Ba-Roma 9
9
Paulo ulausa nkaambo ba-Juda basimusyobonyina balikakide Makani aa-Kristo
1Ndaamba cakusinizya muli-Kristo, nsibeji pe, awalo moyo wangu ulandizuminina mu-Muuya Uusalala, 2kuti ndili abuusu bupati, alimwi ndaciswa lyoonse cakutaleka mumoyo wangu, 3#Kul 32:32Nkaambo nindakakonzya kukomba kuti nkabe mutakate ndemwini nkaambo kabakwesu abasiluzubo bangu bakunyama. 4#Kul 9:4; Kul 4:22; Dt 7:6; 14:1,2Balo bali ba-Israyeli, bwana mbubwabo, abwalo abulemu, ayalo milongo, ayalo milao, abwalo bukombi, azyalo zisyomezyo. 5#Rom 1:25; Mt 1:1; Lk 3:23; Joh 1:1Bamataata abalo mbibabo, alimwi kulimbabo nkwaakazwa Kristo mbuli nyama, nguwe Leza uuli abwami bwazintu zyoonse uutembaulika lyoonse. Ameni.
Bana balusyomezyo mbibana beni ba-Abrahamu
6 #
Rom 2:28; My 23:19 Pele teensi kwaamba kuti ijwi lya-Leza lyasampuka, pe, Nkaambo abo bazwa ku-Israyeli teensi boonse mbiba-Israyeli. 7#Matl 21:12Alimwi abo bazwa kumbuto zya-Abrahamu teensi boonse mbibana bakwe. Pe, kulaambwa kuti, Muli-Izaka muziyooambwa imbuto zyako, 8#Gal 4:23nkukwaamba kuti, bana bakunyama teensi mbabo mbibana ba-Leza, pele bana balusyomezyo mbibaaba baambwa mbuli inyungu, 9#Matl 18:10Nkaambo ijwi lyalusyomezyo ndeeli lyakuti, Kuciindi cili boobo ndeza, elyo Sara uyooba amwana. 10#Matl 25:21Alimwi teensi boobo luzutu, pele alakwe Rebeka naakaba ada kuli-Izaka taateesu, 11ciindi ncibatakaina kuzyalwa bana, alimwi kabatana kucita cintu niciba cibotu niciba cibi, kuti bwiime bukanze bwa-Leza bwakusala, butali bwamilimo pele bwayooyo uuita, 12#Matl 25:23wakaambilwa kuti, Mupati ulaba muzike wamuniini. 13#Mal 1:2-3Mbubonya obo mbukulembedwe kuti, Jakobo ndakamuyanda, pele Esau ndakamusula.
Leza uleetelela kufumbwa ngwayanda
14 #
Dt 32:4
Lino twaambe buti? Sa kuli kutalulama kwa-Leza? Ne! 15#Kul 33:19Ulaambila Musa kuti, Njooetelela kufumbwa ngunjanda kweetelela, njoofwida luzyalo kufumbwa ngunjanda kufwida luzyalo. 16#Ef 2:8Aboobo, teensi makani aanyando zyamuntu naaba aakuwilana, anukuti nga-Leza uuetelela, 17#Kul 9:16Ikuti malembe alaambila Farao kuti, Nciceeco nciconya ncindakakubusizya, kuti mulinduwe mukabe citondezyo canguzu zyangu, kuti izina lyangu likabe ampuwo munyika yoonse, 18#Kul 4:21; 7:3; 9:12; 14:4,17Mbubo, kufumbwa ngwayanda ulamweetelela, kufumbwa ngwayanda ulamuyumya.
Cikozyano camubumbi abulongo bwakwe
19Lino inga uwe ulandaambila kuti, Pele nkaambonzi ucitongauka? Nguni uukonzya kukaka bukanze bwakwe? 20#Is 29:16; 45:9We! Nduweni uwe omuntu okazyanya a-Leza? Sa cibumbwa cilakonzya kwaambila mubumbi kuti, Wandicitilanzi boobo? 21#Jer 18:6Sa mubumbi tajisi bwami bwakubulongo? Kumulwi omwe sa takonzyi kucita cilongo cimwi cibotu acimwi cibi?
22 #
Jer 50:25
Lino nkutyeni na Leza wayanda kutondezya bukali bwakwe akuzubula inguzu zyakwe, nekubaboobo wakakazika moyo akuba acambacilemu kuzilongo ezyo zyeelelwa bukali akubambilwa bunyonyoono? 23#Ef 1:3-12; Rom 2:4; 8:29Alimwi nkutyeni naayanda kuzubula buvubi bwabulemu bwakwe kuzilongo ezyo zyeelelwa luse nzyaakabambilwa kale bulemu, 24nkukuti kulindiswe, swebo tubantu mbaita, nibaba bazwa kuba-Juda nibaba bazwa kubamasi?
Insinsimo zimwi zyamucizuminano cakalekale
25 #
Hos 2:23
Mbubonya obo mbwaamba muli-Hosea, kuti,
Abo batakali bantu bangu nzoobaamba bantu bangu,
Ayooyo iwa takali kuyandwa, nzoomwaamba muyandwi wangu.
26 #
Hos 1:10
Nkabela oko nkubakaambilwa kuti, Tamuli bantu bangu,
Nkukonya nkubayooambwa kuti mbana ba-Leza muumi
27 #
Is 10:22-23; Rom 11:5 Alakwe Isaya ulaambisya aa-Israyeli kuti, Mweelwe wabana ba-Israyeli nuuli mbuli musenga wakulwizi, mbobasyaazi balike bayoofutuka, 28nkaambo Jehova ulacita bukanze bwakwe ansi cakulondola acakukosola. 29#Is 1:9Nkabela mbubonya mbwaakasinsima Isaya kuti,
Mwami wa-Makamu-makamu naakatusiila imbuto,
Nitwakaba mbuli Sodoma,
Nitwakakozyana a-Gomora.
Bamasi mbubajene lufutuko
30 #
Rom 10:20
Lino nkutyeni? bamasi teebakali kuyandaula bululami, nekubaboobo babweenzya, nkukuti bululami bwalusyomo. 31#Rom 10:2,3Anukuti ba-Israyeli bakali kuyandaula mulao wabululami, nekubaboobo teebakaujana pe, 32#Is 8:14Nkaambonzi? Nkaambo kakuti teensi kulusyomo nkubakauyandaula, pele kuncito zyabo beni. Bakalebwa kubbwe lilebya, 33#Is 28:16; Mt 21:42; 1 Pet 2:6mbuli mbukulembedwe kuti,
Amubone, ndasitikizya mu-Zioni ibbwe lilebya, amwala uufumpuzya. Oyo uumusyoma takooyoousigwa bweeme.
Currently Selected:
Ba-Roma 9: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.