Ba-Roma 8
8
Kristo mbwatulubusya kuzwa kuzibi akulufu
1Lino sunu taakwe luzulo kulibaabo bakamantene muli-Kristo Jesu (ibateendi mbuli nyama anukuti mbuli muuya). 2#Rom 3:27; 7:23,24Nkaambo Mulao wamuuya wabuumi bwamuli-Kristo Jesu wandilubula kumulao wazibi awalufu. 3#Joh 1:14; Flp 2:7; Inc 13:38; 15:10; Heb 2:17; 4:15Nkaambo eco icatakakonzeka ku-Mulao, ikuti wakalikompeme nkaambo kanyama, wakacicita Leza. Walo wakatuma mwanaakwe mwini mucikozyano canyama yazibi nkaambo kazibi, nkabela mbubonya wakazula zibi zyamunyama, 4#Gal 5:16kuti bululami bwa-Mulao bukalondolwe mulindiswe, swebo tuteendi mbuli nyama anukuti mbuli muuya. 5Nkaambo basinyama balayeeya makani aanyama, anukuti basimuuya balayeeya makani aamuuya. 6#Rom 6:21Ikuti miyeeyo yanyama ndufu, anukuti miyeeyo yamuuya mbuumi, alimwi nduumuno.
7 #
Mt 12:34; Jak 4:4; Joh 8:43; 12:39 Nkaambo kakuti miyeeyo yanyama ngusinkondonyina Leza, ikuti tiilibombyi ku-Mulao wa-Leza nikuba kukonzya kulibombya. 8Basinyama tabakonzyi kubotezya Leza pe. 9#1 Kor 3:16; 12:3Pele nywebo tamuli basinyama, muli basimuuya, nkukuti Muuya wa-Leza nuumukalilide mukati. Umwi uutajisi Muuya wa-Kristo, oyu teensi wakwe pe, 10#Gal 2:20; Flp 1:21; 1 Pet 4:6Kuti Kristo ulimukalilide mukati, elyo mubili ulifwide nkaambo kazibi, anukuti muuya muumi nkaambo kabululami, 11#1 Kor 3:16Pele kuti ulimukalilide mukati Muuya wasikubusya Jesu kuzwa kubafu, elyo oyo sikubusya Kristo kubafu ulapononosya mibili yanu mifwisi ayalo kunguzu zya-Muuya wakwe uumukalilide mukati.
12 #
Rom 6:7,18 Nkaambo kaako, bakwesu, ceelelo ncitujisi taceensi cakunyama, takweensi kupona canyama pe. 13#Gal 6:8; Ef 4:22-24Nkaambo mwapona canyama, mulafwa, pele kuti kamujazya Muuya milimo yanyama, mulapona.
Muuya Uusalala ulatucita kuti tube bana ba-Leza
14Nkaambo boonse beenzegwa ku-Muuya wa-Leza mbabonya mbibana ba-Leza. 15#Gal 4:5-7#Mk 14:36; Gal 4:5,6; 2 Tim 1:7Nkaambo teemwatambula muuya wabuzike buboozezya buyoofu pe, mwatambula muuya wabwana, mulinguwo mutuompolola kuti, Abba, Ta. 16#2 Kor 1:22Muuya mwini ulazuminana amyuuya yesu tubeni kuti tuli bana ba-Leza. 17#Gal 4:7; Ciy 21:7Lino kuti tuli bana, alimwi tuli baswaana, nkukuti baswaana ba-Leza, baswaana bakwe antoomwe a-Kristo, ikuti tuli bapenzinyina kuti tukabe balemunyina.
Zilenge zyoonse zilijisi caabilo calufutuko ndwaakaleta Kristo
18 #
2 Kor 4:17; Rom 5:2 Nkaambo ndayeeya kuti mapenzi aaciindi ecino taakwe makani kumeso aabulemu mbutuzooyubunwidwa. 19#Kol 3:4Ikuti ludunamino lwazilenge lulalangila luyubununo lwabana ba-Leza. 20#Matl 3:17-19; 5:29; Muk 1:2Nkaambo zilenge zyakasampauzigwa, enko kubukanze bwazyo zini pele kubukanze bwayooyo iwakazisampauzya, ikuti kali abulangizi 21#2 Pet 3:13; 1 Joh 3:2bwakuti azyalo zilenge zini zikalubulwe kubuzike bwabubozi, bube abulubulo bulemu bwabana ba-Leza. 22Tulizi kuti kusikila sunu zilenge zyoonse zilatongela akumyongwa antoomwe. 23#2 Kor 5:2-4; Gal 5:5Nkabela teensi boobo luzutu, pele alimwi aswebo tubeni, nitujisi kabaIwebalwe ka-Muuya, tulatongela mukati, katucilindila bwana bwesu, nkukuti lununuko lwamibili yesu, 24#2 Kor 5:7Nkaambo obu bulangizi mbubonya mbutwakafutulilwa. Pele cilangilo ciboneka tacicili cilangilo. Sa cintu ncabona kale muntu ucicilangila? 25Pele kuti tulalangila cintu ncitutaboni, nitulindila ncico cakukazika moyo,
Muuya Uusalala ulatugwasya ankombyo zyakwe
26Mbubonya obo awalo Muuya ulatugwasya munkompamo zyesu, Nkaambo kukomba mbutweelede tatucizi pe, pele Muuya mwini ulatukombelezezya amitongelo iitaambiki. 27#Int 139:1; 1 Kor 4:5Nkabela oyo uugulunganya myoyo yabantu ulizi miyeeyo ya-Muuya mbwiibede, ikuti ulakombelezezya basalali kubusyu bwa-Leza.
Lufutuko lupati ndwatubelekela Leza
28 #
Ef 1:11; 3:11 Pele tulizi kuti kulibaabo bayanda Leza, nkukuti kulibaabo baitidwe mbuli bukanze bwakwe, ulabeleka abo kuti makani oonse abote, 29#Kol 1:18; Heb 1:6Nkaambo abo mbaakabwene kale wakabakanza kuti bakozyanisigwe mucikozyano ca-Mwanaakwe, akabe mutaanzi akati kababunyina banji. 30Lino abo mbaakakanza mbabonya mbaakaita, abaabo mbaakaita mbabonya mbaakalulamika, nkabela abo mbaakalulamika mbabonya mbaakapa bulemu.
Taakwe cintu cikonzya kutupambukanya aluyando ndwatuyanda Leza
31 #
Int 118:6; Mt 1:23 Lino twaambe buti kumakani aya? Anooli Leza kali aswe, ino nguni uukonzya kutulwisya? 32#Joh 3:16Oyo iwatakatukasya Mwanaakwe mwini, pele wakamwaabila ndiswe toonse, sa takooyootupa buyo antoomwe anguwe zintu zimwi zyoonse? 33#Is 50:8Nguni uukonzya kubika kaambo kubasale baLeza? Leza alulamika, 34#Int 110:1; 1 Joh 2:1ino nguni uukonzya kupa mulandu? Kristo Jesu nguwakafwa, alimwi nguwenya wakabuka kuzwa kubafu, nkwali kululyo lwa-Leza, ulakombelezezya ndiswe. 35Nguni uukonzya kutwaandaanya kuluyando lwa-Kristo? Sa mapenzi naaba mapakasyo naaba mafwabi niiba inzala niciba cintanda nibuba bulowe niliba isumo? 36#Int 44:22; 2 Kor 4:11Mbubonya mbukulembedwe kuti,
Nkaambo kanduwe tulajayigwa buzuba boonse,
Tulaambwa mbuli imbelele zyakujaya.
37 #
Joh 16:33
Pele mumakani aya oonse tulazunda cakwiinda nkaambo kayooyo uutuyanda. 38Nkaambo ndisinizye kuti taakwe cintu, niluba lufu nibuba buumi, nibaba baangelo nibaba basibwami nibaba basinguzu, naaba makani aasunu naaba makani aaciza, 39niziba zintu zyakujulu niziba zyakunsi, niziba zilenge zimwi zyoonse, taakwe cintu niciba cimwi cikonzya kutwaandaanya kuluyando lwa-Leza lwamuli-Kristo Jesu Mwami wesu.
Currently Selected:
Ba-Roma 8: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.