Taitasi 1
1
1Ndime Paulu musebezhi waka Leza mutumwa waka Jeso Kilisito. Ndakasalilwa kuzumya lushomo lwabasale baka Leza ukubasolelela mu lushinizho lweelele kubatola ku bumi bubotezha Leza. 2Ceci cili abulanjizhi bwa bumi butamana bobo mbwaakashomezha kale-kale Leza uutabeyi. 3Ubobo muciindi ceelele waka cizubulula ceci cishomezho mu mazwi akwe. Inzho ume ndakambauka aza mazwi mbuli mbundakatumwa u kulaililwa kwa Leza Mufwutuli wesu.
4 #
2 Bako 8:23; Bag 2:3; 2 Tim 4:10 Ndakulembela Taitasi u mwanangu mwini mwini mu lushomo ndutukwete.
Leza Taata u Kilisito Jeso Mufwutuli wesu bakufwile luse u kukupa luumuno.
Milimo yaka Taitasi ku Kiliti
5Ndakakushiya ku Kiliti kwaamba ubambulule shoonse shitali kabotu u kusala bakando ba shikombelo u minzhi yoonse mbubona mbundakakulailila. 6#1 Tim 3:2-7Mukando wambungano abe muntu wiina kampenda, utwele mukaintu womwi bulyo. Banakwe baakuli bashomi, batali balwati na bapapyu. 7Mweendelezhi mbwaali mubanzhi wa Leza, ulyeelele kubula kampenda. Teelele kuba shilusunsu na ufwambaana kulemana, teelele kuba cakolwa, na shimanyongwe, naa kuzandisha impindu. 8Ulyeelele kuba muntu utacimwa beenzu, uzandisha kucita shibotu, ushicamba, ululeme, usalala, shikulikwata. 9Ulyeelele kwaakwatisha cini cini makani a lushinizho mbubona mbuli mbwiibele injiisho, kwaamba acikonzhe kupa malaile a luleme u kwaamba akonzhe kubazunda babo bashikazha.
10Nkaambo nkubali bantu banji banji bayina bubule, u baamba mazwi a bulyo alucengo, kwaambisha ba Juda babo basanduka kuba Bakilisito.#1:10 Nkaambo kakuti ba Juda kabali bapalule, ubobo kaabazanda boonse bantu kwaamba bapalulwe 11Kukambauka kwa baba bantu kulyeelele kuleshewa, nkaambo balanyonganya mikwashi kwiita mu kuyiisha injiisho shakuzanda kuhubila ngawo. 12Umwi mushinshimi wabo beni wakaamba ati, “Bakiliti lyoonse mbabeshi, mbabiyabi ukoya banyama, mbakata ulimwi mbalyato.” 13Azo makani meni meni. Ubobo ubatapatile ca nsana kwaamba bazume mu lushomo, 14kutali bulyo kuteelela twaano u tunshiyanshiya twaba Juda u milawo ya bantu bakaka sha lushinizho. 15Ku basalali shoonse shintu shilasalala, pele ku bantu basofweele batashomi, kwiina cintu cisalala niciba comwi pe, nkaambo mizeezo yabo u manjezheezha abo alisofweele. 16Balaamba ati balimwizhi Leza bamana balamutama kwiita u milimo yabo. Mbantu basesemya, batateeleli, batalozha kucita milimo mibotu niiba buti.
Currently Selected:
Taitasi 1: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.