AMSAL 2
2
Ampos mampaguang ra kapintaran
1Alii ra anak kuno, apuo' atan ondo' inila' kuno am pai' mu liliani' panusuban kuno. 2Rongogo' min atan ondo' kapintaran am kinami' min aratio'. 3Iou, pakiasi' kano toojo maa' raginio makaalap ra katutunan am pakiarati' no. 4Uyumo' min baal raginio koson maguyum ra pirok am rapu' nasibuni. 5Bagu matutunan mu arati' ru malaa' ra Tuhan, am makaalap kou ra katutunan intor ri Aki Kapuuno'. 6Tuhan noyo manaak ra kapintaran. Katutunan am karatian Io namuun. 7Manaak Io ra pangindanganan am panindungan ra ulun ondo' mabanis guang. 8Ampinin No ulun ondo' mabanis guang, mangampin ra ulun ondo' gumagaya' Riso.
9Amon ru rongogon min bilin kutu, mapandayan min atan ondo' motopot, matimpok, kalo maagat ra sapapa'. Mapandayan min atan sotopot no baalon min. 10Masauk kau ra mapintar, am katutunan mino mapabansuk ra guang muno. 11Karatian am kapintaran muno mangampin rirun, 12am niayuk mansawai ramuyun maya' ra kaayagan ra kalo moonsoi, am mapainggalur ramuyun intor ra ulun maabau-abau. 13Ulun koson raginio nanatang ra ralan kaayagan ra moonsoi, am ralan molondom binaya' no ondo' napanu' ra tula. 14Makaalap ilo ra kaansukan intor ra binaal nilo ra kalo matanda' am malaat. 15Ilo kalo lansanin am kolondo' mangintopot risilo.
16Marara' kau gumagaya' ra pagambian ru ruandu' mantalan ra inan ondo' gumogot koson mangalap ra guang am mantaligamis ramuyun. 17Ruandu' no kalo gumagaya' ra ralaki nano, am nampalilian ra bantu' nano ri Aki Kapuuno'. 18Amon ru mongoi kau ra baloi nano, makatingkuang kau ra patayan. Mongoi ra giu' nogondo' ayuk mongoi ra tana' ru ulun minatoi. 19Ulun ondo' minongoi riso iono kalo igondo' sumaguli' ra ralan tumingkuang ra kaayagan. 20Intor raginio, musiti' tiluon min kaayagan ru ulun moonsoi, am musiti' no kaayagan mino sumugut ra kasagaan ri Aki Kapuuno'. 21Ulun ondo' sumugut ra kasagaan ri Aki Kapuuno', ioginio ulun ondo' mabanis guang maayag geu'ra ondo' binantu' ri Aki Kapuuno'. 22Kaa' ulun malaat am makatula paingkualon ri Aki Kapuuno' intor ra pagun raginio, koson ra sakot binubul intor ra tana'.
Currently Selected:
AMSAL 2: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.