Luka 12
12
Jesu mbwaakacenjezya akuupaupa
1 #
Mt 16:6; Mk 8:15 Kuciindi eco noyakabungana myaanda myaanda yabantu, mane bakali kulyatikizyanya, walo wakatalika kwaambila basikwiiya bakwe kuti, Amucenjele kumimena yaba-Farisi, nkokuupaupa, 2#Mt 10:26-33#Mk 4:22; Lk 8:17Nkaambo taakwe civumbidwe iciti takavumbululwe, taakwe cisisidwe iciti takazibwe. 3Aboobo kufumbwa ncomwaambila mukusia, ciyoomvwigwa mukusalala, aceeco ncomuvwiila-vwiila mutwaanda twamukati, ciyoompololwa aziluli zyamaanda.
Jesu mbwaakaamba ngotweelede kutija
(Matayo 10:28-33)
4Alimwi ndamwaambila, nobeenzuma, mutanoobatija abajaya mubili, elyo munsi lyakooko taakwe ncobacikonzya kucita. 5Pele ndamutondezya ngomweelede kutija. Amutije oyo uujisi nguzu zyakuwaala mu-Gehena, amana kujaya. Ii, ndamwaambila, amumutije oyo. 6Sena tuyuni toaanwe tatuulwa makobili obile? Eno kulintuto taakwe nekaba komwe akalubidwe kuli-Leza. 7#Lk 21:18Anu nywebo, aalo masusu aakumitwe yanu alibalidwe oonse. Mutayoowi, mulayandika kwiinda tuyuni tunjitunji. 8Alimwi ndamwaambila kuti, Umwi umwi uundizumina kumbele lyabantu, awalo Mwana a-Muntu uyoomuzumina kumbele lyabaangelo ba-Leza, 9#Lk 9:26anukuti uunditama kumbele lyabantu uyootamwa kumbele lyabaangelo ba-Leza. 10#Mt 12:32; Mk 3:29Alimwi umwi umwi uubisya-bisya Mwana a-Muntu ulajatilwa nkuko, pele uusampaula Muuya Uusalala takoojatilwa. 11#Mt 10:19-20; Mk 13:11; Lk 21:14-15Nebamuleta muzikombelo, akubabetesi, akubami, mutalikataazyi mumyoyo yanu kuti muyoovuwa kutinzi na muyooamba kutinzi, 12nkaambo Muuya Uusalala uyoomuzibya nkomweelede kwaamba kuliceeco ciindi.
Cikozyano camuvubi simunantu
13Elyo umwi wamunkamu yabantu wakati kulinguwe, Mufundisi, ambila mukwesu kuti twaabane awalo lukono. 14#Inc 7:27Jesu wakamwaambila kuti, Yoo muntu, ino nguni uwakandibika bubetesi abwaabi akati kanu? 15#1 Tim 6:9,10Wakati kulimbabo, Amucenjele, amulilesye kukulikumbuzya koonse, nkaambo buumi bwamuntu tabuzwi kukuvuba kwazintu nzyajisi. 16Eno wakabaambila cikozyano cakuti, Umwi muvubi wakajana maila manjimanji mumyuunda yakwe. 17Mpoonya mpoonya wakayeeya mucamba cakwe wati, Ino ndicite buti? Nkaambo nsijisi busena bwakubikila maila aangu. 18Wakati, Mbobuya mbwenjoocita. Ndilaamwaya matala aangu, ndiyake ambi mapati, ndikayobwede mumo maila aangu oonse, alubono lwangu. 19Nenti ambile muuya wangu kuti, Omuuya, ulivubide lubono lunjilunji uluyobwedwe myaaka minjiminji, liibe, lya, nywa, kosobana. 20#Heb 9:27Anukuti Leza wakamwaambila kuti, Yebo omufubafuba, ngoonya masiku aya muuya wako ulayandaulwa kulinduwe. Ino ezi zintu nzooyobwede zilaba zyani? 21#Mt 6:20Mbwabede uuliyobweda lubono, anu tajisi buvubi kuli-Leza.
Jesu mbwaakaamba kuti, Amusyome Leza (Matayo 6:25-34)
22 #
Mt 6:25-33
Elyo wakaambila basikwiiya bakwe kuti, Nkankakaako nkemwaambila kuti, Mutalikataazyi abuumi bwanu kuti mukalyenzi, nekuba kumibili yanu kuti mukasamenzi. 23Nkaambo buumi bulainda kulicakulya, amubili ulainda kuli zyakusama. 24#Int 147:9Amuyeeye bacikwangala, tabasyangi, tabatebuli, tabajisi matala neciba ciyobwedo, kwalo Leza ulabasanina, Nywebo mulayandika kapati kwiinda bayuni. 25Alimwi kukulikataazya, ino nguni kulindinywe uukonzya kulilungilila ciimo cakwe? 26Eno mbocamukakila cintu ciniini, ino mucilikatazizyanzi kulizeezyo zimwi. 27#1 Bam 10:4-7; 2 Mak 9:3-6Amuyeeye mbwaamena malangalanga, taabeleki, taaluki, pele ndamwaambila kuti, Awalo Solomoni mwini mubulemu bwakwe boonse taakwe naakasama mbuli lyomwe lyaaya. 28Eno obuya Leza mbwasamika mani aamusokwe, aaliwo sunu, ijunza aasowelwa mumulilo, sena takooyoomusamika nywebo nomujisi lusyomo luniini? 29Alimwi nywebo mutayandauli ncomuzoolya ancomuzoonywa, mutalimbululi. 30Nkaambo zintu ezi zyoonse nzenzizyo nzobayandaula bamasi aansi, eno Usowanu ulizi kuti mulazibula ezi zintu. 31Pele amusaangune kuyandaula bwami bwa-Leza, nomuzooyungizizigwa zintu ezi. 32#Lk 22:29; Is 41:14Mutayoowi, nokatanga kaniini, nkaambo Usowanu ulakondwa kumupa bwami bwakwe. 33#Mt 6:20,21#Lk 18:22Amuuzye nzomuisi, mukape zyaluzyalo, mulicitile zikwama izitakulumpali, lubono lwakujulu ulutamani, oko nkutasiki uubba, ukutakwe pempe ililya. 34Nkaambo ukuli lubono lwanu, inooli nkuko amyoyo yanu.
Cikozyano camulindizi
(Matayo 24:42-51)
35 #
Mt 24:42-51
#
Mt 25:1-13; Kul 12:11; 1 Pet 1:13 Amukale, mulilyaangide muzibuno zyanu, muli amalambe aanu aayaka. 36#Mk 13:34-36; Mt 25:1-13Nywebo nobeni amube mbuli bantu abalindilila Mwami wabo, uuboola kupobwe lyakukwata, kuti asika akonkomona, bamujulile ndilyonya. 37#Joh 13:4Bali acoolwe bazike abo, Mwami wabo asika abajane balindilide. Ncobeni ndamwaambila kuti, Uzoolyaanga mucibuno cakwe, akabakazike akulya, aboole akabapampwide lwakwe mwini. 38Kuti wasika kukulindila kwabili na kwatatu, abajana bali boobo, bali acoolwe bazike abo. 39#Mt 24:43-44#1 Tes 5:2Amuzibe oku, kuti na mukamwini ŋanda anooli naakali kuzi ciindi ncasika uubba, naakalindila, naatakazumina kuti ŋanda yakwe idonkolwe. 40Amukalibambe anywebo, nkaambo Mwana a-Muntu uyoosika kuciindi ncomutezi.
41Elyo Petro wakaamba wati, O mwami, sena uamba cikozyano eci kulindiswe na kuliboonse? 42#2 Tim 2:15Mwami wakamuvuwa kuti, Nguuli mubanzi uuzi uusyomekede, simalelaakwe ngwazoobika kubana bakwe, kuti abaabile zilyo zyabo kuciindi ceelede? 43Uli acoolwe muzike oyo, simalelaakwe asika, amujana ulacita obo. 44#Mt 25:21Ncobeni ndamwaambila kuti, ulamubika bwami kulubono lwakwe loonse. 45Pele kuti muzike oyo wayeeya mumoyo wakwe kuti, Mwami wangu wamuka kusika, elyo watalika kuuma bazikenyina baalumi abakaintu, akulya akunywa akukolwa, 46mwami wamuzike oyo uyoosika kubuzuba mbwatamulangili akuciindi ncatezi, uyoomukwipaulisya, amupe caabilo cakwe antoomwe abatasyomekede. 47#Jak 4:17Eno muzike oyo uwakali kuzi luyando lwamwami wakwe, pele takalilulamikide, takacitide mbwaali kuyanda, uyooumwa zyuumo zinjizinji. 48Kwalo oyo uwatakali kuzi, uwakacita uzyeelede kuumwa, uyooumwa zyuumo zice buyo. Kufumbwa uupegwa kunjikunji kuyooitwa kunjikunji kulinguwe, ayooyo uubikilwa kunjikunji, kulinguwe balakumbila kwiindilila.
Jesu mbwaawaala mulilo ansi
(Matayo 10:34-36)
49Ndakasika kuwaala mulilo ansi, ndiyandanzi na wakutuka kale? 50#Mk 10:38; Mt 20:22; 26:38; Joh 12:27Pele ndijisi lubapatizyo ndwendakabapatizigwa andulo, eno ndapenga nolutanamana. 51#Mt 10:34-36Sena muyeeya kuti ndasika kuleta luumuno ansi? Ndamwaambila pe, pele kwaandaana, 52nkaambo kuzwa sunu muŋanda yomwe mulaba bosanwe abaandeene, botatwe balalwanya bobile, abobile balalwanya botatwe. 53#Mik 7:6Bayooandaana, wisi amwanaakwe mulombe, amwana kuliwisi, banyina amwanaabo musimbi, amwana musimbi kulibanyina, abanyinazyala balaandaana amukwaabo, amukwaabo, kulibanyinazyala,
Citondezyo caciindi cino
(Matayo 16:2,3)
54 #
Mt 16:2,3 Jesu wakaambila makamu aabantu kuti, Mwabona ikumbi ilizwa kumbo, ndilyonya mulaamba kuti, Ilawa. Mbokubede. 55Alimwi mwabona muuwo wakumabizi waunga, mulaamba kuti, Lulabala lumwi. Mbokubede. 56Nywebo nobasikuupaupa ameso, mulikuzi kupandulula busyu bwenyika abwakujulu, ino mwaba anzi kutaziba kupandulula ciindi cino? 57Alimwi ninzi ino ncomutalikoswedi ciluleme nobeni? 58#Mt 5:25,26Na muleenda asimulandunyoko kuya ku-Booma, nomuciya munzila, kojatisya kulivuna kulinguwe, ambweni akutole kumubetesi, amubetesi akwaabe kumupulisa, amupulisa akuwaale muntolongo. 59Ndakwaambila kuti tokooyoozwa omo mane ulunge kali kakusyaalila.
Currently Selected:
Luka 12: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.