Versículos bíblicos populares de Vagalatiya 5

Compartir

Kasi mihando ya Moya ngu yiya: Lirando, litsako, kudikha, kutimisela, wunene, kutshambisa, kuthembeka, kuthutha, kutipimela; kha wu nga ho mlayo wu wu tsimbisako siya.

Se ani na mi gela ni khani: Tumelani kutsimbitiswa ngu Moya, eho se kha mi na mbi maha minavelo ya nyama.

Ngako hi nga ningwa wutomi ngu Moya, he maheni kuranda ka wona.

Avale i ku va Kristu va bethete ha txihambanoni nyama ni wubihi wa yona ni minavelo ya yona.

Mithumo ya mtumbuluko wa nyama ma yi ziva, ngu yiya: Wugelegele, mikhuwo ya nzambwa, ku ambi ti ñola; kukhozela sizimu sa walo, wuloyi, livengo, maguwa, txiluse, txitsikivi, kukanetana, ku ambi engisana, mibango, kubavela, wudevi, limito, ni simwani so fana ni sona siya. Na mi alakanyisa, ngako ni khalako ni txi mi alakanyisa, tito: Ava va mahako to ngeto, kha va na mbi mana thomba ya Mfumo wa Txizimu.

Vanathu, anu mi dhanetwe ku ta hanya kutxhatxhekani. Ti di mahile eto, kukhululeka kwanu ku nga mi lundumise, mi txi fumwa ngu sa ha mafuni, aniko thumelanani ngu lirando.

Nguko nyama yina ni minavelo yo hambana ni Moya; Moya ni wona wuna ni minavelo yo hambana ni nyama. Asiya sa simbidi sa bangana, kasiku mi si mahi kuranda kwanu.

Nguko wotshe Mlayo wu tshanganiswa ka dipswi dimwedo, adi di ku: “Randa muakelani, nga ti u ti randisako tona.”

Hi nga ti guleteni, hi nga vhukaneni, hi nga vengelaneni.

Kristu a hi txhatxhile kasiku hi zumba hi di txhatxhekile. Ngu toneto, zumbani mi di tsani, mi nga tumeleni kutshumela mi sungwa kambe ngu dijoke da wukhumbi.