If you would like a copy of this version please contact info@davaraudiobibles.org

Duruma Bible © 2020, Bible Translation and Literacy East Africa. (Text)
Duruma Audio Bible ℗ 2025, Davar Partners International. (Audio)

Lagana iphya Ra Chiduruma

Duruma - 1999 Edition (Drama NT)

<div class="version vid2199 iso6393dug" data-vid="2199" data-iso6393="dug">
 <div class="book bkACT">
 <div class="chapter ch11" data-usfm="ACT.11">
 <div class="label">11</div><div class="s">P&#700;etero unadzihehera kanisa ra Jerusalemu</div><div class="p"> 1Ahumwa a Jeso okala asagala Jerusalemu, na akuluphiri ko jimbo ra Judea kosi &#225;sikira kukala, at&#700;u a makabila manjine &#225;kala adziriphokera neno ra Mulungu nao. 2Ndo P&#700;etero ariphouya Jerusalemu, walaumiwa ni akuluphiri a Chiyahudi.#11:2 Chiyunani chinaamba: at&#700;u abitw&#700;aots&#700;i. 3Ao &#225;mwamba, &#8220;Uwe wakwendasagala na at&#700;u ots&#700;ibitw&#700;ats&#700;i, na hata uchirya phamwenga nao!&#8221; 4Phapho P&#700;etero achanza kwaambira mwenga-mwenga dzulu ya gokala gahendeka hata gosi.</div><div class="p"> 5Yiye waamba vivi, &#8220;Ts&#700;iku mwenga, mimi n&#225;kala ninavoya ko mudzi wa Jopa, na nichona ono. Ko ononi, n&#225;ona ut&#700;u dza shuka bomu yigwirwa mitseye mine, yinatserezwa kulaa mbinguni, na yichirehewa hata phephi na phokala mimi. 6Bee, mimi n&#225;yilolat&#700;o, na kati-kati ya shuka yiyo, nichona nyama a magulu mane a kufuga na nyama a weruni, nyama a kuhambala na nyama a kuburuka. 7Chisha, nichisikira laka ra mut&#700;u rinanamba, &#8216;Unuka P&#700;etero, utsinze nyama urye!&#8217; 8Ela mimi nichiudzidza nichamba, &#8216;Vivyo k&#700;aviidimikika kamare Bwana, mana, ts&#700;idzangwe kutata kamare chit&#700;u chochosi chiricho ni najisi.&#8217; 9Riro laka ra mut&#700;u nichirisikira kahiri kulaa mulunguni rinanamba, &#8216;Ut&#700;u urio udzambwa ni Mulungu k&#700;auna najisi, uts&#700;iwambe ni najisi.&#8217; 10Gago g&#225;hendeka k&#700;ano t&#700;ahu, na chidzako vit&#700;u vivi vyosi vichiudzwa ko mbinguni.</div><div class="p"> 11&#8220;Shuka yiriphoudzwa ko mbinguni, at&#700;u ahahu &#225;kudza yo nyumba yokala hunasagala. At&#700;u ao &#225;kala &#225;humwa kulaa Kaisariya anituwe mimi. 12Phapho nichambwa ni Roho wa Mulungu, nits&#700;isite kwenda phamwenga nao. Ndo nichigwirikana na akuluphiri anjine ahandahu a mudzi wa Jopa huchenda hosini. Na huriphofika kuko, huchendaphenya nyumbani mwa Korineliyo. 13Korineliyo naye achihwambira vyolairirwa ni malaika wa Mulungu mwakwe nyumbani, na achambwa, &#8216;Huma at&#700;u Jopa akamwihe Simoni, ariye dzinare rinjine ndiye P&#700;etero. 14Yiye undakudzakwambira udzumbe urio undakutivya uwe na at&#700;uo osi.&#8217; 15Na niriphokala nidzanza kugomba, Roho wa Mulungu waatsererera ao, dza virat&#700;u arivyohutsererera siswi pharat&#700;u mwanzo. 16#Mahe 1:5Phapho nichikumbikira garat&#700;u maneno ga Bwana arigogagomba ga kwamba, &#8216;Johana wabatiza na madzi, ela mwimwi mundakudzabatizwa na Roho wa Mulungu.&#8217; 17Ndo achikala yiye Mulungu waap&#700;a at&#700;u a makabila manjine Rohowe yehup&#700;a siswi ukati huriphomukuluphira Bwana Jeso K&#700;irisito, mino bee ni ani hata nimuzize Mulungu kuhenda henzore?&#8221;</div><div class="p"> 18Ariphosikira gago, &#225;richa kumulaumu P&#700;etero achimulika Mulungu achiamba, &#8220;Vivyo kumba Mulungu waap&#700;a at&#700;u a makabila manjine nafasi ya kutya kwa akale na uzima uphya wa kare na kare nao!&#8221;</div><div class="s">Akuluphiri a Anitiyokiya</div><div class="p"> 19 # 
 Mahe 8:1-4
 Akuluphiri &#225;tsamukana kwa kuhenderwa mauku, Sitefano ariphoulagwa. Anjine &#225;kwenda hata jimbo ra Foinike, chisiwa cha Kupuro na mudzi wa Anitiyokiya, ela &#225;sumurira udzumbe dzulu ya Bwana kwa Ayahudi tu. 20Ela anjine ao okala ni achina Kupuro na Kurene, &#225;kwenda Anitiyokiya, na achendasumurira Nguma Mbidzo dzulu ya Bwana Jeso, kwa at&#700;u a makabila manjine#11:20 Chiyunani chinaamba: Ayunani nao. nao. 21Na ao, widimi wa Bwana wahenda kazi phamwenga nao, na at&#700;u anji &#225;mukuluphira na kumugalukira Bwana.</div><div class="p"> 22Akuluphiri okala a Jerusalemu &#225;gasikira gokala gahendeka ko Anitiyokiya, na ndipho achimuhuma Barinaba ende kuko. 23Barinaba ariphofika kuko na kona vivyo Mulungu arivyokala udziaonera mbazi o at&#700;u, wahamirwa na achiadinisira aenderere kumutuwa Bwana na myoyo yao yosi. 24Maana, Barinaba wakala ni mut&#700;u mudzo yekala una kuluphiro bomu, na yekala udziudzala Roho wa Mulungu, na at&#700;u anji muno &#225;kuluphira Bwana.</div><div class="p"> 25Chisha, Barinaba wakwenda mudzi wa T&#700;ariso, achendamutsakula Saulo. 26Ariphomona, &#225;kwenda osi Anitiyokiya. Ndo ao osi airi &#225;kala na o akuluphiri a kuko mwaka wosi, na achiafunza anji ao. Ko Anitiyokiya ndiko anafunzi a Bwana &#225;anza kwihiwa ajeso.</div><div class="p"> 27Ukati uo wenye, ndio urio agomvi a Mulungu fulani &#225;kudza Anitiyokiya kulaa Jerusalemu. 28#Mahe 21:10Mumwenga wao wakala unaihiwa Agabo, na yiye walongozwa ni Roho wa Mulungu achisema chimbere kukala, kundakala nzala bomu dunia yosi. (Nzala yiyo yalairira ukati wa utawala wa Kilaudiyo). 29Ndo anafunzi a Bwana okala a mudzi wa Anitiyokiya achamula, chila mumwenga alavye chochosi kutuwirizana na patore, chiphirikwe chikaavize akuluphiri okala anasagala Judea. 30Ndo achihenda vivyo, na achiahuma Barinaba na Saulo, aphirike mutsango wao kwa vilongozi a kanisa ra Jerusalemu.</div>
 </div>
 </div>
</div>

Ahumwa a Jeso okala asagala Jerusalemu, na akuluphiri ko jimbo ra Judea kosi ásikira kukala, atʼu a makabila manjine ákala adziriphokera neno ra Mulungu nao. Ndo Pʼetero ariphouya Jerusalemu, walaumiwa ni akuluphiri a Chiyahudi. Ao ámwamba, “Uwe wakwendasagala na atʼu otsʼibitwʼatsʼi, na hata uchirya phamwenga nao!” Phapho Pʼetero achanza kwaambira mwenga-mwenga dzulu ya gokala gahendeka hata gosi.
Yiye waamba vivi, “Tsʼiku mwenga, mimi nákala ninavoya ko mudzi wa Jopa, na nichona ono. Ko ononi, náona utʼu dza shuka bomu yigwirwa mitseye mine, yinatserezwa kulaa mbinguni, na yichirehewa hata phephi na phokala mimi. Bee, mimi náyilolatʼo, na kati-kati ya shuka yiyo, nichona nyama a magulu mane a kufuga na nyama a weruni, nyama a kuhambala na nyama a kuburuka. Chisha, nichisikira laka ra mutʼu rinanamba, ‘Unuka Pʼetero, utsinze nyama urye!’ Ela mimi nichiudzidza nichamba, ‘Vivyo kʼaviidimikika kamare Bwana, mana, tsʼidzangwe kutata kamare chitʼu chochosi chiricho ni najisi.’ Riro laka ra mutʼu nichirisikira kahiri kulaa mulunguni rinanamba, ‘Utʼu urio udzambwa ni Mulungu kʼauna najisi, utsʼiwambe ni najisi.’ Gago gáhendeka kʼano tʼahu, na chidzako vitʼu vivi vyosi vichiudzwa ko mbinguni.
“Shuka yiriphoudzwa ko mbinguni, atʼu ahahu ákudza yo nyumba yokala hunasagala. Atʼu ao ákala áhumwa kulaa Kaisariya anituwe mimi. Phapho nichambwa ni Roho wa Mulungu, nitsʼisite kwenda phamwenga nao. Ndo nichigwirikana na akuluphiri anjine ahandahu a mudzi wa Jopa huchenda hosini. Na huriphofika kuko, huchendaphenya nyumbani mwa Korineliyo. Korineliyo naye achihwambira vyolairirwa ni malaika wa Mulungu mwakwe nyumbani, na achambwa, ‘Huma atʼu Jopa akamwihe Simoni, ariye dzinare rinjine ndiye Pʼetero. Yiye undakudzakwambira udzumbe urio undakutivya uwe na atʼuo osi.’ Na niriphokala nidzanza kugomba, Roho wa Mulungu waatsererera ao, dza viratʼu arivyohutsererera siswi pharatʼu mwanzo. Phapho nichikumbikira garatʼu maneno ga Bwana arigogagomba ga kwamba, ‘Johana wabatiza na madzi, ela mwimwi mundakudzabatizwa na Roho wa Mulungu.’ Ndo achikala yiye Mulungu waapʼa atʼu a makabila manjine Rohowe yehupʼa siswi ukati huriphomukuluphira Bwana Jeso Kʼirisito, mino bee ni ani hata nimuzize Mulungu kuhenda henzore?”
Ariphosikira gago, áricha kumulaumu Pʼetero achimulika Mulungu achiamba, “Vivyo kumba Mulungu waapʼa atʼu a makabila manjine nafasi ya kutya kwa akale na uzima uphya wa kare na kare nao!”

Akuluphiri átsamukana kwa kuhenderwa mauku, Sitefano ariphoulagwa. Anjine ákwenda hata jimbo ra Foinike, chisiwa cha Kupuro na mudzi wa Anitiyokiya, ela ásumurira udzumbe dzulu ya Bwana kwa Ayahudi tu. Ela anjine ao okala ni achina Kupuro na Kurene, ákwenda Anitiyokiya, na achendasumurira Nguma Mbidzo dzulu ya Bwana Jeso, kwa atʼu a makabila manjine nao. Na ao, widimi wa Bwana wahenda kazi phamwenga nao, na atʼu anji ámukuluphira na kumugalukira Bwana.
Akuluphiri okala a Jerusalemu ágasikira gokala gahendeka ko Anitiyokiya, na ndipho achimuhuma Barinaba ende kuko. Barinaba ariphofika kuko na kona vivyo Mulungu arivyokala udziaonera mbazi o atʼu, wahamirwa na achiadinisira aenderere kumutuwa Bwana na myoyo yao yosi. Maana, Barinaba wakala ni mutʼu mudzo yekala una kuluphiro bomu, na yekala udziudzala Roho wa Mulungu, na atʼu anji muno ákuluphira Bwana.
Chisha, Barinaba wakwenda mudzi wa Tʼariso, achendamutsakula Saulo. Ariphomona, ákwenda osi Anitiyokiya. Ndo ao osi airi ákala na o akuluphiri a kuko mwaka wosi, na achiafunza anji ao. Ko Anitiyokiya ndiko anafunzi a Bwana áanza kwihiwa ajeso.
Ukati uo wenye, ndio urio agomvi a Mulungu fulani ákudza Anitiyokiya kulaa Jerusalemu. Mumwenga wao wakala unaihiwa Agabo, na yiye walongozwa ni Roho wa Mulungu achisema chimbere kukala, kundakala nzala bomu dunia yosi. (Nzala yiyo yalairira ukati wa utawala wa Kilaudiyo). Ndo anafunzi a Bwana okala a mudzi wa Anitiyokiya achamula, chila mumwenga alavye chochosi kutuwirizana na patore, chiphirikwe chikaavize akuluphiri okala anasagala Judea. Ndo achihenda vivyo, na achiahuma Barinaba na Saulo, aphirike mutsango wao kwa vilongozi a kanisa ra Jerusalemu.

Escucha a Mahendo 11