JOSUA Bindu 12
Bindu 12
Goargoar ni raja, angka na pinapatu di bariba ni Jordan 1-6.
Raja angka na pinapatu ni si Josua di tano Kanaan hian 7-24.
I. 1Alai ondo raja ni tano i, angka na tinaluhon ni halak Israel, jala disoluk tanonasida di bariba ni Jordan, tungkan habinsaran, olat ni batang aek Arnon sahat ro di dolok Hermon dohot sandok adaran tungkan habinsaran. 2I ma Sihon, raja ni halak Amori, na maringan di Hesbon, ia ginomgomanna olat ni Aroer na martopihon batang aek Arnon sahat ro di parsitongaan ni batang aek i, ro di satonga Gilead sahat ro di batang aek Jabok, parbalohan ni tano ni halak Amon. #4Mus 21:24 3Salpu adaran sahat tu tao Kinnerot tungkan habinsaran, jala sahat ro di laut ni rura i, i ma laut sira tungkan habinsaran, di dalan laho tu Betjesimot, jala di dangsina marbonahon angka tuatan ni Pisga. 4Angkup ni luat ni si Og, raja sian Basan, sian pasipasi ni halak Repaim, angka na maringan di Astarot dohot Edrei. #4Mus 21:33; 5Mus 3:11 5Jala digomgomi dolok Hermon dohot Salka, ro di sandok Basan sahat tu parbalohan ni halak Gesur i dohot Maaka i dohot satonga Gilead, parbalohan ni tano ni Sihon, raja sian Hesbon. 6Si Musa dope, naposo ni Jahowa rap dohot halak Israel manaluhon nasida, laos si Musa naposo ni Jahowa mangalehon tano i bahen partalian ni halak Ruben, Gad dohot satonga Manasse. #4Mus 32:33
II. 7Alai ondo raja di tano i, angka na tinaluhon ni si Josua rap dohot halak Israel di bariba ni Jordan tungkan hasundutan, olat ni Baal-Gad na di rura ni Libanon, sahat ro di tor na saesae, laho nangkok tungkan Seir, jala dilehon si Josua tano i bahen partalian di angka marga ni Israel, mangihuthon sagisagiannasida. 8Tano di dolok, di rura, di adaran, di angka tuatan, di halongonan dohot di tano tungkan dangsina: Halak Het, Amori, Kanaan, Perisi, Hevi dohot Jebusi. #Jos 11:3 9Raja sian Jeriko sada, raja sian Ai, na tungkan lambung sian Betel sada. #Jos 6:2, 8:29 10Raja sian Jerusalem sada, raja sian Hebron sada. #Jos 10:1, 3 11Raja sian Jarmut sada, raja sian Lakis sada. #Jos 10:3 12Raja sian Eglon sada, raja sian Gezer sada. #Jos 10:3, 26, 33 13Raja sian Debir sada, raja sian Geder sada. #Jos 10:39; Pangh 1:11 14Raja sian Horma sada, raja sian Arad sada. #4Mus 21:1; Pangh 1:17 15Raja sian Libna sada, raja sian Adullam sada. #Jos 10:29-30 16Raja sian Makkedah sada, raja sian Betel sada. #Jos 10:28 17Raja sian Tappua sada, raja sian Heper sada. 18Raja sian Apek sada, raja sian Lasaron sada. #Jos 15:53; 1Sam 4:1 19Raja sian Madon sada, raja sian Hazor sada. #Jos 11:1, 10 20Raja sian Simron-Meron sada, raja sian Aksap sada. #Jos 11:1 21Raja sian Taanak sada, raja sian Megiddo sada. 22Raja sian Kedes sada, raja sian Jokneam sada marbonahon Karmel. 23Raja sian Dor, na di luat Dor sada, raja ni parbegu angka na di Gilgal sada. #Jos 11:2 24Raja sian Tirza sada. Saluhut angka rajai tolupulu sada halak toropna.
Actualmente seleccionado:
JOSUA Bindu 12: BBC
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
Batak Toba Bible Revised Edition © Indonesian Bible Society, 1998.