2 Kawˇrenˍhtuˆ li‸ 3
3
Ka ti‸ shaˉ caˆ awˬ suhˉ awˬ pon kanˉ te ve
1Ngaˬ hui lehˬ, ngaˬ hui awˬ to awˬ pon shaˉ hkiˆ kʼaw‸ hkanˍ ve teˇ ceuˬ hta‸ te ve laˇ. Maˇ heˆ kʼo, chaw teˇ hpaˍ hpaˍ hkʼa shuˍ shuˍ nawˬ hui awˬ pon shaˉ hkiˆ hkanˍ ve li‸ bvuh‸ laˇ tuˬ maˇ kʼoˆ, nawˬ hui geh shaˉ hkiˆ hkanˍ ve li‸ hta‸ gʼa tuˬ maˇ kʼoˆ, ngaˬ hui loˍ ve laˇ. 2Nawˬ hui lehˬ ngaˬ hui ve shaˉ hkiˆ hkanˍ ve li‸ hpeh‸ ve yoˬ. Li‸ chi lehˬ, ngaˬ hui ve nyi ma shiˍ awˬ hkʼoˆ lo bvuh‸ taˍ leh, chaw hkʼa peu-eˬ shiˍ leh gʼaw gʼa ve li‸ hpeh‸ ve yoˬ. 3Nawˬ hui lehˬ, Hkri‸ ngaˬ hui hta‸ cuˇ leh bvuh‸ taˍ ve li‸ hpeh‸ ve hta‸ hkʼa tawˍ lehˆ hpeu‸ maˍ ve yoˬ. Naˬ meu‸ gʼuiˬ bvuh‸ taˍ ve li‸ hpeh‸ ve maˇ heˆ. Haˉ pui baˉ awˬ hkʼoˆ bvuh‸ taˍ ve ka‸ maˇ heˆ. Te‸ chehˇ ve Gʼuiˬsha ve Awˬ ha hpu lehˬ, chaw yaˇ ve nyi ma awˬ hkʼoˆ hta‸ bvuh‸ taˍ ve li‸ hpeh‸ ve yoˬ.
4Gʼuiˬsha mehˆ gʼuˇ suhˍ Hkri‸ awˬ hkʼaw lo ngaˬ hui chi hkʼe yonˍ tehˬ ve yoˬ. 5Ngaˬ hui lehˬ, ngaˬ hui ve awˬ gʼaˇ hta‸ cuˇ leh teˇ ceuˬ ceuˬ te hpeh‸ ve hta‸ kʼoˆ ve maˇ heˆ. Gʼuiˬsha ve awˬ gʼaˇ hta‸ ceh tiˉ ngaˬ hui cuˇ ve yoˬ. 6Ka ti‸ shaˉ caˆ awˬ suhˉ awˬ pon kanˉ te puiˉ te gʼa tuˬ, Gʼuiˬsha ngaˬ hui hta‸ awˬ gʼaˇ awˬ shaˉ leh cuˇ yiˍ maˍ yiˍ pe‸ laˇ ve yoˬ. Ka ti‸ shaˉ caˆ chi ve lehˬ, li‸ mehˆ hta‸ caˉ da‸ ve maˇ heˆ. Awˬ ha hpu hta‸ caˉ da‸ ve yoˬ. Awˬ lawn kʼo, li‸ mehˆ lehˬ tiˇ pehˍ shehˍ hpaˇ hpeh‸ ve yoˬ. Ya‸ hkʼaˇ, Awˬ ha hpu lehˬ co ha te‸ la piˇ shehˍ hpaˇ hpeh‸ ve yoˬ.
7Haˉ pui baˉ awˬ hkʼoˆ hta‸ htawˆ bvuh‸ taˍ ve, suh piˇ lawˬ puiˉ ve awˬ liˇ lehˬ, awˬ me‸ awˬ hponˇ uiˍ jaˇ ve awˬ hkʼaw lo tawˆ la ve yoˬ. Oˇ htaˇ, Moˉseˍ ve mehˆ hpfuhˇ lo ba tawˆ la chehˇ ve awˬ me‸ awˬ hponˇ lehˬ, shaˬ te shaˬ mehˉ kʼai chehˇ ve htawˇ, Iˉsaˍreˍlaˆ chaw hui yawˇ ve mehˆ hpfuhˇ hta‸ nyi maˇ hpeh‸ htaˇ hkʼa gaˬ awˬ me‸ awˬ hponˇ ba tawˆ la ve yoˬ. 8Hkʼe te kʼo, Awˬ ha hpu hta‸ caˉ da‸ ve awˬ liˇ lehˬ, chi a‸ kehˉ leuˉ leh awˬ me‸ awˬ hponˇ hkʼaˬ ma uiˍ tuˬ ve le. 9Awˬ lawn kʼo, ciˍ yanˍ tuˬ suhˉ taˆ ve awˬ liˇ gaˬ la ve awˬ hkʼaw lo, awˬ me‸ awˬ hponˇ cawˬ ve kʼo, hteˇ ve cawˇ ve awˬ liˇ gaˬ la ve awˬ hkʼaw lo, leuˉ leh awˬ me‸ awˬ hponˇ cawˬ tuˬ yoˬ. 10Awˬ hkʼaw‸ nawˉ tawˆ la ve awˬ me‸ awˬ hponˇ lehˬ, uiˍ jaˇ da‸ jaˇ ve pa taw, awˉ lawˉ cawˬ taˍ ve awˬ me‸ awˬ hponˇ mehˉ kʼai ve yoˬ. 11Awˬ lawn kʼo, mehˉ kʼai chehˇ ve awˬ ceuˬ lehˬ, awˬ me‸ awˬ hponˇ cawˬ ve awˬ hkʼaw lo gaˬ la ve kʼo, yeˬ chehˇ ve awˬ ceuˬ lehˬ, awˬ me‸ awˬ hponˇ leuˉ leh cawˬ ve yoˬ.
12Hkʼe te leh, ngaˬ hui dawˇ law kuiˬ chi hkʼe cawˬ ve pa taw, nyi ma ha‸ hanˉ ve awˬ hkʼaw lo ngaˬ hui hkʼa tawˍ lehˆ kʼaoˍ maˍ laˇ ve yoˬ. 13Mehˉ kʼai chehˇ ve awˬ me‸ awˬ hponˇ hta‸ awˬ leh hkʼa gaˬ Iˉsaˍreˍlaˆ chaw teˇ hpaˍ maˇ gʼa nyi tuˬ, Moˉseˍ lehˬ yawˇ ve mehˆ hpfuhˇ hta‸ hpa beh taˍ ve yoˬ. Ya‸ hkʼaˇ, ngaˬ lehˬ oˇ hkʼe maˇ te. 14Yawˇ hui nyi ma heh leh maˇ dawˇ pawnˍ puiˉ ve pa taw, ya‸ nyi hkʼa gaˬ ka ti‸ shaˉ caˆ awˬ piˍ hta‸ yawˇ hui gʼaw ve teˇ yanˇ, beh taˍ ve hpa maˇ yehˬ baˬ sheˍ ve yoˬ. Awˬ lawn kʼo, Hkri‸ awˬ hkʼaw lo ceh tiˉ hpa oˇ ve hta‸ yehˬ baˬ hpeh‸ ve yoˬ. 15Ya‸ nyi hkʼa gaˬ, hkʼaˬ ve teˇ yanˇ maˇ kʼoˆ, Moˉseˍ ve li‸ hta‸ gʼaw ve teˇ yanˇ, yawˇ hui ve nyi ma hta‸ hpa beh taˍ sheˍ ve yoˬ. 16Ya‸ hkʼaˇ, hkʼaˬ ve teˇ yanˇ maˇ kʼoˆ, Jawˇ mawˇ Yeˍsuˆ geh hpfuhˆ kʼaw‸ la ve kʼo, beh taˍ ve hpa oˇ ve hta‸ yehˬ baˬ tuˬ yoˬ. 17Jawˇmawˇ Yeˍsuˆ lehˬ Awˬ ha hpu hpeh‸ leh, Jawˇmawˇ Yeˍsuˆ ve Awˬ ha hpu chehˇ ve teˇ kaˬ lo ponˬ ve teˇ ceuˬ cawˬ ve yoˬ. 18Ngaˬ hui hkʼa peu-eˬ lehˬ, mehˆ hpfuhˇ maˇ beh leh, mehˆ gʼeuˆ hkʼa shuˍ shuˍ Jawˇmawˇ Yeˍsuˆ ve awˬ me‸ awˬ hponˇ hta‸ ngaˬ hui kʼaw‸ ba piˇ chehˇ ve yoˬ. Awˬ ha hpu hpeh‸ ve Jawˇmawˇ Yeˍsuˆ hta‸ pa taw, ngaˬ hui lehˬ awˬ me‸ awˬ hponˇ shaˬ te shaˬ maˇ la leh yawˇ hkʼe hpeh‸ la chehˇ ve yoˬ.
Currently Selected:
2 Kawˇrenˍhtuˆ li‸ 3: LHBE
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
2 Kawˇrenˍhtuˆ li‸ 3
3
Ka ti‸ shaˉ caˆ awˬ suhˉ awˬ pon kanˉ te ve
1Ngaˬ hui lehˬ, ngaˬ hui awˬ to awˬ pon shaˉ hkiˆ kʼaw‸ hkanˍ ve teˇ ceuˬ hta‸ te ve laˇ. Maˇ heˆ kʼo, chaw teˇ hpaˍ hpaˍ hkʼa shuˍ shuˍ nawˬ hui awˬ pon shaˉ hkiˆ hkanˍ ve li‸ bvuh‸ laˇ tuˬ maˇ kʼoˆ, nawˬ hui geh shaˉ hkiˆ hkanˍ ve li‸ hta‸ gʼa tuˬ maˇ kʼoˆ, ngaˬ hui loˍ ve laˇ. 2Nawˬ hui lehˬ ngaˬ hui ve shaˉ hkiˆ hkanˍ ve li‸ hpeh‸ ve yoˬ. Li‸ chi lehˬ, ngaˬ hui ve nyi ma shiˍ awˬ hkʼoˆ lo bvuh‸ taˍ leh, chaw hkʼa peu-eˬ shiˍ leh gʼaw gʼa ve li‸ hpeh‸ ve yoˬ. 3Nawˬ hui lehˬ, Hkri‸ ngaˬ hui hta‸ cuˇ leh bvuh‸ taˍ ve li‸ hpeh‸ ve hta‸ hkʼa tawˍ lehˆ hpeu‸ maˍ ve yoˬ. Naˬ meu‸ gʼuiˬ bvuh‸ taˍ ve li‸ hpeh‸ ve maˇ heˆ. Haˉ pui baˉ awˬ hkʼoˆ bvuh‸ taˍ ve ka‸ maˇ heˆ. Te‸ chehˇ ve Gʼuiˬsha ve Awˬ ha hpu lehˬ, chaw yaˇ ve nyi ma awˬ hkʼoˆ hta‸ bvuh‸ taˍ ve li‸ hpeh‸ ve yoˬ.
4Gʼuiˬsha mehˆ gʼuˇ suhˍ Hkri‸ awˬ hkʼaw lo ngaˬ hui chi hkʼe yonˍ tehˬ ve yoˬ. 5Ngaˬ hui lehˬ, ngaˬ hui ve awˬ gʼaˇ hta‸ cuˇ leh teˇ ceuˬ ceuˬ te hpeh‸ ve hta‸ kʼoˆ ve maˇ heˆ. Gʼuiˬsha ve awˬ gʼaˇ hta‸ ceh tiˉ ngaˬ hui cuˇ ve yoˬ. 6Ka ti‸ shaˉ caˆ awˬ suhˉ awˬ pon kanˉ te puiˉ te gʼa tuˬ, Gʼuiˬsha ngaˬ hui hta‸ awˬ gʼaˇ awˬ shaˉ leh cuˇ yiˍ maˍ yiˍ pe‸ laˇ ve yoˬ. Ka ti‸ shaˉ caˆ chi ve lehˬ, li‸ mehˆ hta‸ caˉ da‸ ve maˇ heˆ. Awˬ ha hpu hta‸ caˉ da‸ ve yoˬ. Awˬ lawn kʼo, li‸ mehˆ lehˬ tiˇ pehˍ shehˍ hpaˇ hpeh‸ ve yoˬ. Ya‸ hkʼaˇ, Awˬ ha hpu lehˬ co ha te‸ la piˇ shehˍ hpaˇ hpeh‸ ve yoˬ.
7Haˉ pui baˉ awˬ hkʼoˆ hta‸ htawˆ bvuh‸ taˍ ve, suh piˇ lawˬ puiˉ ve awˬ liˇ lehˬ, awˬ me‸ awˬ hponˇ uiˍ jaˇ ve awˬ hkʼaw lo tawˆ la ve yoˬ. Oˇ htaˇ, Moˉseˍ ve mehˆ hpfuhˇ lo ba tawˆ la chehˇ ve awˬ me‸ awˬ hponˇ lehˬ, shaˬ te shaˬ mehˉ kʼai chehˇ ve htawˇ, Iˉsaˍreˍlaˆ chaw hui yawˇ ve mehˆ hpfuhˇ hta‸ nyi maˇ hpeh‸ htaˇ hkʼa gaˬ awˬ me‸ awˬ hponˇ ba tawˆ la ve yoˬ. 8Hkʼe te kʼo, Awˬ ha hpu hta‸ caˉ da‸ ve awˬ liˇ lehˬ, chi a‸ kehˉ leuˉ leh awˬ me‸ awˬ hponˇ hkʼaˬ ma uiˍ tuˬ ve le. 9Awˬ lawn kʼo, ciˍ yanˍ tuˬ suhˉ taˆ ve awˬ liˇ gaˬ la ve awˬ hkʼaw lo, awˬ me‸ awˬ hponˇ cawˬ ve kʼo, hteˇ ve cawˇ ve awˬ liˇ gaˬ la ve awˬ hkʼaw lo, leuˉ leh awˬ me‸ awˬ hponˇ cawˬ tuˬ yoˬ. 10Awˬ hkʼaw‸ nawˉ tawˆ la ve awˬ me‸ awˬ hponˇ lehˬ, uiˍ jaˇ da‸ jaˇ ve pa taw, awˉ lawˉ cawˬ taˍ ve awˬ me‸ awˬ hponˇ mehˉ kʼai ve yoˬ. 11Awˬ lawn kʼo, mehˉ kʼai chehˇ ve awˬ ceuˬ lehˬ, awˬ me‸ awˬ hponˇ cawˬ ve awˬ hkʼaw lo gaˬ la ve kʼo, yeˬ chehˇ ve awˬ ceuˬ lehˬ, awˬ me‸ awˬ hponˇ leuˉ leh cawˬ ve yoˬ.
12Hkʼe te leh, ngaˬ hui dawˇ law kuiˬ chi hkʼe cawˬ ve pa taw, nyi ma ha‸ hanˉ ve awˬ hkʼaw lo ngaˬ hui hkʼa tawˍ lehˆ kʼaoˍ maˍ laˇ ve yoˬ. 13Mehˉ kʼai chehˇ ve awˬ me‸ awˬ hponˇ hta‸ awˬ leh hkʼa gaˬ Iˉsaˍreˍlaˆ chaw teˇ hpaˍ maˇ gʼa nyi tuˬ, Moˉseˍ lehˬ yawˇ ve mehˆ hpfuhˇ hta‸ hpa beh taˍ ve yoˬ. Ya‸ hkʼaˇ, ngaˬ lehˬ oˇ hkʼe maˇ te. 14Yawˇ hui nyi ma heh leh maˇ dawˇ pawnˍ puiˉ ve pa taw, ya‸ nyi hkʼa gaˬ ka ti‸ shaˉ caˆ awˬ piˍ hta‸ yawˇ hui gʼaw ve teˇ yanˇ, beh taˍ ve hpa maˇ yehˬ baˬ sheˍ ve yoˬ. Awˬ lawn kʼo, Hkri‸ awˬ hkʼaw lo ceh tiˉ hpa oˇ ve hta‸ yehˬ baˬ hpeh‸ ve yoˬ. 15Ya‸ nyi hkʼa gaˬ, hkʼaˬ ve teˇ yanˇ maˇ kʼoˆ, Moˉseˍ ve li‸ hta‸ gʼaw ve teˇ yanˇ, yawˇ hui ve nyi ma hta‸ hpa beh taˍ sheˍ ve yoˬ. 16Ya‸ hkʼaˇ, hkʼaˬ ve teˇ yanˇ maˇ kʼoˆ, Jawˇ mawˇ Yeˍsuˆ geh hpfuhˆ kʼaw‸ la ve kʼo, beh taˍ ve hpa oˇ ve hta‸ yehˬ baˬ tuˬ yoˬ. 17Jawˇmawˇ Yeˍsuˆ lehˬ Awˬ ha hpu hpeh‸ leh, Jawˇmawˇ Yeˍsuˆ ve Awˬ ha hpu chehˇ ve teˇ kaˬ lo ponˬ ve teˇ ceuˬ cawˬ ve yoˬ. 18Ngaˬ hui hkʼa peu-eˬ lehˬ, mehˆ hpfuhˇ maˇ beh leh, mehˆ gʼeuˆ hkʼa shuˍ shuˍ Jawˇmawˇ Yeˍsuˆ ve awˬ me‸ awˬ hponˇ hta‸ ngaˬ hui kʼaw‸ ba piˇ chehˇ ve yoˬ. Awˬ ha hpu hpeh‸ ve Jawˇmawˇ Yeˍsuˆ hta‸ pa taw, ngaˬ hui lehˬ awˬ me‸ awˬ hponˇ shaˬ te shaˬ maˇ la leh yawˇ hkʼe hpeh‸ la chehˇ ve yoˬ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.