If you would like a copy of this version please contact info@davaraudiobibles.org

Mam de Huehuetenango Bible © 2022, Bible Society of Guatemala. (Text)
Mam de Huehuetenango Audio Bible ℗ 2026, Davar Partners International. (Audio)

Mam de Huehuetenango Bible

<div class="version vid2278 iso6393mam" data-vid="2278" data-iso6393="mam">
 <div class="book bkGEN">
 <div class="chapter ch45" data-usfm="GEN.45">
 <div class="label">45</div><div class="s">Xi tma'n Jos&#233; kye ttzik qa ax kyerman kyib'</div><div class="p"> 1Minti' o tipatl Jos&#233; tu'n mi'n tjaw oq' kywitz kykyaqil qe ajb'el te. Tu'ntzun jlu jaw tq'ajq'ajel twi' ex tma: Kyexe kykyaqile tzalu, chi Jos&#233;. Kyja'tzun, mi jun ajb'el kyaj ten tuk'il tej t-xi tma'n kye ttzik qa kyerman kyib'. 2Oktzun ten Jos&#233; oq'el kyuwxix, o kyb'i kykyaqil aj Egipto, ex pon tqanil jlu max tuj tja Fara&#243;n. 3Xitzun tma'n Jos&#233; kye terman:</div><div class="p">&#8212;Aqine Jos&#233;. &#191;Itz'xpe nmane? Chi Jos&#233;.</div><div class="p">Atzun kye terman minti' o b'ant ttzaq'wenjtz kyu'n, tu'nju b'i'x e sek'paj twitz Jos&#233;. 4Xitzun tma'n Jos&#233; kye terman:</div><div class="p">&#8212;Che laq'etze ntxlaje, chi Jos&#233;.</div><div class="p">Atzun kye e je'x laq'e', ex xi tma'n kye:</div><div class="p">&#8212;Aqine Jos&#233; aju kyermaniye, aju tzaj kyk'ayine tuj Egipto. 5Atzun ja'lo, mi'n che b'isune ex mi'n tzaj kyq'oje kyxole ti'j ju ntzajlen kyk'ayine tzalu, tu'nju ate Dios tzaj samante weye tu'n wul neje kywitze tu'n kyklet xjal. 6Ma b'ant-xi kab' ab'q'i ttzajlen we'yaj twitz tx'otx', ex tuj jwe'tl ab'q'i ja'lo mi a'l jun xjal k'awal mi kchmol twitz awal. 7Ate Dios tzaj samante weye tu'n wul neje kywitze tu'n tkyaj klet kyiyjile twitz tx'otx', ex tu'n kykolpete tuj jun tumel ma'xix toklen. 8Tu'ntzun jlu, mya kyu'ne in tzaj kysama'ne tzalu, noq o'kx tu'n te Dios, ex ax te o tz'ok q'onte weye te onil te Fara&#243;n, te nejenel tuj tja ex te gobernador tib'aj tkyaqil tx'otx' Egipto. 9Kyxi naje tuk'il nmane ex kymanxe te kyja': Chitzun Jos&#233; aju tky'ajala: Ate Dios o tz'ok q'onte weye te gobernador tib'aj tkyaqil tx'otx' Egipto. Tzaja wuk'ile jurat naj. 10Atzun knajala tuj lugar Gos&#233;n, kyuk'ix qe tk'wa'la, qe tal tchmana, kykyaqil qe taluna ex tkyaqilju at teya. Kyja'tzun, niqayin ntxlaje ktela. 11Atzun kxel nq'o'ne twaya tu'nju atx jwe' ab'q'i we'yaj, tu'ntzun mi'n tkyima tu'n meb'yil, aya ex qeju ate' tuj tjaya ex tkyaqilju at teya, che chikuye te nmane. 12Lu witz'ine Benjam&#237;n, ax ikx kyeye che okele testiw ti'j, qa aku qine in chin yolin kyuk'ile. 13Kytx'olb'anxe te nmane ti'j tkyaqil woklene tok tzalu tuj Egipto, ex ti'j tkyaqilju ma kyile tzalu. Kyxi naje q'ilte nmane, chi Jos&#233; xi tma'n kye.</div><div class="p"> 14Tzajtzun tchle'n Jos&#233; aju titz'in Benjam&#237;n tb'i, ex ok ten oq'el. Ax ikx te Benjam&#237;n ok ten oq'el chle'ntoq Jos&#233; tu'n. 15El ttz'ub'an Jos&#233; kywitz kykyaqil qe terman, ex ok ten oq'el tej kytzaj tchle'n. Te tib'ajxi jlu, e ok ten qe terman yolil tuk'il.</div><div class="p"> 16O pon tqanil lu tuk'il Fara&#243;n tuj tja, chi kyja': Ma che ul qe terman Jos&#233;, ex o jaw tzalaj Fara&#243;n kyuk'ix qe ajb'el te. 17Xitzun tma'n Fara&#243;n te Jos&#233; kyja':</div><div class="p">&#8212;Q'manxa kye termaniya tu'n tok kyq'o'n tiqatz kychej tu'n kyaj tuj Cana&#225;n, 18ex e ttzaj kyi'n kyman kyuk'ix qe kyxu'jil ex kyk'wa'l, ex e kyul wuk'ile. Kxel nq'o'ne kye aju tb'anil tx'otx' tzalu tuj Egipto, ex che wa'l ti'j tb'anil wab'j ktzajel tuj tx'otx' lu. 19Q'manxa kye tu'n kyxi kyi'n carwaj tzalu tuj Egipto tu'n ttzaj kyi'n kyxu'jil ex qe kyk'wa'l, tuk'ix kymane, ex e kytzaj tzalu. 20Mi'n che ok we' ti'j aju at kye ma chixin, porke k'okel te kye aju q'inumab'l at tzalu tuj Egipto, chi Fara&#243;n.</div><div class="p"> 21B'anttzun kyu'n qe tky'ajal Israel ikju. E je'x tq'o'n Jos&#233; carwaj kye ik tza'nx otoq tma Fara&#243;n, ex xi tq'o'n kywa tuj kyb'e. 22Ax ikx xi tq'o'n Jos&#233; jun paq t-xb'alun teyle junjun; atzunte Benjam&#237;n xi tq'o'n ox syent saq pwaq te, ex jwe' paq t-xb'alun. 23Ex xi t-sama'n Jos&#233; laj bur tjaq' iqtz tb'anilxix attoq tuj Egipto. Ex lajtl bur xi' tjaq' iqtz triw tuk'ix wab'j ex chib'j, tu'n tb'aj tu'n tman tuj tb'e ok ttzaj. 24B'aj tq'olb'en tib' Jos&#233; kyuk'il qe terman ex xi tma'n kye kyja': Mi'n che q'ojle tuj b'e, chi Jos&#233;.</div><div class="p">Kub'tzun b'e kyu'n. 25E ajtztzun tuj Egipto, ex e pon tuj Cana&#225;n jatum najltoq Jacob aju kyman. 26Xitzun kytx'olb'a'n te kyman kyja': Itz'x te Jos&#233;, ex a in kawin tib'aj tkyaqil tx'otx' Egipto, che chi. B'i'x naj tnab'l Jacob tu'n jlu, ex minti' xi tniman. 27Tej tb'aj kytx'olb'a'n tkyaqilju otoq tma Jos&#233; kye, ex tej tlonte Israel qe carwaj otoq che tzaj t-sama'n Jos&#233; te q'ib'l te, jaw tzalaj nim, 28ex tma kyja': Ax tok itz'x Jos&#233; aju nky'ajale. Ma chinxe tuk'il, ex ok wila'ye na'nxtoq nkyime.</div>
 </div>
 </div>
</div>

Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.

Minti' o tipatl José tu'n mi'n tjaw oq' kywitz kykyaqil qe ajb'el te. Tu'ntzun jlu jaw tq'ajq'ajel twi' ex tma: Kyexe kykyaqile tzalu, chi José. Kyja'tzun, mi jun ajb'el kyaj ten tuk'il tej t-xi tma'n kye ttzik qa kyerman kyib'. Oktzun ten José oq'el kyuwxix, o kyb'i kykyaqil aj Egipto, ex pon tqanil jlu max tuj tja Faraón. Xitzun tma'n José kye terman:
—Aqine José. ¿Itz'xpe nmane? Chi José.
Atzun kye terman minti' o b'ant ttzaq'wenjtz kyu'n, tu'nju b'i'x e sek'paj twitz José. Xitzun tma'n José kye terman:
—Che laq'etze ntxlaje, chi José.
Atzun kye e je'x laq'e', ex xi tma'n kye:
—Aqine José aju kyermaniye, aju tzaj kyk'ayine tuj Egipto. Atzun ja'lo, mi'n che b'isune ex mi'n tzaj kyq'oje kyxole ti'j ju ntzajlen kyk'ayine tzalu, tu'nju ate Dios tzaj samante weye tu'n wul neje kywitze tu'n kyklet xjal. Ma b'ant-xi kab' ab'q'i ttzajlen we'yaj twitz tx'otx', ex tuj jwe'tl ab'q'i ja'lo mi a'l jun xjal k'awal mi kchmol twitz awal. Ate Dios tzaj samante weye tu'n wul neje kywitze tu'n tkyaj klet kyiyjile twitz tx'otx', ex tu'n kykolpete tuj jun tumel ma'xix toklen. Tu'ntzun jlu, mya kyu'ne in tzaj kysama'ne tzalu, noq o'kx tu'n te Dios, ex ax te o tz'ok q'onte weye te onil te Faraón, te nejenel tuj tja ex te gobernador tib'aj tkyaqil tx'otx' Egipto. Kyxi naje tuk'il nmane ex kymanxe te kyja': Chitzun José aju tky'ajala: Ate Dios o tz'ok q'onte weye te gobernador tib'aj tkyaqil tx'otx' Egipto. Tzaja wuk'ile jurat naj. Atzun knajala tuj lugar Gosén, kyuk'ix qe tk'wa'la, qe tal tchmana, kykyaqil qe taluna ex tkyaqilju at teya. Kyja'tzun, niqayin ntxlaje ktela. Atzun kxel nq'o'ne twaya tu'nju atx jwe' ab'q'i we'yaj, tu'ntzun mi'n tkyima tu'n meb'yil, aya ex qeju ate' tuj tjaya ex tkyaqilju at teya, che chikuye te nmane. Lu witz'ine Benjamín, ax ikx kyeye che okele testiw ti'j, qa aku qine in chin yolin kyuk'ile. Kytx'olb'anxe te nmane ti'j tkyaqil woklene tok tzalu tuj Egipto, ex ti'j tkyaqilju ma kyile tzalu. Kyxi naje q'ilte nmane, chi José xi tma'n kye.
Tzajtzun tchle'n José aju titz'in Benjamín tb'i, ex ok ten oq'el. Ax ikx te Benjamín ok ten oq'el chle'ntoq José tu'n. El ttz'ub'an José kywitz kykyaqil qe terman, ex ok ten oq'el tej kytzaj tchle'n. Te tib'ajxi jlu, e ok ten qe terman yolil tuk'il.
O pon tqanil lu tuk'il Faraón tuj tja, chi kyja': Ma che ul qe terman José, ex o jaw tzalaj Faraón kyuk'ix qe ajb'el te. Xitzun tma'n Faraón te José kyja':
—Q'manxa kye termaniya tu'n tok kyq'o'n tiqatz kychej tu'n kyaj tuj Canaán, ex e ttzaj kyi'n kyman kyuk'ix qe kyxu'jil ex kyk'wa'l, ex e kyul wuk'ile. Kxel nq'o'ne kye aju tb'anil tx'otx' tzalu tuj Egipto, ex che wa'l ti'j tb'anil wab'j ktzajel tuj tx'otx' lu. Q'manxa kye tu'n kyxi kyi'n carwaj tzalu tuj Egipto tu'n ttzaj kyi'n kyxu'jil ex qe kyk'wa'l, tuk'ix kymane, ex e kytzaj tzalu. Mi'n che ok we' ti'j aju at kye ma chixin, porke k'okel te kye aju q'inumab'l at tzalu tuj Egipto, chi Faraón.
B'anttzun kyu'n qe tky'ajal Israel ikju. E je'x tq'o'n José carwaj kye ik tza'nx otoq tma Faraón, ex xi tq'o'n kywa tuj kyb'e. Ax ikx xi tq'o'n José jun paq t-xb'alun teyle junjun; atzunte Benjamín xi tq'o'n ox syent saq pwaq te, ex jwe' paq t-xb'alun. Ex xi t-sama'n José laj bur tjaq' iqtz tb'anilxix attoq tuj Egipto. Ex lajtl bur xi' tjaq' iqtz triw tuk'ix wab'j ex chib'j, tu'n tb'aj tu'n tman tuj tb'e ok ttzaj. B'aj tq'olb'en tib' José kyuk'il qe terman ex xi tma'n kye kyja': Mi'n che q'ojle tuj b'e, chi José.
Kub'tzun b'e kyu'n. E ajtztzun tuj Egipto, ex e pon tuj Canaán jatum najltoq Jacob aju kyman. Xitzun kytx'olb'a'n te kyman kyja': Itz'x te José, ex a in kawin tib'aj tkyaqil tx'otx' Egipto, che chi. B'i'x naj tnab'l Jacob tu'n jlu, ex minti' xi tniman. Tej tb'aj kytx'olb'a'n tkyaqilju otoq tma José kye, ex tej tlonte Israel qe carwaj otoq che tzaj t-sama'n José te q'ib'l te, jaw tzalaj nim, ex tma kyja': Ax tok itz'x José aju nky'ajale. Ma chinxe tuk'il, ex ok wila'ye na'nxtoq nkyime.

Escucha a Génesis 45