Cizubuluzho BUPANDULUZHI
BUPANDULUZHI
Ibuka lya Cizubuluzho ndibuka lyamamanino mu Cipangano Cipiya ulimwi ndilyakashaalila kulembwa kumabuka oonse ali mu Cipangano Cipiya. Lyakalembwa mu mwaka wa 95 AD, u Johani mutumwa (Cizubuluzho 1:1). Nguwena Johani nguwakalemba Makani Mabotu aka Johani ulimwi u maŋwalu otatwe, Johani wakutaanguna u Johani wabili ulimwi u Johani watatu. Johani wezu nguwena nguutewa ati, “Ngwaakakufwinishi Jeso.” (Johani 13:23). Ibuka leli lya Cizubuluzho wakalilemba ciindi naakaakuli mu cilwa ca Potimasi, nkaambo kakambauka Makani Mabotu aka Jeso Kilisito (Cizubuluzho 1:9).
Muzeezo waka Johani wakulemba ibuka leli kooli wakuzumya zumya bashomi, kwaamba bakalilile mu lushomo lwabo mwa Jeso Kilisito u kubapa bulanjizhi kaambo Jeso uli afwaafwi kushika (1:3, 22:7). Wakalembela bana Kilisito boonse, kwaambisha shikombelo shili ciloba shiyanwa mu caandaano cabili u catatu. Kulemba kwakwe Johani ulakwaamba ati ncishinshime (Cizubuluzho 1:3) ulimwi ulasebezha shifwanicisho shinji shinji kupandulula shintu nshaakabona. Leli ibuka lilakozhana u mabuka amwi a Cipangano ca Kale kale, kwaambisha Zakaliya 6:1-8. Ulimwi impeta shili ciloba, iingaba shili ciloba shilakozhana u miika yelya njakatuma Leza mu Ijipiti (Kulonga 7-9). Cizubuluzho cilaamba mamanino aciindi, kwaamba Jeso ulakazunda, u babo boonse bamushoma balakakala u Jeso shikwense u shikwense. Leli ibuka alimucenjezhe u kumupa bulanjizhi kwaamba Jeso ulazhoka ca kufwambaana.
Mitwi ya Makani
Johani wapandulula bumi bwakwe ulimwi u mbwakatambula cilenge ca shishinshime 1:1—1:20.
Watuma milumbe kuhwa kwa Jeso kuya ku shikombelo shili ciloba 2:1—3:22.
Wapandulula shikanto shili ciloba 4:1—8:1.
Ulimwi iimpeta shili ciloba 8:2—11:19.
Johani wapandulula shakulwa kwa mwana mulombwana u cizoka ca mitwi iili ciloba. 12:1—14:20.
Johani walemba shangaba shili ciloba shabukali bwa Leza 15:1—16:21.
Johani wapandulula mbuli Leza mbwaazunda ba shinkondonina kwizeulu 17:1—20:15.
Johani wapandulula shezeulu ipiya inshi impiya shikaazhiza ku mamanino 21:1—22:21.
Currently Selected:
Cizubuluzho BUPANDULUZHI: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.