1
ROMA 5:8
ANKANKINEM ḆEḆYE RO FAFISU INE
LAIBHW
Ḇape Allah fyasna saswar ḇyedi maroko rofyor Yesus imar warek ko, rofyor koisya roi sasarya kaker!
Comparar
Explorar ROMA 5:8
2
ROMA 5:5
Saneraro ḇeradineya nari ḇyefromo faro koba, snar kosnesna neḇeser kwar kuker Allah saswar ḇyena. Allah ifrur roi nanekam kuker fafnoḇek Rur ḇyedi, ḇyukmabeko kwar ani.
Explorar ROMA 5:5
3
ROMA 5:3-4
Ma isyadi wer, kokako koryaḇ rofandu kandera koḇena snar kofawi nafrur fa kofarmku, ma ḇaḇe farmku ani ḇyuk fa kodworen ro manasnasen; mnuk ine iso ḇeḇuk saneraroya.
Explorar ROMA 5:3-4
4
ROMA 5:1-2
Baboine kosma kankenem ḇeḇye kaḇer kuker Allah snar kakyar koḇena. Ma eḇedari kokenem ro aski kuker Allah snar Yesus Kristus Manseren koḇedi. Snar kokyar Yesus ḇyuk fa kosma Allah saswar ḇyedi, eḇedari kokenem isof baboine. Rarirya komarisen snar kokyar kaku nari koḇaḇir baba Allah ḇyuk maḇekonya.
Explorar ROMA 5:1-2
5
ROMA 5:6
Rofyor kosambraḇ ḇa kwar, Kristus imarwarek ko, rofafisu ḇemnis, Allah ḇyardi kwarya; snar rorandakya koḇinkwan kakubur Allah.
Explorar ROMA 5:6
6
ROMA 5:9
Baboine kosma kankenem ḇeḇye kaḇer kuker Allah snar Kristus marmar ḇyedi, inja nari kosma fasparbur Allah masasor ḇyedi snar Yesus Kristus.
Explorar ROMA 5:9
7
ROMA 5:19
Ma raris snonkaku sibor sḇesasar snar snonkaku oser ḇaḇeyuk ḇyena, rarirya kako nari snonkaku sibor sikenem imnis Allah marisen ḇyedi, snar snonkaku oser ḇeḇeyuser Allah marisen ḇyena.
Explorar ROMA 5:19
8
ROMA 5:11
Ma isyadi wer ro roi ḇeḇesya ani, koryaḇ kako snar Allah ḇaḇye ḇyedi fyasna maḇeko ro Manseren koḇedi Yesus Kristus. Snar kuker Kristus, ro baboine kosma ḇaḇeoser koḇedi kuker Allah.
Explorar ROMA 5:11
Inicio
Biblia
Planes
Vídeos