Versículos bíblicos populares de Eksodus 2

Compartir

Gado yere fa den ben e kragi, dan A prakseri a ferbontu di A ben meki nanga Abraham, Isak nanga Yakob. Gado ben e si den Israelitisma èn A ben sabi san ben e miti den.

Wan heri pisten baka dati a kownu fu Egipte kon dede. Ma den Israelitisma ben e dyeme ete fu a hebi wroko di den ben abi fu du. Den ben e bari suku yepi èn Gado ben yere fa den ben e bari suku yepi.

Di a boi kon bigi a tyari en go gi a umapikin fu Farao. A umapikin fu Farao teki a boi leki en eigi pikin, dan a gi en a nen fu Moses. A taki: “Mi o kari en Moses fu di na ini watra mi puru en.”

A umapikin fu Farao taigi a uma taki: “Teki a pikin disi dan yu e sorgu gi en gi mi. Mi sa pai yu fu en.” So a m'ma tyari a pikin gwe dan a sorgu gi en.

Dan a umapikin fu Farao kon wasi ini a Nijl-liba. Den umasrafu fu en ben e koiri na a libakanti. A umapikin fu Farao si a baskita mindri a langa grasi, dan a seni wan fu den umasrafu fu en go teki en kon.

Di Moses ben kon bigi, a kmoto wan dei fu go luku den sma fu en folku dan a si o tranga den ben abi fu wroko. Dan a si fa wan man fu Egipte ben e naki wan Hebrewman, wan man fu Moses eigi folku. Moses drai luku na alasei. Di a si taki no wan sma e luku en a naki a man fu Egipte kiri dan a tapu en nanga santi.