Versículos bíblicos populares de रोमी 3

Compartir

किनभने सबैले पाप गरेका छन् र परमेश्‍वरको महिमाबाट टाढिएका छन्। तर परमेश्‍वर दयालु हुनुहुन्‍छ र उहाँले अनुग्रह गरेर ख्रीष्‍टद्वारा मानिसलाई सित्तैंमा निर्दोष र ठीक ठहराउनुहुन्‍छ किनभने ख्रीष्‍ट येशूले सबैको साटो आफैंले सजाय भोगेर पापको कैदबाट मानिसलाई छुटाउनुभएको छ।

यसरी परमेश्‍वरले येशू ख्रीष्‍टमा विश्‍वास गर्ने सबैलाई ठीक ठहराउनुहुन्‍छ किनभने उहाँले कसैलाई पनि छुट्याउनुहुन्‍न

परमेश्‍वरले ख्रीष्‍ट येशूलाई हाम्रो लागि प्रायश्‍चितको बलिदान स्वरूप दिनुभएर उहाँको रगत हाम्रो लागि बगाइएको हो भनी विश्‍वास गर्ने मानिसको पाप मेटिदिनुभएको छ। परमेश्‍वरले पापको सजाय ख्रीष्‍टमा दिएर आफैंलाई न्‍यायी देखाउनुभयो। परमेश्‍वरले ख्रीष्‍ट आउनुभन्दा पहिले आफ्‍नो रिस थामेर मानिसलाई पापको सजाय दिनुभएन। परमेश्‍वरले अब यो युगमा आफ्‍नो न्‍याय देखाउन मानिसहरूका पाप हटाएर तिनीहरूलाई निर्दोष ठहराउनुहुन्‍छ। यसरी येशूमा विश्‍वास गर्ने हरेकलाई उहाँले ठीक ठहराउनुहुन्‍छ र आफैं धर्मी हुनुहुन्‍छ।

व्यवस्था पालनले कोही पनि परमेश्‍वरको अगाडि ठीक ठहरिनेछैन किनभने व्यवस्थाले त मानिसले गरेको पाप चिनाइदिन्‍छ।

यस्‍तै कुरा धर्मशास्‍त्रमा पनि लेखिएको छ, “परमेश्‍वरको अगाडि कुनै मानिस पनि ठीक छैन, अहँ एउटै पनि। परमेश्‍वरलाई बुझ्‍ने मानिस कोही छैन नता कसैले परमेश्‍वरको खोजी नै गरेका छन्। सबैले बाटो बिराएका छन् र सबै काम नलाग्‍ने भएका छन्, असल काम गर्ने एक जना पनि छैन,।”

यसरी हामीलाई थाहा हुन्‍छ, धर्म-कर्म गरेर होइन तर ख्रीष्‍टमा विश्‍वास गरेर मात्रै परमेश्‍वरको सामु ठीक ठहरिन सकिन्छ।

हुँदै होइन, मान्‍छे झूटो भए पनि परमेश्‍वर साँचो नै रहनुहुन्‍छ। जस्‍तो धर्मशास्‍त्रले भन्‍दछ, “तपाईंले बोल्‍नुभएको कुरामा तपाईं ठीक हुनुहुन्‍छ भनी मानिसहरूले देख्‍नेछन् अनि फैसला हुने बेला तपाईंकै जित हुनेछ,।”