwa a ɲinma la. 32Juda nun Silasi minnu yɛtɛ yati mu nabiyonmɛnu la, anu ka nɛɛnɛdɔndɛnu waajɛ kuma siyama la, anu ka anu lalimaniya. 33Anu to ka wagate do ma ɲɔ, nɛɛnɛdɔndɛnu ka anu boloka hɛra tɔ, anu ni saagi anu kiilanu ma. ⸂ 34Kɔnɔ Silasi kan tota ɲɔ betunna.⸃
35Pɔlu nun Baranabasi tota Antiyoki, anu nun mɔgɔ siyama be mɔgɛnu kawandila, anu be Marige la kibaru ɲinma lakela anu ma.
Pɔlu nun Baranabasi fatan koe
36Wagate donu tanbi kɔma, Pɔlu ka a fɔ Baranabasi ye, a ko: «Mɔ ka Marige la kuma lake saa minnu bɛ tɔ, kɔtɛ mɔ ni saagi wonu tɔ, mɔ ni taga mɔ nɛɛnɛdɔndɛnu kɔntɔn, ka anu fɛlɛ anu be ki min na.» 37Baranabasi be diren de anu ni Yaya tugun doni anu fɛ, min tɔgɛ mɛn be fɔla Maraki. 38Kɔnɔ Pɔlu ko aa wo la taga koe te bɛn anu fɛ, bayi a ka anu aɲɛ le bɔɔla Panfili duge tɔ, a ma taga anu fɛ bitugun kiilaya la. 39Wo koe ɲɔgɔn masɔ́sɛ́ bɛlɛyata anu tɛma, han anu fatanta. Baranabasi ka Maraki jigan, anu bakkita kulun banba tɔ tagala Sipiri sure tɔ.
40Pɔlu tugun ka Silasi masubɛ; nɛɛnɛdɔndɛnu to ka Pɔlu taaku Marige la hinnɛnteya la, anu tagata, 41anu ka Siri nun Silisi duge tatagaman, a ka dɛnkɛnɛyabaga kuruŋɛnu lalimaniya.
Actualmente seleccionado:
Kiilanu 15: MOG
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Kiilanu 15
15
Darisalamu mamadɛŋɛ
1Lun do, kaye donu bɔɔta le Juda jamanɛ tɔ, anu jigita Antiyoki, anu fɔlɔta ɲɔ nɛɛnɛdɔndɛ diinaɲɔgɛnu karanna, anu ko: «Ka wo ma sunna, iko Musa la sariya be ki min na, wo te nɔ kisila.» 2Pɔlu nun Baranabasi ma sɔn wo kuma la feu, han a mata anu tɛma bɛnbaliya la. Wo butɔ, anu ka natá jigan, Pɔlu nun Baranabasi nun donu anu tɛma, wonu ni yɛlɛ Darisalamu kiilanu nun kuntigenu ɲininkadula kɛ koe la. 3Awa, dɛnkɛnɛyabaga jama ka anu fanda. Anu be Fenisi nun Samari duge takuntula wagate min tɔ, anu tota a yitala ɲɔ kaanu la, sii gbɛtɛ mɔgɛnu ka anu yɛtɛ lasaagi Ala ma ki min na minnu ma ma Yahudenu la. Wo mata sɛɛwa banba la nɛɛnɛdɔndɛnu bɛ ye.
4Anu la kereŋɛ Darisalamu, dɛnkɛnɛyabaga jama anun kiilanu nun kuntigenu ka anu labɛn. Ala ka koe minnu ma anu sabu la anu ka wo bɛ ɲamakaran. 5Kɔnɔ, Farisi jama mɔgɛ donu minnu bata ma dɛnkɛnɛyabaga la, wonu wulita anu be a fɔla, aa fɔ sii gbɛtɛ dɛnkɛnɛyabaganu ni sunna tekku, anu ni to Musa la sariya bɛ kɔma.
6Awa, kiilanu nata madɛn anu nun kuntigenu, anu ni wo koe masoe. 7Sɔsɔre banba bata ma wagate min tɔ, Piyɛri wulita a ka a fɔ anu ye, a ko: «N nɛɛnɛdɔndɛnu, wo yɛtɛ ka a lɔn Ala ka nde masubɛ wo tɛma bɔɔla bima, alako sii gbɛtɛ mɔgɛnu ni kibaru ɲinma lamɔɛ nde la, anu ni dɛnkɛnɛya. 8Ala min ka mɔgɛ sondoŋɛ butɔ koe lɔn, wo ka a Hakkili Saniyandeŋɛ dii anu ma, iko a ka a dii mɔ ma ki min na, wo butɔ a ka a yita anu la a beeyareŋɛ la anu bata ma a tɛŋɛ la. 9A ma tɛtɛgɛbɔɛ ma mɔle nun ande tɛma, bayi a ka anu sondoŋɛ tugun nasaniyan anu la dɛnkɛnɛya le la ko la. 10Awa kɔtɛ, wo be Ala mafɛlɛla fenna? Wo be kote sigila fenna kɛ sii gbɛtɛ talibenu kunma, wo mɔ benbanu nun wo mɔle te min nɔ? 11Mɔ ɲan be laaren ka a fɔla, mɔle Yahudenu be kisila Marige Isa la hinnɛnteya le la, awa, ande tugun be kisila ɲɔgɔnna le.»
12Wo kɔma, jama bɛ ka a mɔdɛ, anu mɛn be anu tolomasɔla Baranabasi nun Pɔlu la kuma la: Ala ka misale nun kabanakoe minnu bɛ ma anu sabu la sii gbɛtɛ mɔgɛnu tɛma, anu be wonu ɲamakaranna anu ye.
13Anu to ka kumare ban, Yaguba ka kuma jigan, a ko: «N nɛɛnɛdɔndɛnu, wo tolomasɔ n na kuma la. 14Ala naata mɔgɛnu masubɛ sii gbɛtɛnu tɛma ki min na a fɔlɛ la, anu ni ma a la jama la, Simɔn Piyɛri bata wo ɲamakaran. 15Nabiyonmɛnu ɲan ka wo kuma dɔndɛ le fɔ nun, iko a be sɛbɛren ki min na, Marige ko:
16 ‹Wo kɔma, n si tana le Dauda la tantaa bon boereŋɛ lawuli tugun,
n ni a dula tiɲareŋɛnu taɲiɲa, n ni a latelen,
17-18 alako sii gbɛtɛ mɔgɛnu tugun ni nde Marige ɲini,
n tɔgɔ be saren sii gbɛtɛ min bɛ la kɔni.
⸂Nde Marige ka kɛ koenu minnu sa bɔɔla hau, n si anu lakamali le yati.⸃› # 15:17-18 Annabi Amosi, sora 9, haaya 11-12 fɛlɛ. »
19Yaguba mɛn ko: «Wolo mu, nde be a saren, sii gbɛtɛ mɔgɛnu minnu be anu yɛtɛ lasaagila Ala ma, a ma bɛn ka bɛlɛya takafu wonu ye, 20fɔ ka sɛbɛre ma, ka a lasanba anu ma, anu ni anu yɛtɛ latanga sarika haramureŋɛnu dɔmɔ koe ma, minnu be bɔɔla kuyenu ye, anun subenu minnu bata jifɛ, anun base, anu mɛn ni anu latanga langbeya ma. 21Wo ka a lɔn: bɔɔla fɔlɔ, mɔgɛnu minnu be Musa la sariya lakela, wonu be saanu bɛ butɔ: a la kitabue be karanna kawandi ma boŋɛnu tɔ sulen lɔ́gɛ́ bɛ tɔ.»
22Wo butɔ, kiilanu nun kuntigenu anun dɛnkɛnɛyabaga jama bɛ bɛnta a ma, anu ni kaye donu masubɛ anu tɔ, ka wonu lasanba Antiyoki saa tɔ Pɔlu nun Baranabasi masɔdula. Silasi anun Juda min tɔgɛ be fɔla Barasabasi, anu ka wonu masubɛ, bayi anu mu ɲatonkanu le la nɛɛnɛdɔndɛnu tɛma. 23Anu ka sɛbɛre ma, anu ka a don wonu bolo, anu ko: «Mɔle, wo nɛɛnɛdɔndɛnu, minnu be tabɛnden kiilanu nun kuntigenu ma, mɔ bata wole sii gbɛtɛnu nɛɛnɛdɔndɛnu kɔntɔn, minnu be Antiyoki saa nun Siri nun Silisi dugenu tɔ.
24Mɔ bata a mɔɛ ka a fɔla mɔgɛ donu bata bɔɔ mɔ tɛma, mɔ ma saara minnu la, aa anu bata wo lakɔntɔfili anu la kumanu la, anu bata wo juse makasa. 25Wolo mu, mɔ bata bɛn a ma hanigi dɔndɔ la mɔ ni kiila donu masubɛ ka a lasanba wo ma, anu ni Pɔlu nun Baranabasi masɔ, mɔ kanunteŋɛnu, 26minnu diɲata anu nɛ ma mɔ Marige Isa, Ala la mɔgɔ masubɛreŋɛ tɔgɛ la ko la. 27Wolo mu, mɔ bata Juda nun Silasi lasanba, wonu tugun yɛtɛ ni wo kiila dɔndɛ lake wo ma, da nun da. 28Wo ni a lɔn mɔle nun Ala Hakkili Saniyandeŋɛ bata bɛn a ma, koto gbɛtɛ yo kana sa wo kunma, fɔ kɛ sariyanu: 29wo kana sube dɔmɔ, min be bɔɔren sarika la kuyenu ye, anun subu jifɛreŋɛnu, wo kana base tugun min, wo mɛn kana langbeya ma. Ka wo ka wo yɛtɛ matanga kɛnu ma, wo bata ko ɲinma ma. Ala mu hɛra diila wo ma!»
30Awa, anu to ka saara ban, anu jigita Antiyoki saa tɔ. Anu la kereŋɛ ɲɔ, anu ka dɛnkɛnɛyabaga jama madɛn, anu ka bataakɛ don anu bolo. 31Wonu to ka a karan, wo malase ka anu sɛɛwa a ɲinma la. 32Juda nun Silasi minnu yɛtɛ yati mu nabiyonmɛnu la, anu ka nɛɛnɛdɔndɛnu waajɛ kuma siyama la, anu ka anu lalimaniya. 33Anu to ka wagate do ma ɲɔ, nɛɛnɛdɔndɛnu ka anu boloka hɛra tɔ, anu ni saagi anu kiilanu ma. ⸂ 34Kɔnɔ Silasi kan tota ɲɔ betunna.⸃
35Pɔlu nun Baranabasi tota Antiyoki, anu nun mɔgɔ siyama be mɔgɛnu kawandila, anu be Marige la kibaru ɲinma lakela anu ma.
Pɔlu nun Baranabasi fatan koe
36Wagate donu tanbi kɔma, Pɔlu ka a fɔ Baranabasi ye, a ko: «Mɔ ka Marige la kuma lake saa minnu bɛ tɔ, kɔtɛ mɔ ni saagi wonu tɔ, mɔ ni taga mɔ nɛɛnɛdɔndɛnu kɔntɔn, ka anu fɛlɛ anu be ki min na.» 37Baranabasi be diren de anu ni Yaya tugun doni anu fɛ, min tɔgɛ mɛn be fɔla Maraki. 38Kɔnɔ Pɔlu ko aa wo la taga koe te bɛn anu fɛ, bayi a ka anu aɲɛ le bɔɔla Panfili duge tɔ, a ma taga anu fɛ bitugun kiilaya la. 39Wo koe ɲɔgɔn masɔ́sɛ́ bɛlɛyata anu tɛma, han anu fatanta. Baranabasi ka Maraki jigan, anu bakkita kulun banba tɔ tagala Sipiri sure tɔ.
40Pɔlu tugun ka Silasi masubɛ; nɛɛnɛdɔndɛnu to ka Pɔlu taaku Marige la hinnɛnteya la, anu tagata, 41anu ka Siri nun Silisi duge tatagaman, a ka dɛnkɛnɛyabaga kuruŋɛnu lalimaniya.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión