Versículos bíblicos populares de ROMA 6

Compartir

Snar marmar irya sasuref ro sasarya; ḇape kankenem ḇekain fyoro-fyoro fnoḇek Yesus Kristus Manseren koḇedi irya fakamaman Allah ḇyuk waworek monda maḇeko.

Sasar anya ḇyewayam kaker awer naek aw, snar wakenem kaker ro sasoser agama Yahudi ḇakwar, mboi awsya kwar ro Allah saswar ḇyedi.

Kuker masasisren ani, sikrirko kuker Yesus ma komar fnoḇeki, insa raris Yesus diḇri rofandu ḇemarsya snar papoik ma ḇaḇye ro Kmari, rarirya kako nari kokenem ro kankenem ḇebaboya.

Rarirya kako naek buk awer kina ro baken bedi faro papoik sasarya fa ifrur roi ḇeḇarḇor kaker awer. Mboi buk baken beja faro Allah, raris snonkaku ḇebur marmarya faro kankenemya. Naek buk baken bedi ḇesiper faro Allah, insa Allah nya aw fa ifrur marisen ḇyena.

Kokam kofawi mboi rari snonkaku ḇekwar koḇena namar kwar fnoḇek Kristus ro apropya, insa papoik rari ḇesasar koḇena neḇepyos; rarirya sasarya nyakoḇe women werḇa kwar.

Naek srar mko kako mkokara mboi mkomar faro sasarya, ḇape mkokenem ro ḇaḇeoser ḇedworen kuker Allah snar Kristus Yesus.

Rariryaido nari rosai koḇe kokofenya? Iḇye kofrur sasar ḇesya kwar, insa Allah iswar syadi koke? Roḇa kaku ḇeri! Sasarya nyako werḇa snar imar kwar ro kosnesna, inja kopok ḇaḇeri fa kofrur pdef sasar ro kankenem koḇena werḇa.

Naek wafawiḇake mboi rofyor naek buk mankundaw faro snonkaku oso insa wafrur marisen ḇyena ido irya bewomen faro snonkaku ani, inja beuser marisen ḇyena ma bewomen faro sasar ḇeyunḇe marmarya, oroḇaido bemanfyan ḇesouser Allah, ma rarirya naek waḇye kaḇer kuker Allah.

Ḇape kasumasa faro Allah! Snar randakya naek bewomen faro sasari, ḇape baboine kuker sne ḇesiper naek beyuser farkarkor ḇenapes ssḇuk kwar faro aw na. Naek beḇeḇemkei kwar ro sasar, ma baboine bemanfyan faro Allah marisen ḇyena.