Luka 10
10
Mbobakatumwa abali makumi aali musanu mwaabili
1 #
Mt 10:7-16
#
Mk 6:7
Munsi lyakooko Mwami wakabika bamwi abali makumi aali musanu mwaabili, wakabatuma bobile bobile kuti bamusolwedele kuminzi yoonse akumasena oonse, nkwaali kukanza kwiinka mwini. 2#Mt 9:37-38; Joh 4:35Wakabaambila kuti, Kutebula nceo, pele basimilimo mbace, nkaako amukombelele Mwami wakutebula, kuti atume basimilimo mukutebula kwakwe. 3#Mt 10:16Kamuya, ndamutuma mbuli bana bambele akati kabaumpe. 4#Mt 10:7-14; Mk 6:8-11; Lk 9:3-5#2 Bam 4:29; Lk 9:3-5Mutabwezi zikwama, neziba nkomo, neziba ndyasyo, mutalyaanzizyi muntu munzila. 5Kufumbwa ŋanda njomuti kanjile, musaangune kuti, Luumuno alube kuŋanda ino. 6Kuti mwali omo siluumuno, luumuno lwanu lunookede kulinguwe, kuti tamo lulamupilukila. 7#1 Kor 9:14; 1 Tim 5:18Mukakale mumonya muŋanda omo, mulye munywe nzobamusomba, nkaambo similimo uleelede cilumbyo cakwe. Mutanjilauki mumaanda. 8#1 Kor 10:27Kufumbwa munzi ngomunjila, bamutambula, mukalye nzobamusomba, 9mukaponye balwazi abalimo, mukabaambawide kuti, Bwami bwa-Leza buli afwaafwi kulindinywe. 10#Inc 13:51Mumunzi umwi umwi ngomunjila, batamutambula, amuzwide kunzila zyawo muteeti, 11#Inc 18:6Lusuko lwamunzi wanu ulwanamatide kumatende esu, twalukunkumwina kulindinywe, nokubaboobo muzibe kuti Bwami bwa-Leza bwamuswenenena. 12#Matl 19:24-28; Mt 11:24; 10:15Ndamwaambila kuti kubuzuba obo mulandu wacisi ca-Sodoma uyooba muniini kwiinda wamunzi oyo. 13#Is 23:1-18; Ezk 26:1–28:26; Joel 3:4-8; Am 1:9-10; Zek 9:2-4; Mt 11:21-23Maawe kulinduwe, o-Korazini, Maawe kulinduwe, o-Betsaida. Nkaambo kakuti malele mapati aakacitwa mulindinywe, anooli naali kucitidwe mu-Turo amu-Sidoni, minzi eyo neyali kusandukide kalekale, nobali kusamide masila aakulizya, akukala mwitwe. 14Kwalo kulubeta mulandu wa-Turo a-Sidoni uyooba muniini kwiinda wanu, 15#Is 14:13-15Ayebo, o-Kapemauma, sena uyoosumpwidwa kujulu? Pe, uyooselusigwa kucikalilo cabafwa, 16#Mt 10:40; Mk 9:37; Lk 9:48; Joh 5:23; 15:23; 13:20Uumuswiilila waswiilila ndime, uutamuswiilili tandiswiilili ame, uutandiswiilili tamuswiilili uwakandituma.
17Abali makumi aali musanu mwaabili bakaboola akubotelwa bakati, O mwami, abalo badaimona batumvwa nkaambo kezina lyako. 18#Joh 12:31; Ciy 12:8,9Wakati kulimbabo, Ndakamubona Saatani ulaloka kujulu mbuli lulabo. 19#Int 91:13; Mk 16:18Amubone, ndamupa bwami bwakulyata nzoka atubanze, abwami atala lyenguzu zyoonse zyasinkondoma, taakwe ciyoomucisa akaniini. 20#Kul 32:32; Flp 4:3; Ciy 3:5; Mt 7:22Nokubaboobo mutabotelwi kuti badaimona bamumvwa, pele amubotelwe kuti mazina aanu alilembedwe kujulu.
21 #
Mt 11:25-27
Kuciindi eco nciconya Jesu wakasekelela mu-Muuya Uusalala wakati, Ndakulumba, Taata, O mwami wejulu enyika, nkaambo makani aya wakabasisa basongo abaabo abaziba, waayubulwida bana. Ii Taata, nkaambo mbombuboobo mbookakondwa. 22#Joh 3:35; 10:15Makani oonse ndaapegwa kuli-Taata. Taakwe uuzi Mwana na nguni, pele Taata, a-Taata na nguni, pele Mwana, ayooyo ngwakanza Mwana kumuyubulwida. 23#Mt 13:16,17Wakacebukila basikwiiya bakwe kumbali wakati, Ali acoolwe meso aabona zintu nzomubona nywebo. 24#1 Pet 1:10Nkaambo ndamwaambila kuti, basinsimi banjibanji abami bakali kuyanda kubona zintu nzomubona, pele tabakazibwene, akumvwa nzomumvwa, pele tabakazimvwide,
Cikazyano camu-Samariya siluzyala
25 #
Mt 22:35-40; Mk 12:28-34 #
Lk 18:18-20
Similao umwi wakaima, wakamusunka wati, Mufundisi, ino ndicite buti kuti ndinjile mubuumi ubutamani? 26Wakati kulinguwe, Kwakalembwanzi mumulao? Ubala kutinzi ino? 27#Lev 19:18; Dt 6:5Wakavuwa wati, Yanda Jehova Leza wako amoyo wako woonse, amuuya wako woonse, anguzu zyako zyoonse amiyeeyo yako yoonse, amunamuzyaanu mbuli mboliyanda omwini, 28#Lev 18:5; Mt 19:17Jesu wakamwaambila kuti, Wavuwa kabotu, cita obo noti pone. 29Pele walo mbwaakali kuyanda kulisanzya, wakaambila Jesu kuti, Ino munamuzeesu nguni? 30Jesu wakamuvuwa wati, Umwi muntu wakali kukunkulika kuzwa ku-Jerusalemu kuya ku-Jeriko, nkabela wakawida mubafumpi, bakamusamununa, bamuumisya, bamusia uli mulufu. 31Kwakaba buyo kuti mupaizi umwi wakakunkulika enzila eyo, naakamubona wakamwiinda ambali. 32Mbubonya obo amu-Levi, naakasika nkuko akumubona, wakainda ambali. 33#2 Mak 28:15Anu mu-Samariya umwi uwakali kuya bweenda wakasika kulinguwe, naakamubona wakamufwida luzyalo, 34wakaswena, wazyaanga zicisa zyakwe, wazitila mafuta awaini, nkokuya wamutantika ambongolo yakwe, wamutola kuŋanda yabeenzu, wamubamba. 35Nobwakaca naakayeeya kweenda wakagwisya masheleni obile, wapa simeenzaakwe wati kulinguwe, Mubambe kabotu, eno kufumbwa ngati sowe kwiinda aya, ndaboola ndilakubweedezezya. 36Ino yebo uyeeya buti, kulooyo uwakawida mubafumpi nguni uwakaba munamuzyaabo, kulibaabo botatwe? 37Wakaamba kuti, Kai nguwenya oyo uwakamufwida luzyalo. Jesu wakati kulinguwe, Koya ayebo ucite mbubonya.
Maata a-Mariya
38 #
Joh 11:1; 12:2,3 Eno mulweendo lwabo wakanjila mumunzi umwi, mpoonya mpoonya mukaintu uutegwa Maata wakamutambula muŋanda yakwe. 39Wali kujisi mwanaakwabo uutegwa Maliya, uwali kukala kumatende aa-Mwami akuswiilila makani aakwe. 40Kwalo Maata wakalikataazya akubambisya cakulya, waboola kulinguwe wati, O mwami, sena tokwe amakani mwanaakwesu mbwaandisia endike muku bamba cakulya? Komwaambila azoondigwasye. 41Pele Jesu wakamuvuwa kuti, Maata, Maata, walikataazya akuyeeyesya zintu zinjizinji, 42#Mt 6:33anukuti iciyandika ncintu comwe, nkaambo Maliya walisalila caabilo cibotu ncatakooyoonyangwa.
Currently Selected:
Luka 10: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.