1 Timoteo 1
1
1 #
Kol 1:27
Ndime Paulo, apostolo wa-Kristo Jesu, nendakabikwa a-Leza muvuni wesu a-Kristo Jesu ngotulangila, 2#Inc 16:1; Tit 1:4Ndakujuzya Timoteo, mwanaangu mwinimwini wamulusyomo, Ube aluzyalo alweetelelo aluumuno, zizwa kuli-Leza Taateesu akuli-Kristo Jesu Mwami wesu.
Makani aabaiyi baiisya bumbi. Mulao mbuuelede kubelesegwa
3 #
Inc 20:1
Nendakali mulweendo lwangu lwakuya ku-Makedoniya, ndakakukumbila kuti ukale mu-Efeso, kuti ubalesye abo bafundisya bumbi, 4#1 Tim 4:7kuti bataswiilili zyamankwangwaalizya nituba tunsiyansiya twamazyalani-zyalani, nkaambo aya makani alaleta inkazyanyo buyo, taakonzyi kuyaka lusyomo lwesu lwakusyoma Leza, Lino asunu ndakulailila mbubonya. 5#Rom 13:10; Gal 5:6Anu calo cintu ciyandwa nduyandano luzwa mumoyo uusalala amukweezeezya kubotu amulusyomo lwinilwini. 6#1 Tim 6:4,20Nokuboobo bamwi bazileka zintu ezi zinizini, bagama zimbi zyabuyo, 7Balayandisya kuba baiyi bamulao, anu tabacimvwi ancobaamba neciba ceeco ncobasinizya, pe. 8#Rom 7:12Eno swebo tulizi kuti Mulao mubotu kumuntu uubamba kabotu, 9kufumbwa anooyeeya kuti mulao tuucitilwi muntu uuluzi, ulacitilwa basigama abantu bapilingene, basikasampusampu abasizibi, basofweede abantu bataluzi, basikujaya bamawisi abamanyina, abajaya bantu, 10#1 Tim 6:3basibwaamu abasikoona baaluminyina, basimuvupu ababeji abasikukonka cakubeja, abaabo bacita zintu zimwi zili boobo zitayanzene alwiisyo lubotu, 11#1 Tim 6:15mbubonya mbuli Makani Mabotu aabulemu bwa-Leza uuli acoolwe, ngendakasyomezezegwa mebo.
Paulo mbwaakasanduka akuba apostolo
12 #
Inc 9:15; 1 Kor 15:9,10; Gal 1:13-16 Ndamulumba Kristo Jesu Mwami wesu, uwakandipa inguzu, nkaambo wakandisyoma kuti ndilasyomeka, ncaakandibikila munulimo wakwe. 13#Inc 8:3; 9:4-5Kuciindi cakamana ndakali sikasankusanku asikakomokomo asikazundozundo, nekuboobo ndakafwidwa luzyalo nkaambo teendakazi ncendakali kucita cakutazumina. 14Eno luzyalo lwa-Mwami wesu lwakavula nkavulila, antoomwe alusyomo aluyandano lwamuli-Kristo Jesu. 15#Lk 15:2; 19:10Ijwi linilini litambulika loko ndeeli lyakuti, Kristo Jesu wakaboola ansi ano kuzoofutula bacitazibi. Lino mebo ndi sizibi kwiinda boonse, 16nekuboobo ndakafwidwa luzyalo kuti Jesu Kristo abonye busicamba bwakwe boonse mulindime, kuti cibe cileezyo kulibaabo boonse baciza kukuzoomusyoma akujana buumi butamani. 17#Rom 16:27Eno ku-Mwami mupati uutamani walyoonse, uutabonwa, Leza uuiide alike, akube bulemu akwaalaala lyoonse alyoonse kukabe kutamani. Ameni.
Paulo ulacenjezya Timoteo
18 #
1 Tim 6:12; Jud 1:3 Ndakubikila milazyo eyi, mwanaangu Timoteo, mbubonya mbuli majwi aabasinsimi ngobakakwaambilide, kuti kulingao uyasane lumamba lubotu, 19#1 Tim 3:9; 6:10Kojatisya lusyomo ameezeezyo mabotu, ngobayumbila ambali bamwi, lino basweeka kulusyomo mbubonya mbuli bwaato ubwaloba. 20#2 Tim 2:17; 1 Kor 5:5Bamwi babaabo mbaaba, ba-Humenayo a-Alesandro, mbendakaaba kuli-Saatani, kuti baiye kutasampaula limbi Leza.
Currently Selected:
1 Timoteo 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.