Ba-Roma 16
16
Injuzyo zyakumamanino
1Ndamunaanizizya mucizi wesu Febe. Ngusimilimo wambungano yaku-Kenekreya, 2Amumusamausye mu-Mwami mbuli mbubeelede kusamausyanya basalali, alimwi amumugwasye mumakani oonse aali buti ngaabula kulindinywe, nkaambo alakwe mwini kali mugwasyi wandime awabantu banji.
3 #
Inc 18:2,18,26 Amujuzye Priska a-Akula basimilimoma muli-Kristo Jesu, 4Aba bakatulila buumi bwangu insingo zyabo beni. Nkabela teensi ndime endike ndabalumba, pele imbungano zyoonse zyabamasi, 5#1 Kor 16:19Alimwi amujuzye imbungano iibungana muŋanda yabo, Amujuzye Epeneto muyandwi wangu, nguwe kabalwebalwe ka-Asiya kwa-Kristo. 6Amujuzye Maliya, oyo iwakamubelekela loko cabusungu. 7#2 Kor 8:23Amujuzye Androniko a-Juniya basiluzuboma abaangema, Aba bali ampuwo akati kabaapostolo, alimwi bakataangunina ndime muli-Kristo, 8Amujuzye Ampliato muyandwi wangu wamu-Mwami. 9Amujuzye Urbano similimoma wamuli-Kristo, alakwe Staku muyandwi wangu. 10Amujuzye Apele muna-Kristo musunke. Amujuzye baciinga bakwe Aristobulo. 11Amujuzye Herodiona siluzuboma, Amubajuzye baciinga bakwe Narkiso bali mu-Mwami. 12Amujuzye Trufena a-Trufosa basimilimo basungu ba-Mwami. Amujuzye Persida muyandwi, oyo iwakabeleka loko cabusungu mu-Mwami. 13#Mk 15:21Amujuzye Rufo musali wamu-Mwami, abanyina, mbabonya bama ambebo. 14Amujuzye ba-Asunikrito, a-Felego, a-Herme, a-Patroba, a-Herma abakwesu mbubali abo. 15Amujuzye Filologo a-Julia, a-Nerea amucizi wakwe, a-Olumpa aboonse basalali mbobakala abo. 16#1 Kor 16:20; 1 Pet 5:14Amujuzyanye alumyonto lusalala. Imbungano zyoonse zya-Kristo zilamujuzya.
17 #
Mt 7:15; Tit 3:10 Lino ndamukumbila, nubakwesu, kuti mubalange abo babusya akati kanu inkazyanyo azilebyo zitali mbuli lwiiyo ndumwakaiya. Amubafutatile. 18#Flp 3:19; Ezk 13:18; Kol 2:4; 2 Pet 2:3Nkaambo bantu bali boobu tababelekeli Kristo Mwami wesu milimo, pe, balabelekela ida buyo lyabo beni, alimwi kumajwi aabo mabombe aamanya milomo baleena buyo myoyo yabantu babotu. 19#Rom 1:8; Mt 10:16; 1 Kor 14:20Pele nywebo, buswiilizi bwanu buliide impuwo kubantu boonse. Nciceeco ncindamukondelwa. Lino ndayanda kuti mube basongo kumakani aabubotu, pele mube bafubafuba kumakani aabubi. 20#Rom 15:33; Matl 3:15Lino kaba kaindi buyo, Leza siluumuno ulamulyataulila Saatani kunsi lyamaulu aanu.
Luzyalo lwa-Mwami wesu Jesu Kristo lube anywe, Ameni.
21 #
Inc 16:1; 19:22; 20:4; Flp 2:19 Ulamujuzya Timoteo simulimoma, aba-Luka a-Jasoni a-Sosipatro basiluzuboma. 22Ndamujuzya mu-Mwami mebo Tertio, ndime ndalemba olu lugwalo. 23#Inc 19:29; 1 Kor 1:14; 2 Tim 4:20Ulamujuzya Gayo, nguwe simeenzu wangu asimeenzu wambungano yoonse. Ulamujuzya Erasto muyoboli wamunzi, alakwe Kwarto mukwesu.
25 #
Ef 1:9; 3:5,9; Kol 1:26 Lino kuliyooyo uukonzya kumuyumya, mbuli mbwaamba Makani Mabotu aangu alukambauko lwa-Jesu Kristo, mbuli kuyubununwa kwamakani aasisidwe, aatakabwenwe kuziindi zilamfu zyakalekale, 26#2 Tim 1:10; Rom 1:5pele sunu ayubununwa, alimwi kumalembe aabasinsimi (kumulazyo wa-Leza uuteeli) azibigwa kulibamasi boonse, kuti babe akuswiilila lusyomo, 27#1 Tim 1:17; Jud 1:25kuli-Leza musongo alike akube bulemu bwamuli-Jesu Kristo lyoonse alyoonse. Ameni.
Currently Selected:
Ba-Roma 16: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.