Marko 3
3
Jesu mbwaakaponya uuyuminide kuboko, abamwi
(Matayo 12:9-21; Luka 6:6-11)
1 #
Mt 12:9-14; Lk 6:6-11 Nkabela wakanjila alimwi mucikombelo, elyo mumonya mwakali muntu uuyuminide kuboko. 2Lino bakali kumutongomwena kubona kuti na inga ulamuponya mubuzuba bwa-Sabata, kuti bakamupe mulandu. 3Mpawo wakaambila yooyo uuyuminide kuboko kuti, Nyampuka awo akati. 4Mpoonya awo wakababuzya kuti, Ino ncili ceelede kucitwa mu-Sabata, kucita kabotu nanka kucita cibi, kufutula muntu nanka kujaya? Pele balo bakaumuna buyo. 5#Joh 11:33Mpoonya wakabacebaukila cabukali, wakausa nkaambo kabuyumu bwamyoyo yabo. Lino waambila oyo muntu kuti, Vungulula kuboko kwako. Nkabela naakavungulula, kuboko kwakwe kwakapononona. 6#Mt 22:16Lino ba-Farisi nibakazwa mpoonya bakatalika kuvwiya antoomwe abanaHeroda kuti bakamujaye.
7 #
Mt 12:15,16; Lk 6:17-19 Lino Jesu wakaya kulwizi abasikwiiya bakwe, nkabela kwakamutobela makamu aabantu banji bazwa ku-Galilaya, akuzwa ku-Judaya, 8#Mt 4:25akuzwa ku-Jerusalemu, akuzwa ku-Idumiya, akuzwa mutala lya-Jordano, akuzwa kucisi ceengelede ca-Turo aca-Sidoni. Makamu aabantu banji nibakamvwa nzyaakali kucita, bakeza kulinguwe. 9#Mk 4:1; Lk 5:1-3Mpawo wakaambila basikwiiya bakwe kuti kube kaato kamulindilila nkaambo kabantu, kuti batamulimbikizyi. 10Nkaambo wakaponya banjibanji, nkabela boonse abakali azilwazi bakali kumutandila kuti bamwaampe. 11#Lk 4:41Abalo badaimona basofweede nibakamubona bakali kumuvundamina akupozomoka kuti, Nduwe Mwana a-Leza, 12#Mk 1:34Nkabela wakali kubakasya kuti batamudununi.
Jesu mbwaakasala baapostolo
(Matayo 10:1-4; Luka 6:12-16)
13 #
Mt 10:1-4; Lk 6:12-16 Lino wakatanta acilundu, waliitila baabo mbaakali kuyanda mwini, elyo bainka kulinguwe. 14Mpawo wakanomona bali ikumi mubabili, kuti bakabe awe, alimwi kuti abatume kukuya bukambauka, 15akuba abwami bwakutanda badaimona. 16#Joh 1:42Mbaaba: Simoni, ngwaakaulika izina lya-Petro, 17#Lk 9:54a-Jakobo mwanaakwe Zebedayo, a-Johane munyina Jakobo, mbaakaulika izina lya-Boanerge, nkukuti basimuzumo, 18a-Andreya, aFilipo, a-Bartolomayo, a-Matayo, a-Tomaso, a-Jakobo mwanaakwe Alifayo, a-Tadayo, a-Simoni mu-Kanana, 19a-Judase Iskariote, nguwenya wakamwaaba.
Balembi mbubakasampaula Jesu
(Matayo 12:24-32; Luka 11:14-23)
Lino wakanjila muŋanda. 20Mpawo makamu aabantu akamubunganina alimwi, nkabela teebakakonzya nikuba kulya insima. 21#Joh 7:20; 8:48,52; 10:20Nkabela beenzinyina nibakamvwa boobo bakainka kuyoomujata, nkaambo bakati, Wasondoka. 22#Mt 12:24-32; Lk 11:15-22; 12:10#Mt 9:34; 10:25Abalo balembi ibakazwa ku-Jerusalemu bakaamba kuti, Ulijisi Belzebule, alimwi inguzu nzyatanzya badaimona nzizyamwami wabadaimona. 23Lino wakabaita, wabaambila muzikozyano kuti, Ino Saatani ulakonzya buti kutanda Saatani? 24Kuti cisi tacikakatilani eco cisi tacikonzyi kujatila pe. 25Ayalo iŋanda kuti tiikakatilani, eyo iŋanda tiikonzyi kujatila pe. 26Alakwe Saatani kuti wagama kulilwanya mwini akutakakatilana, takonzyi kujatila pe, ulamaninina. 27Pele taakwe muntu uukonzya kunjila muŋanda yasinguzu kuti asaale lubono lwakwe, cita ataangune kumwaanga oyo singuzu, mpaanga ulakonzya kusaala iŋanda yakwe. 28Ncobeni ndamwaambila kuti bantu bayoolekelelwa zibi zyabo zyoonse, ansanko zyoonse nzibasanka. 29#Lk 12:10Pele oyo uusanka Muuya Uusalala taakwe anati kalekelelwe pe, uli amulandu wacibi citamani. 30#Mk 3:22Nkaambo bakaamba kuti, Ulijisi daimona uusofweede.
Basazinyina Jesu
(Matayo 12:46-50; Luka 8:19-21)
31 #
Mt 12:46-50; Lk 8:19-21 Lino kwakasika banyina abanabakwabo, bakaima anze, bamutumina kuyoomwiita. 32Nkabela bantu banji bakali kumweengelede mumbali, elyo bamwaambila kuti, Langa, mbaaba banyoko abanabakwanu, baliimvwi anze, balakuyandaula. 33Walo wakabavuwa kuti, Anu mbaani bama abanabakwesu? 34Lino wakacebaukila baabo ibakakede cakumuzyunguluka, wati, Amubone, mbaaba bama abanabakwesu. 35Nkaambo umwi aumwi uucita luyando lwa-Leza, nguwenya ngomwanaakwesu, ngomucizi wangu, mbibama.
Currently Selected:
Marko 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.