Versículos bíblicos populares de Eksodus 3

Compartir

Ne Gado taigi Moses taki: “Mi na, A Wan Di De.” A taigi en taki: “Na disi yu mus taigi den Israelitisma: ‘A Wan Di De, seni mi kon na unu.’ ”

Gado piki en taki: “Mi sa de nanga yu. Disi sa de a marki taki na Mi seni yu. Te yu tyari a pipel kmoto fu Egipte un sa anbegi Gado tapu a bergi disi.”

Ne Gado taigi en taki: “No kon moro krosbei. Puru yu susu na yu futu bika yu tnapu tapu santa gron.”

MASRA taigi en taki: “Mi si bunbun fa mi folku e pina ini Egipte. Mi yere fa den e bari fu kan kon fri fu den wan di e basi den. Mi sabi a benawtu ini san den de. Dat' meki Mi saka kon fu puru den ini a makti fu den sma fu Egipte. Mi o puru den ini a kondre dati tu. Mi o tyari den go na wan bigi kondre pe a gron fatu. Wan kondre pe merki nanga oni de bogobogo. Dati na a kondre fu den Kananitisma, den Hetitisma, den Amoritisma, den Perisitisma, den Hiwitisma nanga den Yebusitisma.

Drape a Engel fu MASRA sori ensrefi na Moses leki wan faya di ben de ini wan pikin bon. Moses ben e luku èn a ben e si taki faya de na a bon, ma taki a bon no ben e bron.

Dat' meki Mi e seni yu go na Farao. Bika yu sa tyari mi pipel, den Israelitisma, kmoto ini Egipte.”