Versículos bíblicos populares de MATHAYO 24

Compartir

Ûthûûku bûkaingîa na wendo bwa antû baingî bûnyiie. Îndî ûra akaûmîîria mwanka mûthia akoonokua.

Ntheto îmbega ya ûnene bwa îgûrû îgaatûmîîrua nthîgûrû yonthe îrî ûkûûyî kîrî mîgongo yonthe, rîru mûthia ungwa ûkinye.”

Bweegua ndûa ikîrûîwa kana ikîgwetwa bûtikaamake. Mantû ta mamu nwa mwanka matuîkîke, îndî ûyu t'uu mûthiro.

Nthîgûrû îkaarûa na îra îngî, ûnene bûrûe na bûra bûngî, mayûûra makaaya na nthîgûrû îkainaina gûntû na gûntû. Mantû mamu monthe i ta rûgakai rwa mbere rwa mwekûrû arî akubî kûgîa na mwana.

Îgûrû na nthîgûrû bikaathira îndî biugo biakwa bitikooro bithira.”

n'ûntû antû baingî mûno bakaaya bagîtûmagîra riîtwa rîakwa bakauga i bo Kîrîstû na bagaata antû baingî.

“Rîru bûkaanenkanîrwa bûnyamaarue na bûûragwe. Na antû bonthe bakabûmena n'ûntû bwa riîtwa rîakwa. Kagiita gaku baingî bagaataratara wîtîgioni. Antû bagaakunyanagîra bara bangî na bagaatumana moothû. Gûkaumîra iroria bia ûrongo biingî bieneerie antû baingî baûre.

Yiesû abeera, “Îmenyagîîreeni bûtikeeneerue i muntû

Kwoogu, biû karagaani bwîthuuranîrîte n'ûntû Mwana wa Muntû akaaya rîra bûtakûmwîrîgîîra.”

“Kwoogu îmenyeereeni n'ûntû bûtiiyî i rî Mwathani akaaya.

Yiesû auga, “Gûtirî muntû aiyî ntugû kana îthaa. Gûtirî mûraîka arî îgûrû aiyî, na wana Mwana atiyî. I Baaba wenka aiyî.

N'ûntû Kîrîstû ba ûrongo na iroria bia ûrongo ûkeegua barî ku. Bakaaringaga biama biinene na bakoonanagia magegania kaingo weegua gûkaûmbîka beeneeria kinya bara Ngai athuurîîte.

Bûra gwakarîkire ntugû cia Nuu i ta bu gûgaakarîka ntugû ya kûûya kwa Mwana wa Muntû. Ta bûra gwakari ntugû cia mbere, mbere nthîgûrû îkondorua i rûûyî, antû baarîyaga na bakanyua, bakagûrana kana bakagûrîrwa mwanka rîra Nuu aathûngîîre cabinaani. Antû bataiyî bûra gûgaakara, mwanka rîra mûguû wayire wabakondoria bonthe. Ntugû îra Mwana wa Muntû akaaya, antû bagaakirimanua ta bûra baakirimaniirue.