Versículos bíblicos populares de MATHAYO 23

Compartir

Ûra akwenda gûtuîka ûmûnene nkûrûki ya bara bangî natûmîkîre bara bangî.

Ûra akeeneneithia akaanyithua. Na ûra akeenyithia akaaneneua.”

“Bûkoona thîîna, biû aarimû ba watho na Abarisai, eebwithia baba! Bûrutaga icuncî bia îkûmi bia into bienu bionthe, wana tûnyamû tûniini tûra tûnunkagia irio bwega, îndî bûgatiga mantû mara marî gîtûmi nkûrûki ya watho ta kûrûthagîra antû bûra kwagîrîte, kûbeegua kîao, na kwîgua bûrî na wîtîgio kîrî Ngai. Bwagîrîtwe bûrûthaga mantû ta mama bûtakûriganîrua i mamu mangî wana mo.

“Bûkoona thîîna, biû aarimû ba watho na Abarisai, eebwithia baba! Bûmenyagîîra kûthambia thaani na ikombe nja bûgatiga ndeni biûyûri rûko ta ûtunyani na îtanûka rîa mîthemba yonthe.

Yiesû auga, “Antû ba Njerusaremu, bûûragaga iroria bia Ngai abitûma kîrî biû, na bûûragaga atûmwa ba Ngai na maiga abatûma kîrî biû. I maita magana ndeendaga kwîthîrania amwe aana beenu ta ngûkû bûra îîthîranagia tûcwi twa yo îguîkîra, îndî naabi bûkarega!

Wana biû kwa mwonekere antû babwonaga bûrî baagîru, îndî nkoro cienu ciûyûri wîbwithia na ûthûûku.