Daniele 3
3
Ba-Sadrake, Mesaki a-Abedinego mbubakavunwa kumulilo
1 #
1 Bam 12:28; Int 96:5; Is 41:24; Hos 2:8; 1 Kor 8:4 Mwami Nebukadinezara wakapanga cikozyano cangolida. Bwiime bwaco bwakali tukokola tuli makumi aali musanu alimwi, abwaamba bwaco bwakali tukokola tuli musanu akamwi. Nkabela wakaciimika mugundu lya-Dura mucisi ca-Babuloni, 2Lino Nebukadinezara wakatamba beendelezi bazisi abangambela abami abasinkuta abasimubambamali ababetesi abasikwiiminina abasilutwe boonse bazisi, kuti bazoobungane kukusalazya eco cikozyano mwami Nebukadinezara ncaakaimikide. 3#Mt 7:13; Inc 19:34,35; Rom 1:20,23Aboobo beendelezi bazisi abangambela abami abasinkuta abasimubambamali ababetesi abasikwiiminina abasilutwe boonse bazisi bakabungana kukusalazya eco cikozyano mwami Nebukadinezara ncaakaimikide. Nkabela bakaliimvwi kunembo lyacikozyano Nebukadinezara ncaakaimikide, 4#Dan 4:1Mpawo sikoongolola wakaita canguzu, wati, Mwalaililwa nubantu bamisyobo yoonse azisi zyoonse amyaambo yoonse, 5kuti kufumbwa ciindi nimuswiilila ijwi lyamweembo amilozi akantimbwa anyeele acinamondonga amutetele aziimbyo zyoonse, muleelede kuvundama akukotamina cikozyano cangolida mwami Nebukadinezara ncaimikide, 6#Jer 29:22; Ciy 13:15Lino kufumbwa muntu uukaka kuvundama akucikotamina, uyootolwa ndilyonya akuwaalwa mubbila lyamulilo wamabangabanga. 7Nkaambo kako bantu boonse nibakamvwa ijwi lyamweembo amilozi akantimbwa anyeele acinamondonga aziimbyo zyoonse, bantu bamisyobo yoonse abazisi zyoonse abamyaambo yoonse bakali kuvundama akukotamina cikozyano cangolida mwami Nebukadinezara ncaakaimikide.
8 #
Dan 6:12; Es 3:6; Ezr 4:12-16 Elyo kwakeza bamwi bantu ba-Kasidi, bakabikila ba-Juda twaambo, 9#Neh 2:3; Hos 7:3; Dan 2:4; 5:10Bakaambila mwami Nebukadinezara kuti, O mwami, kopona lyoonse, 10Webo, O mwami, ulibikide mulao wakuti kufumbwa muntu uumvwa ijwi lyamweembo amilozi akantimbwa anyeele acinamondonga amutetele aziimbyo zyoonse, uleelede kuvundama akukotamina cikozyano cangolida, 11nkabela kufumbwa muntu uukaka kuvundama akucikotamina uleelede kuwaalwa mukati kabbila lyamulilo wamabangabanga, 12#Es 3:8; Dan 2:49Pele kuli bamwi ba-Juda mbobikide mumilimo yacisi ca-Babuloni, nkokuti Sadrake, Mesaki a-Abedinego. Aba bantu tababiki myoyo yabo kumajwi aako, O mwami. Tabakombi baleza bako, acikozyano cangolida ncoimikide tabacikotamini pe.
13 #
Mt 10:18; Mk 13:9; Inc 5:25-27 Mpawo Nebukadinezara wakakalala loko, walailila kuti ba-Sadrake a-Mesaki a-Abedinego baletwe kulinguwe, aboobo bantu abo bakaletwa kubusyu bwamwami. 14#Is 46:1Nkabela Nebukadinezara wakababuzya kuti, Sa aya makani ngaakusinizya, O Sadrake a-Mesaki a-Abedinego? Sa tamulemeki baleza bangu nekuba kukotamina cikozyano cangolida ncendakaimika? 15#Kul 32:32; 5:2; Lk 13:9; 2 Bam 18:35Amuswiilile! Na mwazumina kuti, kufumbwa ciindi nemumvwa ijwi lyamweembo, milozi, kantimbwa, nyeele, cinamondonga, mutetele, aziimbyo zyoonse, kuvundama akukotamina cikozyano ncendakapanga, mbubo. Pele na mwakaka kukotama, muyoowaalwa ndilyonya mukati kabbila lyamulilo wamabangabanga. Lino nguli Leza uuyoomuvuna mumaanza aangu?
16 #
Mt 10:19; Inc 26:24 Lino ba-Sadrake a-Mesaki a-Abedinego bakavwiila mwami kuti, O Nebukadinezara, taakwe cintu ncetukonzya kukwaambila mumakani aya, 17#1 Sam 17:37; Mik 7:7; 2 Kor 1:10Na Leza wesu ngotukomba ulijisi inguzu zyakutuvuna kuzwa kubbila lyamulilo wamabangabanga, uyootuvuna mumaanza aako, O mwami. 18#Mt 10:32; Heb 11:25Nekubaboobo na tacili boobo kuzibwe kulinduwe, O mwami, kuti twakaka kukomba baleza bako akukotamina cikozyano cangolida ncowakabika.
19Amvwe obo, Nebukadinezara wakazula bukali, abusyu bwakwe bwakabija naakalanga ba-Sadrake a-Mesaki a-Abedinego. Wakalailila kuti ibbila lisoselwe ziindi zili musanu azibili kwiinda mbolyakali kuumpwa lyoonse. 20Alimwi wakalailila bamwi bantu, baalumi basintaze bamumpi yakwe, kuti baange ba-Sadrake a-Mesaki a-Abedinego, babawaale mubbila lyamulilo wamabangabanga. 21Aboobo aba bantu bakaangwa, kabasamine zikobela zyabo azibaki zyabo angowani zyabo azyakusama zyabo zyoonse, akuwaalwa mukati kabbila lyamulilo wamabangabanga. 22Lino nkaambo kabukali bwamajwi aamwami, alimwi nkaambo kakuti ibbila lyakayakisya loko, mabangabanga aamulilo akatenta abo bantu ibakatola ba-Sadrake a-Mesaki a-Abedinego. 23#Int 33:18; Is 43:2; 2 Kor 1:8-10; 1 Pet 4:12Elyo bantu aba botatwe, ba-Sadrake a-Mesaki a-Abedinego, bakawa kabaangidwe mukati kabbila lyamulilo wamabangabanga.
24Lino mwami Nebukadinezara wakagamba, wanyampuka cakufwambaana. Wakaambila basinkuta bakwe kuti, Sa teensi bantu botatwe mbetwawaala kabaangidwe mukati kabbila lyamulilo? Bakavwiila mwami kuti, Mbukabede, O mwami. 25#Is 43:2; Job 1:6; Int 34:7; Joh 19:7; Heb 1:14Wakati, Ma! Ndabona bone baangunwidwe baleendeenda mukati kamulilo. Tabapiide, pe, abunini. Alimwi ciwa camuntu wane cili mbuli ciwa caumwi wabaleza.
26Mpawo Nebukadinezara wakaswena afwiifwi kumulyango wabbila lyamulilo wamabangabanga, wati, Noba-Sadrake a-Mesaki a-Abedinego, balanda ba-Leza wakujulu, amuzwe, muboole okuno. Mpoonya awo baSadrake a-Mesaki a-Abedinego bakazwa mukati kamulilo. 27#Mk 16:18; Heb 11:34Nkabela beendelezi bazisi abangambela abami abasinkuta bamwami ibakabungene bakabona kuti mulilo kuutaiisi inguzu zyakutenta mibili yabantu aba. Masusu aakumitwe yabo taakwe naakakokonyana, zikobela zyabo tazikwe nezyakapya, alimwi tabakwe nebakanunka mulilo pe! 28#1 Mak 5:20; Int 34:7,8; Ef 1:12,13; 1 Pet 1:21Lino Nebukadinezara wakaamba kuti, Alumbwe Leza waba-Sadrake a-Mesaki a-Abedinego, iwakatuma angelo wakwe akuvuna balanda bakwe ibakamusyoma, ibakakaka ijwi lyamwami akwaaba mibili yabo kuti batakombi na kukotamina leza naba umwi cita Leza wabo beni. 29#Dt 32:31; Int 3:8; Dan 6:27Nkaambo kako ndabika mulao wakuti, akati kabantu bamisyobo yoonse amyaambo yoonse, kufumbwa muntu uuamba cakusampaula Leza waba-Sadrake a-Mesaki a-Abedinego uyoogonkelwa zizo zyakwe, aŋanda yakwe iyooba mafwisila, Nkaambo taakwe Leza umbi uukonzya kuvuna obo. 30Lino mwami wakasumpula ba-Sadrake a-Mesaki a-Abedinego mucisi ca-Babuloni.
Currently Selected:
Daniele 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.