Versículos bíblicos populares de Галатияын улӥсьёслы 5

Compartir

Духлэн таӵе емышез: яратон, шумпотон, тупаса улон, чидась луон, лякытлык, гажась-жалясь луон, ог-огедлы оскиськымон луон, зӥбыт-востэм луон, возиськыны быгатон. Таӵе сямъёслы пумит закон уг мыны.

Мон шуисько: Духлы тэрытскыса улэ, соку лулмугорлэн кулэ каронъёсызлы тэрытскыса уд улэ.

Асьмеос Духен улӥськомы ке, соку Духлы кызьы кулэ, озьы ик лэсьтыны но кулэ.

Христос пала кариськемъёс юрӟым кулэ каронъёсын азэм лулмугорзэс кортӵогазы.

Лулмугорлэн сьӧлыко ужъёсыз тодмоесь, тани соос: азыса-калгыса улон, юрӟым, кырсь ужъёс лэсьтон; сульдэръёслы-идолъёслы йыбыртъян, веднаськон, тушмонъяськыса улон, керетонъёс, вожъяськон, вожпоттон, даллашонъёс-ченгешонъёс, тупатэк улон, ӧрекчи дышетонъёс, синазькыль карон, адями виён, юыса улон, визьтэмъяськон-укылтэмъяськон но мукет та выллем лек ужъёс. Кызьы азьвыл вералляй, али но тӥледлы верасько: тазьы улӥсьёс Инмар Эксэйлыкын люкет уг басьто.

Агай-вынъёс, тӥ эрико улон понна ӧтемын, но тӥляд эрикты лулмугор сярысь сюлмаськонлы медаз пӧрмы вал. Тӥ огдэс огды яратыса, юрттӥськыса улэ.

Уго Духлы мар ярантэм-кулэтэм, лулмугор сое кулэ каре. Нош Духлы мар ярано, сое лулмугор кулэтэм каре: соос огзылы огзы пумитъясько, мае лэсьтэмды потэ, сое тӥ медад лэсьтэ шуыса.

Уго быдэс законлэн шорсюлмыз луэ таӵе курон-косон: «Матысьтэ астэ кадь ик яраты».

Ушъямез-данъямез яратыса ум улэ. Ойдолэ, огмес огмы ум керӟегъяськытэ, огмылы огмы ум вожъяське.

Та эрикез асьмелы Христос сётӥз. Соин ик юн сылэ, нош ик ляльчи-медо луонлэн зӥбет улаз медад сюре шуыса.