Daniele 2
2
Daniele mbwaakapandulula ciloto ca-Nebukadinezara
1 #
Matl 41:8; Es 6:1 Lino mumwaka wabili wabwami bwa-Nebukadinezara, Nebukadinezara wakalota ziloto, nkabela moyo wakwe wakapenga, waba acilabila. 2#Kul 7:11Mpa wo mwami wakalailila kuti kwiitwe basondi abacape abaŋanga aba-Kasidi, bapandulwide mwami ziloto zyakwe, Mpawo bakeza, baima kunembo lyamwami. 3Lino mwami wakabaambila kuti, Ndalota ciloto, amoyo wangu wapenga nkaambo nsizi mbucaamba. 4Mpawo ba-Kasidi bakaambila mwami muci-Aramu, bati, O mwami, kopona lyoonse. Utulwiide ciloto, swebo tobalanda bako, lino tuyookulwiida mbucaamba, 5Mwami wakavwiila ba-Kasidi, kuti, Ncobeni muleelede kundaambila ciloto ncindakalota akucipandulula, Mwabula kucita obo, muyookosaulwa, amaanda aanu ayooba zitantaala buyo. 6Pele na mwandilwiida ciloto akucipandulula, muyootambula zipo amalumbo abulemu bunji kuzwa kulindime. Nkaambo kako amundilwiide ciloto akucipandulula. 7Mpawo bakavuwa lwabili, bati, Mwami atulwiide ciloto, lino swebo tobalanda bako tuyoopandulula mbocaamba. 8Mwami wakavuwa kuti, Ncobeni ndizi kuti ndinywe basikutamauka, nkaambo mwabona kuti ijwi ndendaamba ndyakasimpe. 9#Es 4:11Mulizi kuti na mwabula kundizibya ciloto mbucibede, kuli kaambo komwe buyo. Mwabamba majwi aakubeja aatakwe milimo, kuti mwaambe mumatwi aangu, mane mbokuli busiku ngunamacaca. Amundilwiide ciloto, aboobo ndaakonzya kuziba kuti mulakonzya kucipandulula. 10Lino ba-Kasidi bakavuwa mumatwi aamwami kuti, Taakwe muntu naba omwe ansi ano uukonzya kulwiida mwami makani aya. Ncobeni taakwe mwami mupati na mweendelezi naba omwe iwakabuzizye makani aali boobu kumusondi na mucape na mu-Kasidi naba umwi. 11#Kul 8:10; Dan 5:11; Mt 19:26Makani mwami ngabuzya mayumu; taakwe uukonzya kulwiida mwami makani aya cita baleza batakali akati kabantu baansi.
12 #
Int 76:10; 94:20; Tus 16:14; 19:12; 20:2; 28:15; Mt 2:16 Lino mwami naakamvwa obo, wakakalala, wanyema loko, wakalailila kuti basongo boonse ba-Babuloni banyonyoonwe. 13Aboobo kwakamvwigwa mulazyo wakuti basongo boonse baleelede kujayigwa, nkabela Daniele abeenzinyina bakayandaulwa kuti bajayigwe. 14Mpawo Daniele wakavwiila Arioki, silutwe wabasilumamba wamwa miiwakainkide kukujaya basongo ba-Babuloni, majwi aabusongo abucenjezu. 15Wakaambila Arioki silutwe wamwami kuti, Ino nkaambonzi mulazyo wamwami wabuka abukali buli boobo? Elyo Arioki wakalwiida Daniele makani. 16Mpoonya awo Daniele wakainka kumwami kuyookumbila kuti amubikile ciindi, apandulwide mwami makani.
17Lino Daniele wakaya kuŋanda yakwe, walwiida beenzinyina Hananiya, Misayeli a-Azariya makani, 18kuti bakumbile luzyalo kuli Leza wakujulu, abagwasye mumakani aya aasisidwe, kuti ba-Daniele abeenzinyina batajayigwi antoomwe abasongo bamwi baku-Babuloni, 19#My 12:6; Job 33:15,16Mpoonya awo Daniele wakayubunwidwa makani aasisidwe mucilengano camasiku. Nkabela Daniele wakalumba Leza wakujulu. 20#Int 113:2; 147:5; Job 12:13; Jer 32:19; Mt 6:13Daniele wakaamba kuti, Lilumbwe izina lya-Leza lyoonse mane kukabe kutamani, Ngonguwe uujisi busongo anguzu, 21#1 Mak 29:30; Es 1:13; Dan 7:25; 4:17; Job 12:18; Int 75:6,7; Jer 27:5; Jak 1:5Ngonguwe uupindaula ziindi amazuba. Ulagwisya bami, alimwi ulabusya bami, Ulapa basongo busongo bwabo, abaabo bali abucenjezu ngonguwe uubapa luzibo. 22#Job 12:22; Heb 4:13; Int 25:14; 139:11,12; Dan 5:11Ulayubununa makani aasisidwe aakataazya. Ulizi zintu zyoonse zili mumudima; kulinguwe mumuni nkuubede. 23#Am 3:7O Leza wabamatata, ndakuhimba, ndakutembaula, nkaambo wandipa busongo anguzu, wandizibya makani ngetwakabuzya kulinduwe, wandizibya makani aamwami.
24Mpawo Daniele wakainka kuli-Arioki, mwami ngwaakabikide kuti anyonyoone basongo ba-Babuloni, waakakumwaambila kuti, Utanyonyooni basongo ba-Babuloni pe, Unditole kumwami, lino njoopandulwida mwami makani.
25Mpawo Arioki wakafwambaana kutola Daniele kumwami. Wakamwaambila kuti, Ndajana muntu, umwi wabazike bazwa kucisi ca-Juda, uukonzya kupandulwida mwami makani. 26Nkabela mwami wakabuzya Daniele (ngonguwe iwakapegwa izina lya-Belitsazara) wati, Sa ulakonzya kundizibya ciloto ncendakalota akucipandulula? 27Lino Daniele wakavwiila mwami kuti, Taakwe naba omwe akati kabasongo abasondi abacape abaŋanga uukonzya kupandulwida mwami makani ayo ngaakabuzya, 28#Matl 40:8; Int 115:2,3; Am 4:13pele nkwali Leza wakujulu uuyubununa makani aasisidwe, Ngonguwe wazibya mwami Nebukadinezara makani aayooba kumamanino aaciindi. Nceeci ciloto cako azilengano zyamoyo wako nzowakabona abulo bwako, 29Miyeeyo yako, O mwami, iyakabuka nowakali abulo yakaamba makani aaciza. Oyo uuyubununa makani aasisidwe wakakuzibya makani aayooba, 30#Matl 41:16; Inc 3:12Pele mebo, teensi kwaamba kuti ndijisi busongo kwiinda bantu boonse bapona pe, Teensi ncico ncindayubunwidwa makani aya. Ndayubunwidwa makani kuti nkapandulwide mwami, azibe miyeeyo yamumoyo wakwe mbiibede.
31Webo, O mwami, wakabona cikozyano cipati. Eci cikozyano cipati cakali kubalama, alimwi kaciimvwi kumeso aako, aciwa caco kaciyoosya. 32Cikozyano eco, mutwe waco wakali wangolida imbotu, camba caco amaboko aaco zyakali zyansiliva, elkungu caco azibelo zyaco zyakali zyamukuba, 33myeendo yaco yakali yabutale, azituta zyaco zyakali zyabutale buvwelene abulongo. 34Lino wakali kubona mane lumwi kwakakolomonwa ibbwe, kutali amaanza aamuntu, nkabela lyakauma cikozyano azituta zyaco, izyakali zyabutale buvwelene abulongo, lyakazipwayaula. 35#Is 2:2,3; Mik 4:1,2; Int 22:27; 67:1,2; Is 11:9; Zek 14:8,9; Ciy 11:15Mpawo butale, bulongo, mukuba, insiliva angolida, zyoonse buyo zyakapwayaulwa, zyakaba mbuli buungu bwakucipolelo ciindi cacilimo. Muuwo wakazipupulula, teekwakasyaala nekaceya. Pele ibbwe ilyakauma cikozyano lyakaba idundu ipati, lyakazuzya nyika yoonse,
36Nceeco ciloto mbucakabede, Lino tulacipandulula kubusyu bwamwami. 37#Ezr 7:12; 1:2; Is 47:5Webo, O mwami, uli mwami wabami. Leza wakujulu wakupa bwami, inguzu, bupati abulemu. 38#Dan 4:21; Jer 27:6Kufumbwa nkobakede bantu baansi na banyama bamusokwe na bayuni bakujulu, wabaaha mumaanza aako kuti ubeendelezye boonse. Nduwe mutwe wangolida. 39#Dan 5:28Lino kusule lyako kuyoobuka bwami bumbi buteelene abwako, alimwi caba ciindi kuyoobuka bwami abumwi bwatatu, bwami bwamukuba buyooendelezya nyika yoonse, 40#Dan 7:7,23; Joh 11:48Lino kuyooba bwami bwane buyumu nta mbuli butale, nkaambo butale bulapwayaula akujaya zintu zyoonse, nkabela obo bwami buyoopwayaula akukomauna ezi zyoonse mbubonya mbuli butale mbobupwayaula. 41Alimwi mbuli mbowabona zituta aminwe yazyo, kuti nzezyabulongo bwasikubumba buvwelene abutale, nkokuti obo bwami buyooanzaana, pele bumwi buyumu bwabutale bunooyoocisyeede mulimbubo, mbubonya mbowabona butale buvwelene abulongo bwamatope. 42Alimwi minwe yazituta mbuyakali yabutale buvwelene abulongo, nkokuti obo bwami buyooba azipanzi ziyumu zivwelene azipanzi zipwayika buyo. 43Mbubonya mbowabona butale buvwelene abulongo bwamatope, nkokuti buyooliswanaanya alunyungu lwabantu, pele tabakooyoojatana kabotu, mbubonya mbuli butale mbobutaswanaani abulongo. 44#Matl 49:10; Int 2:6,9; Dan 4:3,34; Mik 4:7; Lk 1:32; Is 60:12; 1 Kor 15:24,25Lino mumazuba aabaami abo, Leza wakujulu uyoobusya bwami butakooyoonyonyoonwa abuniini mane kukabe kutamani, anguzu zyabo tazikooyoosiilwa bantu bambi. Obo bwami buyoopwayaula akumanisya mami aya conse, alimwi bwalo buyooima nji kukabe kutamani, 45#Is 28:16Buyooba mbubonya mbuli ibbwe elyo ndowabona, ilyakakolomonwa kuzwa kucilundu kutali kumaanza aabantu, ilyakapwayaula zyoonse buyo—butale, mukuba, bulongo, insiliva angolida. Leza mupati watondezya mwami makani aaciza. Ciloto ncakasimpe, akupandulula kwaco nkwalusinizyo.
46 #
Inc 10:25; 14:13; Ciy 19:10; Ezr 6:10 Mpawo mwami Nebukadinezara wakavundama ansi, wakotamina Daniele, walailila kuti atuulilwe cipaizyo atununkilizyo, 47Mwami wakaambila Daniele kuti, Ncobeni Leza wanu ngu-Leza wabaleza, mupati wabami, sikuyubununa makani aasisidwe, nkaambo wakonzya kuyubununa makani aya. 48#Matl 41:40; Dan 4:9Lino mwami wakapa Daniele bulemu azipo zipati zinji, alimwi wakamubika kuti abe mweendelezi wacisi coonse ca-Babuleni asilutwe mupati wabasongo boonse ba-Babuloni. 49#Tus 28:12; Dan 1:17; Es 2:19; Jer 39:3; Am 5:15Elyo Daniele wakakumbila kumwami, nkabela wakabika Sadrake, Mesaki a-Abedinego kuti babeleke milimo yacisi ca-Babuloni, pele Daniele kakede kunkuta yamwami.
Currently Selected:
Daniele 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.