1 Piyɛri Kumanu le mu ka minnu be kɛ kitabue la ko fɔren
Kumanu le mu ka minnu be kɛ kitabue la ko fɔren
Ala la kiilá Piyɛri le ka kɛ kitabue sɛbɛ Isayanka dɛnkɛnɛyabaganu ma, minnu be malansanden luntanya la dula siyama butɔ Rɔmu kaanu be duge minnu kunma fɔla nun. Wo wagate, Rɔmu duge bata nɔɛ sɔtɔ jamanɛ siyama kunma nun. Ka Rɔmu duge ka jamanɛ nama min masɔtɔ, a te balan wo jamanɛ mɔgɛnu ni anu tɛn diina labatu, kɔnɔ a be diren de tugun anu ni Rɔmu mansa banba biliya iko ala. Isayanka dɛnkɛnɛyabaganu ma sɔn wo mala Ala la sariya la ko la. Anu ka a lɔn Ala dɔndɔ pɛti le mu. Wo butɔ, Isayankanu nun mɔgɛnu minnu be sabatiren wo Rɔmu kaanu la jamanɛnu tɔ, wonu ka anu ɲagankata a koroŋɛ la.
Piyɛri be kɛ bataakɛ sɛbɛren de, alako a ni Isayanka dɛnkɛnɛyabaganu lalimaniya ka a fɔla Ala ka a anu masubɛ, anu be maren a la jama saniyandeŋɛ le la. A mɛn ka anu lalimaniya anu la tɔɔrɛ tɔ. A ka a fɔ anu ye, aa tɔɔrɛ min be fatanden ko ɲinma ma koe la, wo ma koron, maluya bele wo tɔ. A mɛn ka Isa la faga koe misale yita anu la, alako anu ni a lɔn Alatala be anu kɛnna anu la tɔɔrɛ butɔ. Wo bɛ si nɔ mala limaniya la Isayanka dɛnkɛnɛyabaganu bɛ ye minnu be tɔɔrɔla anu la dɛnkɛnɛya la ko la.
Piyɛri be ko belebele siyama fɔla dɛnkɛnɛyabaganu ye anu tagamanɲanu la ko la. A be mɔ yamɔrila mɔ ni Ala la saniyaŋɛ jokki. Ka wo mɔ be maren Ala la sariya jokkilanu le la, a bɛnta mɔ ni tagaman a la kila le ma. Ala mu wo mɔ dɛmanna. Amina.
Actualmente seleccionado:
1 Piyɛri Kumanu le mu ka minnu be kɛ kitabue la ko fɔren: MOG
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión