Taitasi 2
2
Injiisho Iluleme
1Pele uwe ulyeelele kuyiisha injiisho ya lushinizho iluleme. 2Kubalailila bakando kwaamba babe bantu bashitikile, balikwata ulimwi babe bantu baluleme mu lushomo u mu lufwuno u mulukakatilo. 3Abo bacembele mbubona bakwate bumi bubotezha Leza bwa bulemu, bataakutamikizhanya, ulimwi batabi bazhice kuli shikola. Pele balyeelele bulyo kuyiisha shiluleme, 4kwaamba ba bayiishe bakaintu bacili bana kufwuna balumyaabo u kufwuna banabo, 5balikwate ku shintu shoonse u kusalala, kwaamba ati baakusebeza kabotu umaanda abo, baakusamauka u kuteelela balumyaabo kwaamba ati makani a Leza atasampaulwa.
6Abo balombwana bacili bana babulwe mbubona kwaamba babe bantu batelekele. 7Litondezhe kuba muntu ucita milimo mibotu, ubobo mu kuyiisha kwako kutondezha bululami u bulemu. 8Ulyeelele kwaamba mazwi mabotu ayina butongo kwaamba wezo u kukazha ause insoni, abule u bubiyabi mbwaakonzha kutwaamba.
9Ulimwi balaililishe babo bazhice kwaamba baakulibonzha kuli bashimatwangaabo mu shintu shoonse, tabeelele kulondolola 10nikuba kwiba pele balyeelele kushomeka mu shintu shoonse, ulimwi bashilemeke injiisho sha Leza Mufwutuli wesu.
11Nkaambo Leza wakaluzubulula luse lwakwe kwaamba bantu boonse bafwutulwe. 12Mu luse lwakwe ulatuyiisha kuleka kupona bumi butabotezha Leza, kwaamba tukwate bumi bwa bushicamba, bululeme bubotezha Leza ano anshi. 13Nkaambo tulalangila buzuba bulonjezhe, lelyo nibukaazubululwa bulemu bwa Leza mukando u Mufwutuli wesu Jeso Kilisito. 14#Inte 130:8; Kul 19:5; Ciz 4:20; 7:6; 14:2; 1 Pita 2:9Walo wakalyaaba kwaamba atununune ku bubiyabi boonse u kutusalazha kwaamba tube bantu bakwe bazanda kucita milimo mibotu.
15Sheshi nshuuyelele ku bayiisha u kubazumya zumya u kubalemanina. Kutabi muntu ukunyansha pe.
Currently Selected:
Taitasi 2: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.