Versículos bíblicos populares de John 1

Compartir

အယ်ဘေမဲ့ သူ့ဟ ငါ့ဝိုယုံကြည်ပီးလက်ခံဝိုသူဒွေဝို သူဟ အဲမိုလူဒွေဝို ဘုရားရှင်ရဲ့သားမီးဒွေဖြစ်ဝို ခွမ့်ဝို ပေးတော်မူရယ်။

ဘုရားရှင်ဟ ဘာလောကဝို ဖန်ဆင်းတော်မမူခံ နှုကပတ်တော် ရှေ့ရယ်။ နှုကပတ်တော်ဟ ဘုရားရှင်နတူတူရှေ့ပီး နှုကပတ်တော်ဟလဲ ဘုရားရှင်ဖြစ်ရယ်။

အဲမိုလန်းဟ မှော်ထုထဲမှာ လမ်းပျော့မျိုး ဖစ်နေဝို မကောမူ့ ဒုစရိုက်ပြုလုပ်နေသူဒွေဝို လမ်းမှန်ဝိုပလန်ရော့အော် လမ်းပြပေးဝို လန်းရော်ဖစ်ရယ်။ မကောမူ့ ဒုစရိုက်ပြုလုပ်နေဂေ့ဝိုသူဒွေဟ အဲမိုလန်းရော်ဝို တားဆီးနိုင်ဝိုစွမ်းစမေ့ဂေ့ရ။

နှုကပတ်တော်ဟ သစ္စာတရားတော်နဖြစ်ဖြစ် မေတ္တာတော်နဖြစ်ဖြစ် ပလဲ့ဇုံပီး လူသားဖြစ်ဝိုခံယူပီး ငါဒို့ဂျားမှာ နေထိုင်တော်မူရယ်။ အဲဂျော့ အဖဘုရားရှင်ရဲ့ ဘားတည်းသောသားတော်ဖြစ် သူလက်ခံရရှေ့ထားဝို သူ့ရဲ့ဘုန်းအသရေတော်ဝို နို့ဟ ဗြင်တွီ့ဂေ့ရရယ်ဖြစ်ရယ်။

နှုကပတ်တော်အားနဘဲ့ ဘုရားရှင်ဟ ရာခပ်သီးဒွေဝို ဖန်ဆင်းတော်မူရယ်။ နှုကပတ်တော်ပါဘဲန ဖန်ဆင်းထားဝိုရာလေ ခုလဲမှေ့ရ။ အဲမိုနှုကပတ်တော်ဟ ဖန်ဆင်းထားဝို့ရာဂူလုံးဒွေဝို သက်ဝိုပေးတော်မူရယ်။ အယ်မိုသက်ဟ လူပေါဒွေတွက် လန်းရော်ဖြစ်ရယ်။

နော့နေ့မှာ ယောဟန်ဟ သူ့ဆီဝို ကိုယ်တော်ယေရှုလာနေဇာဝို ဗြင်ခါမှာ “ကေ့ကေ့လိုက် အဲမိုလူဟ ဘာပေါ်မှာ လူသားအားလုံးဂူရဲ့ပြစ်ဒွေဝို ယူဆော်သွားပေးဝို့ ဘုရားရှင်ရဲ့သိုးသငယ်ဖြစ်ရယ်" ဆိုပီး ပြောလေရယ်။

အဲမိုလန်းရော်နတူဝိုအရှင်ဟ အယ်ဘာမလေပေါ်မှာရှေ့နေပီး အဲမိုအရှင်အားန ဘုရားရှင်ဟ ရာအားလုံးဝို ဖန်းဆင်းတော်မူရစ်ပေမဲ့ အယ်ဘာလောကဟ လူဒွေဟ အဲမိုအရှင်ဟ ဟယ်သူဖြစ်နူးဆိုဇာဝို သိဂေ့ရ။ အဲမိုအရှင်ဟ သူဖန်ဆင်းရားဝို ဘာမလေဝိုရော့လာပေမဲ့ သူ့ရဲ့လူမျိုးဒွေဖစ်ဝို ဂျူးလူမျိုးဒွေဟ သူ့ဝို လက်ခံကြိုဆိုဇာမှေ့ဂေ့ရ။

ယောဟန်အယ်မိုမျိုး ပြုလုပ်ဆော်ရွက်နေခီမှာ လန်းရော်နတူဝိုလူဟ အယ်ဘာမလေပေါ်ဝို ရော့ရှေ့လာရယ်။ သူ့ဟ မှော်ထဲမှာ လမ်းပျော့မျိုးဖစ်နေဂေ့ဝို ပြစ်ဒုစရိုက်သမားဒွေဝို လန်းရော်မျိုးလမ်းပြပီး ဗြင်မှန်ရရှိအော် လူသားဒွေပေါ်မှာ ဘုရားရှင်ရဲ့ကြောဝို သိဗြင်စေဝိုသူလဲဖြစ်ရယ်။

ဘုရားရှင်ဟ မောရှေဆီဟတဆင့် ပညတ်ရားတော်ဒွေဝို ပေးအပ်ရစ်ရားပေမဲ့ မဟာဂရုဏာမေတ္တာတော်န သစ္စာတရားဒွေဟ မေရှိယအရှင်ဖြစ်ဝို ကိုယ်တော်ယေရှုဆီဟ လာဇာဖြစ်ရယ်။