2 Kawˇrenˍhtuˆ li‸ 2
2
1Dawˇ haˍ ve awˬ hkʼaw lo ngaˬ nawˬ hui geh maˇ kʼaw‸ laˬ teh‸, ngaˬ dawˇ cheˆ taˍ peuˬ. 2Awˬ lawn kʼo, ngaˬ nawˬ hui hta‸ dawˇ haˍ piˇ lawˬ ve kʼo, a shu ngaˬ hta‸ ha lehˬ piˇ lawˬ tuˬ le. Ngaˬ dawˇ haˍ piˇ lawˬ ve chaw ceh tiˉ ngaˬ hta‸ ha lehˬ piˇ lawˬ hpeh‸ ve yoˬ. 3Chi hkʼoˆ ka‸ ngaˬ ha lehˬ ve teˇ ceuˬ lehˬ, nawˬ hui hkʼa peu-eˬ awˬ pon ha lehˬ ve teˇ ceuˬ hpeh‸ ve yoˬ teh‸, nawˬ hui hkʼa peu-eˬ nyi ma cawˬ ve hta‸ ngaˬ shiˍ ve pa taw, ngaˬ gaˬ la ve teˇ yanˇ, ngaˬ hta‸ ha lehˬ piˇ lawˬ cawˇ ve chaw hui lehˬ ngaˬ hta‸ maˇ gʼa dawˇ haˍ piˇ lawˬ tuˬ, ngaˬ nawˬ hui hta‸ li‸ bvuh‸ laˇ peuˬ ve yoˬ. 4Awˬ lawn kʼo, tu‸ ve hkanˍ ve, nyi ma dawˇ haˍ jaˇ ve leh, mehˆ gʼuiˬ maˇ maˇ ya‸ la ve awˬ hkʼaw lo ngaˬ nawˬ hui hta‸ li‸ bvuh‸ laˇ peuˬ ve yoˬ. Nawˬ hui gʼa dawˇ haˍ tuˬ awˬ pon maˇ heˆ. Ngaˬ nawˬ hui hta‸ hkʼaˬ ma ha‸ jaˇ ve nawˬ hui shiˍ tuˬ awˬ pon ngaˬ li‸ bvuh‸ laˇ ve yoˬ.
Te ya‸ shehˍ hpaˇ hta‸ venˇbaˆ hpehˇ piˇ ve
5Chaw teˇ gʼaˇ gʼaˇ, yawˇ shu hta‸ dawˇ haˍ piˇ lawˬ ve kʼo, ngaˬ hta‸ dawˇ haˍ piˇ lawˬ ve maˇ heˆ. Nawˬ hui hkʼa peu-eˬ hta‸ hkʼa cawˇ cawˇ dawˇ haˍ piˇ lawˬ ve yoˬ. (Ngaˬ chi hkʼe kʼoˆ ve lehˬ kʼoˆ ponˬ kʼoˆ leuˉ ve teˇ ceuˬ ngaˬ maˇ te gaˇ.) 6Oˇ hkʼe ve chaw hta‸ nawˬ hui maˇ-awˍ ve chi hkʼe ciˍ yanˍ piˇ ve lehˬ law‸ peuˬ. 7Dawˇ haˍ jaˇ ve awˬ hkʼaw lo yawˇ maˇ gʼa gaˬ tuˬ, yawˇ ve venˇbaˆ hta‸ hpehˇ piˇ cawˇ leh, yawˇ hta‸ kʼaw‸ dawˇ sha la piˇ cawˇ ve yoˬ. 8Hkʼe te leh, nawˬ hui yawˇ hta‸ awˬ tehˬ awˬ na ha‸ ve yoˬ teh‸ hkʼa deh‸ shiˍ piˇ tuˬ ngaˬ nawˬ hui hta‸ lawˬ hkawˉ ve yoˬ. 9Chi hkʼoˆ ka‸, teˇ ceuˬ le le awˬ hkʼaw lo nawˬ hui na yuˬ chehˇ ve leh naˍ teh‸ ngaˬ gʼa shiˍ tuˬ, nawˬ hui hta‸ lawˇ nyi ve awˬ hkʼaw lo ngaˬ li‸ bvuh‸ laˇ peuˬ ve yoˬ. 10Chaw teˇ gʼaˇ gʼaˇ ve venˇbaˆ hta‸ nawˬ hui hpehˇ piˇ ve kʼo, ngaˬ htawˇ yawˇ ve venˇbaˆ hta‸ hpehˇ piˇ ve yoˬ. Awˬ lawn kʼo, venˇbaˆ teˇ ceuˬ ceuˬ hta‸ ngaˬ hpehˇ hkʼa ve kʼo, nawˬ hui awˬ pon Hkri‸ mehˆ gʼuˇ suhˍ ngaˬ hpehˇ hkʼa ve yoˬ. 11Hkʼe maˇ heˆ kʼo, Saˍtanˍ lehˬ ngaˬ hui hta‸ gʼaˇ tuˬ yoˬ. Awˬ lawn kʼo, yawˇ ve dawˇ hkʼaˇ hta‸ ngaˬ hui shiˍ taˍ ve yoˬ.
Taˍroˇaˆ venˇ hkʼaw Pawˇlu‸ nyi ma maˇ sha ve
12Chi hkʼoˆ ka‸, Hkri‸ ve ha lehˬ ve bon hkawˇ maˍ piˇ tuˬ Taˍroˇaˆ venˇ lo ngaˬ gaˬ ve teˇ yanˇ, Jawˇmawˇ Gʼuiˬsha ngaˬ awˬ pon yehˬ miˉ hpaw laˇ ve yoˬ. 13Ya‸ hkʼaˇ, ngaˬ ve awˬ nyi paˍ Tiˇtuˆ hta‸ maˇ gʼa mawˬ ve pa taw, ngaˬ nyi ma maˇ sha ve yoˬ. Hkʼe te leh, ngaˬ Taˍroˇaˆ chaw teˇ hpaˍ hta‸ hpaˆ da‸ taˉ leh, Maˍkeˍdawˇniˆ mvuhˇmiˬ lo kʼai ve yoˬ.
Hkri‸ awˬ hkʼaw lo gʼaˇ shehˍ hpaˇ hpeh‸ ve
14Ya‸ hkʼaˇ, ngaˬ hui Gʼuiˬsha hta‸ chiˇ mvuh ve yoˬ. Ngaˬ hui gʼaˇ shehˍ hpaˇ hpeh‸ la tuˬ, Hkri‸ awˬ hkʼaw lo yawˇ ngaˬ hui hta‸ hkʼaˬ htaˆ ka‸ sheh kʼai laˇ leh, shu yawˇ hta‸ gʼa shiˍ tuˬ ve awˬ shaˉ hawnˉve teˇ ceuˬ teˇ kaˬ le le lo zuhˇ kʼai piˇ lawˬ tuˬ, yawˇ ngaˬ hui hta‸ cuˇ chehˇ ve yoˬ. 15Awˬ lawn kʼo, ngaˬ hui lehˬ htaiˍ hkʼaw‸ ve hta‸ gʼa ve chaw hui awˬ hkʼaw lo maˇ kʼoˆ, luˬ kʼai sheˆ kʼai chehˇ ve chaw teˇ hpaˍ awˬ hkʼaw lo maˇ kʼoˆ, Gʼuiˬsha mehˆ gʼuˇ suhˍ Hkri‸ ve awˬ shaˉ hawnˉ ve teˇ ceuˬ hpeh‸ ve yoˬ. 16Luˬ kʼai sheˆ kʼai chehˇ ve chaw hui awˬ pon, suh htaˇ hkʼa gaˬ suh ve awˬ shaˉ hpeh‸ leh, htaiˍ hkʼaw‸ ve hta‸ gʼa ve chaw hui awˬ pon co ha te‸ htaˇ hkʼa gaˬ te‸ ve awˬ shaˉ hpeh‸ ve yoˬ. Chi teˇ hpaˍ hta‸ a shu teˇ gʼaˇ te hpeh‸ ve le. 17Chaw laiˉ gʼaˇ Gʼuiˬsha ve tawˇ hkawˇ maˍ piˇ ve teˇ yanˇ, awˬ yawˬ gʼa tuˬ laiˉ ceuˬ hkaw‸ da‸ leh maˍ piˇ ve yoˬ. Ngaˬ hui lehˬ, oˇ hkʼe ve chaw hpeh‸ ve maˇ heˆ. Gʼuiˬsha maˍ tcuh laˇ ve hkʼe ceh, Gʼuiˬsha mehˆ gʼuˇ suhˍ Hkri‸ awˬ hkʼaw lo ngaˬ hui nyi ma pfuhˇ leh hteˇ lehˍ maˍ ve yoˬ.
Currently Selected:
2 Kawˇrenˍhtuˆ li‸ 2: LHBE
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
2 Kawˇrenˍhtuˆ li‸ 2
2
1Dawˇ haˍ ve awˬ hkʼaw lo ngaˬ nawˬ hui geh maˇ kʼaw‸ laˬ teh‸, ngaˬ dawˇ cheˆ taˍ peuˬ. 2Awˬ lawn kʼo, ngaˬ nawˬ hui hta‸ dawˇ haˍ piˇ lawˬ ve kʼo, a shu ngaˬ hta‸ ha lehˬ piˇ lawˬ tuˬ le. Ngaˬ dawˇ haˍ piˇ lawˬ ve chaw ceh tiˉ ngaˬ hta‸ ha lehˬ piˇ lawˬ hpeh‸ ve yoˬ. 3Chi hkʼoˆ ka‸ ngaˬ ha lehˬ ve teˇ ceuˬ lehˬ, nawˬ hui hkʼa peu-eˬ awˬ pon ha lehˬ ve teˇ ceuˬ hpeh‸ ve yoˬ teh‸, nawˬ hui hkʼa peu-eˬ nyi ma cawˬ ve hta‸ ngaˬ shiˍ ve pa taw, ngaˬ gaˬ la ve teˇ yanˇ, ngaˬ hta‸ ha lehˬ piˇ lawˬ cawˇ ve chaw hui lehˬ ngaˬ hta‸ maˇ gʼa dawˇ haˍ piˇ lawˬ tuˬ, ngaˬ nawˬ hui hta‸ li‸ bvuh‸ laˇ peuˬ ve yoˬ. 4Awˬ lawn kʼo, tu‸ ve hkanˍ ve, nyi ma dawˇ haˍ jaˇ ve leh, mehˆ gʼuiˬ maˇ maˇ ya‸ la ve awˬ hkʼaw lo ngaˬ nawˬ hui hta‸ li‸ bvuh‸ laˇ peuˬ ve yoˬ. Nawˬ hui gʼa dawˇ haˍ tuˬ awˬ pon maˇ heˆ. Ngaˬ nawˬ hui hta‸ hkʼaˬ ma ha‸ jaˇ ve nawˬ hui shiˍ tuˬ awˬ pon ngaˬ li‸ bvuh‸ laˇ ve yoˬ.
Te ya‸ shehˍ hpaˇ hta‸ venˇbaˆ hpehˇ piˇ ve
5Chaw teˇ gʼaˇ gʼaˇ, yawˇ shu hta‸ dawˇ haˍ piˇ lawˬ ve kʼo, ngaˬ hta‸ dawˇ haˍ piˇ lawˬ ve maˇ heˆ. Nawˬ hui hkʼa peu-eˬ hta‸ hkʼa cawˇ cawˇ dawˇ haˍ piˇ lawˬ ve yoˬ. (Ngaˬ chi hkʼe kʼoˆ ve lehˬ kʼoˆ ponˬ kʼoˆ leuˉ ve teˇ ceuˬ ngaˬ maˇ te gaˇ.) 6Oˇ hkʼe ve chaw hta‸ nawˬ hui maˇ-awˍ ve chi hkʼe ciˍ yanˍ piˇ ve lehˬ law‸ peuˬ. 7Dawˇ haˍ jaˇ ve awˬ hkʼaw lo yawˇ maˇ gʼa gaˬ tuˬ, yawˇ ve venˇbaˆ hta‸ hpehˇ piˇ cawˇ leh, yawˇ hta‸ kʼaw‸ dawˇ sha la piˇ cawˇ ve yoˬ. 8Hkʼe te leh, nawˬ hui yawˇ hta‸ awˬ tehˬ awˬ na ha‸ ve yoˬ teh‸ hkʼa deh‸ shiˍ piˇ tuˬ ngaˬ nawˬ hui hta‸ lawˬ hkawˉ ve yoˬ. 9Chi hkʼoˆ ka‸, teˇ ceuˬ le le awˬ hkʼaw lo nawˬ hui na yuˬ chehˇ ve leh naˍ teh‸ ngaˬ gʼa shiˍ tuˬ, nawˬ hui hta‸ lawˇ nyi ve awˬ hkʼaw lo ngaˬ li‸ bvuh‸ laˇ peuˬ ve yoˬ. 10Chaw teˇ gʼaˇ gʼaˇ ve venˇbaˆ hta‸ nawˬ hui hpehˇ piˇ ve kʼo, ngaˬ htawˇ yawˇ ve venˇbaˆ hta‸ hpehˇ piˇ ve yoˬ. Awˬ lawn kʼo, venˇbaˆ teˇ ceuˬ ceuˬ hta‸ ngaˬ hpehˇ hkʼa ve kʼo, nawˬ hui awˬ pon Hkri‸ mehˆ gʼuˇ suhˍ ngaˬ hpehˇ hkʼa ve yoˬ. 11Hkʼe maˇ heˆ kʼo, Saˍtanˍ lehˬ ngaˬ hui hta‸ gʼaˇ tuˬ yoˬ. Awˬ lawn kʼo, yawˇ ve dawˇ hkʼaˇ hta‸ ngaˬ hui shiˍ taˍ ve yoˬ.
Taˍroˇaˆ venˇ hkʼaw Pawˇlu‸ nyi ma maˇ sha ve
12Chi hkʼoˆ ka‸, Hkri‸ ve ha lehˬ ve bon hkawˇ maˍ piˇ tuˬ Taˍroˇaˆ venˇ lo ngaˬ gaˬ ve teˇ yanˇ, Jawˇmawˇ Gʼuiˬsha ngaˬ awˬ pon yehˬ miˉ hpaw laˇ ve yoˬ. 13Ya‸ hkʼaˇ, ngaˬ ve awˬ nyi paˍ Tiˇtuˆ hta‸ maˇ gʼa mawˬ ve pa taw, ngaˬ nyi ma maˇ sha ve yoˬ. Hkʼe te leh, ngaˬ Taˍroˇaˆ chaw teˇ hpaˍ hta‸ hpaˆ da‸ taˉ leh, Maˍkeˍdawˇniˆ mvuhˇmiˬ lo kʼai ve yoˬ.
Hkri‸ awˬ hkʼaw lo gʼaˇ shehˍ hpaˇ hpeh‸ ve
14Ya‸ hkʼaˇ, ngaˬ hui Gʼuiˬsha hta‸ chiˇ mvuh ve yoˬ. Ngaˬ hui gʼaˇ shehˍ hpaˇ hpeh‸ la tuˬ, Hkri‸ awˬ hkʼaw lo yawˇ ngaˬ hui hta‸ hkʼaˬ htaˆ ka‸ sheh kʼai laˇ leh, shu yawˇ hta‸ gʼa shiˍ tuˬ ve awˬ shaˉ hawnˉve teˇ ceuˬ teˇ kaˬ le le lo zuhˇ kʼai piˇ lawˬ tuˬ, yawˇ ngaˬ hui hta‸ cuˇ chehˇ ve yoˬ. 15Awˬ lawn kʼo, ngaˬ hui lehˬ htaiˍ hkʼaw‸ ve hta‸ gʼa ve chaw hui awˬ hkʼaw lo maˇ kʼoˆ, luˬ kʼai sheˆ kʼai chehˇ ve chaw teˇ hpaˍ awˬ hkʼaw lo maˇ kʼoˆ, Gʼuiˬsha mehˆ gʼuˇ suhˍ Hkri‸ ve awˬ shaˉ hawnˉ ve teˇ ceuˬ hpeh‸ ve yoˬ. 16Luˬ kʼai sheˆ kʼai chehˇ ve chaw hui awˬ pon, suh htaˇ hkʼa gaˬ suh ve awˬ shaˉ hpeh‸ leh, htaiˍ hkʼaw‸ ve hta‸ gʼa ve chaw hui awˬ pon co ha te‸ htaˇ hkʼa gaˬ te‸ ve awˬ shaˉ hpeh‸ ve yoˬ. Chi teˇ hpaˍ hta‸ a shu teˇ gʼaˇ te hpeh‸ ve le. 17Chaw laiˉ gʼaˇ Gʼuiˬsha ve tawˇ hkawˇ maˍ piˇ ve teˇ yanˇ, awˬ yawˬ gʼa tuˬ laiˉ ceuˬ hkaw‸ da‸ leh maˍ piˇ ve yoˬ. Ngaˬ hui lehˬ, oˇ hkʼe ve chaw hpeh‸ ve maˇ heˆ. Gʼuiˬsha maˍ tcuh laˇ ve hkʼe ceh, Gʼuiˬsha mehˆ gʼuˇ suhˍ Hkri‸ awˬ hkʼaw lo ngaˬ hui nyi ma pfuhˇ leh hteˇ lehˍ maˍ ve yoˬ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.