JUNUS 2
2
Pakiasian ri Junus
1Intor ralalom tinai' ru papait, makiasi' i Junus ra Tuhan i Aki Kapuuno' nano. Kono,
2“Iou Tuhan, ralalom ru kapaganan kuno mampiau aku Rirun,
am tumaam Kou raki'.
Intor ra intok ru ulun minatoi makiindangan aku,
norongog am lioon Mu kitaakon kuno.
3Pinatiran Mu aku ra intok ondo' malandom,
saboi ra lonor ru raat.
Giu' no aug ru timug liminiput raki',
kinulun lumapos raki'.
4Ralalom ru guang kuno mindagu aku:
Nampagiru' noyo Tuhan raki' intor ra saang Nano.
Kalo boo makapagilong aku
ra baloi matulai ondo' inayanan Nano.
5Timug ru raat nagaloi suku' ra bibil kuno,
raat malandom liminiput ra inan kuno,
sakot ru raat riminilit ra ulu kuno.
6-7Timinuun aku saboi ra lonor ru kabuluran,
ra intok ondo' garabang kinunsi' suku' ra sabuoi-buoi no.
Paat ra painawo kuno mamaar mutus intor ra inan kuno,
mangkara' aku ra Tuhan,
am mampiau aku Rirun.
Okou, iou Tuhan, iningo' pakiasian kuno,
giu' ra Baloi Muno ondo' matulai.
Intor ra raat ondo' malandom,
Okou mamayag raki',
iou Tuhan, i Aki Kapuuno' kuno!
8Ilo ondo' sumamba ra sinungkalalaing ondo' kolondo' onong,
mangiruan Rirun am kalo boo gumagaya'.
9Kaa' marimbai aku ra rimbai pangamparan Rirun
am pataakon ku taak simbalui kuno Rirun.
Suguton ku ngaangai' bantu' kuno.
Okou no Tuhan ondo' mamayag.”
10Kopongo raginio, ra susuban ru Tuhan, linuka' boo i Junus ru papait giu' ra lantur.
Currently Selected:
JUNUS 2: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.