Logo de YouVersion
Icono de búsqueda

Mt PROSTAVNA

PROSTAVNA
Jezu, To bhasail’lo Tarok. Adlea Korarant Aple porjek kel’leo bhasavnneo Devan pall’leo tem heach eklea, Jezu Taroka udexim.
Hem sogllem Mateva pormonnem xubhvhortoman sangta. Hi bori khobor, zanche modem Jezu zolmolo ani jielo, tech Judev porje khatir nhoi punn bogor ak’khea sonvsara khatir.Hem xubhvhortoman zotnaien mandlam. Hem Jezuchea zolman suru zata, Tacho batism ani tallneo utramnim mandd’ta, ani tea uprant Galileia Tache nirop porgottche, xikovnn diunche ani piddevontak borim korpache sevechi gozal korta. Magir, Galileia thaun Jeruzaleak Jezuchi bhonvddi ani nimannea satolleacheo ghodd’neo ani nimanne kodden Taka khursar martat tem ani To punorjivont zata tem, hea xubhvhortomanant boroilelem asa. Devache Somurtichi orthani diuncho adhikar asto, ani Sorginchea Rajea vixim xikoito Guru mhonn hem xubhvhortoman dakhoita. Tachi xikovnn vixoiancheam panch zomeamnim choddxi oxi ghalea: (1) Sorgim Rajeacheam nagrikanchea sobhavgunna, zababdarim, adavam ani darzonnea vixim, tem Dongravelem provochon (Avesor 5-7); (2) Bara xisanchea misionar vaura khatir tankam xikovnno (Avesor 10); (3) Sorgim Rajea vixim vopari (Avesor 13); (4) Xisponnachea ortha vixim xikovnn (Avesor 18); (5) ani hea kalla-iugachea xevotta ani Sorgim Rajeachea iennea vixim xikovnn (Avesor 24-25).
Hea Xubhvhortomanache Manddavollicho Attap
Jezu Kristachi vonxavoll ani zolm 1:1—2:23
Juanv Batistachi seva 3:1-12
Jezucho batizm ani tallni 3:13—4:11
Galileant Jezuchi bhouxik seva 4:12—8:34
Galileak thaun Jeruzaleak 19:1—20:34
Jeruzaleant nimannem satollem 21:1—27:66
Somiachem punorjivont ani Tachim dixnnim 28:1-20

Actualmente seleccionado:

Mt PROSTAVNA: KONKABSI

Destacar

Compartir

Copiar

None

¿Quieres tener guardados todos tus destacados en todos tus dispositivos? Regístrate o inicia sesión

YouVersion utiliza cookies para personalizar su experiencia. Al usar nuestro sitio web, acepta nuestro uso de cookies como se describe en nuestra Política de privacidad