Cizubuluzho 2
2
Luŋwalu Lwakalembelwa Cikombelo caku Efeso
1“Ukwa anjelo wa cikombelo caku Efeso lemba ati:
“Ngaaza makani ngaamba wezo ukwete intongwezhi shili ciloba mwitashi lyakwe lya cilyo, ukweenda akati kashikalilo shamalambe a goludi shili ciloba. 2Ulaamba ati, ndiizhi milimo yako, ukusebeza kwako ulimwi ndizhi mbuli mbuukakatila. Kwamana ndizhi mbuutakonzha kubalanga bulyo ba shishibi. Babo balyaamba ati mbatumwa, wasola kubasunka ukubayana ati mbabeshi. 3Ndizhi kwaamba ati ulakakatila, ukupenga ukaambo kangu, nikuba bobo wiina nuufwa bulenga. 4Pele ulikwete kaambo kwangu, kakuti, tunfwini mbuli mbuwakaakunfwini ku makancilo.
5“Inzho zhibaluka mbuwakaakubele kutana kuwa! Ulyeelele kusanduka u kucita milimo yezho njiwakaakucita akutaanguna. Kuti naa tubeba, ndeza kwaamba nkushe cikalilo ce lambe lyako mu busena bwaco, cita ubebe. 6Pele cibotu cili mwako nciceci, uliiswile milimo ya Nikolaitanisi, njinswile ame.
7 #
Mata 2:9; Cizu 22:2;
Eze 28:13; 31:8 “Wezo ukwete matwi, ateelele shesho Moza nshaamba ku cikombelo!
“Wezo uzanda ndakamuhuminya kulya micelo yacisamu ca bumi cili mukati kabusena busalala bwa Leza.
Luŋwalu Lwakalembelwa Cikombelo caku Similina
8 #
Aiz 44:6; 48:12; Cizu 1:17; 22:13 “Ulimwi ukwa anjelo waku cikombelo caku Similina lemba, ‘mazwi akwe, wamakancilo u wamamanino, wezo wakaakufwile pele inzho mumi. 9“Ndyeezhi mapenzhi ako mbwaabele, ubupushi bwako, nikuba bobo uli muhubi. Ulimwi ndizhi mbubakulengelela babo balyaamba kuti mba Juda nikuba bobo mbacikombelo ca Shaatani. 10Utaatiyi mapenzhi akaakushicila. Cenjela! Shilucengo ulakawaala bamwi benu muntolongo kwaamba amusukushe. Ulimwi kwa mazuba ali ikumi mulakaakuli mu mapenzhi makando. Shomeka mpaka kushicila ku lufwu, ndakakupa mushini wa bumi. 11#Cizu 20:14; 21:8Pele wezo ukwete matwi, naateelele Moza ncaamba ku shikombelo! Wezo uzunda, lufwu lwabili talukamukwati pe.
Luŋwalu Lwakalembelwa Imbungano ya Pegamumu
12“Ulimwi kwa anjelo waku cikombelo ca Pegamumu lemba bolya:
“Ngaaza makani aamba wezo ukwete iceba lilampa koonse koonse. 13Ndikwizhi nkuukala, ulakala koko Shaatani nkwaayendelezha. Pele ulashomeka kwangu, ulimwi wiina nuukaatama lushomo lolo nduukwete mwangu, nikuba ciindi celya Antipasi kamboni wangu ushomeka nakayayiwa koko kukala Shaatani. 14#Mye 22:5, 7; 31:16; Ciz 23:4; Mye 25:1-3Pele ndikwete matongaushi amwi kwako. Nkubali bamwi benu bacilila kuyiisha kwa Balaamu, wezo wakayiisha Balaki kwaamba afwumpuzhe bantu ba Izilaili ciindi naakaboonjelezha kwaamba balye shilyo shakapaizhiwa ku mizhimu u kucita bumambe. 15Ubobo aze ulikwete bantu babo bacilila kuyiisha kwa Nikolayitanisi. 16Inzho beba, na kuti utaciti bobo, ndakeza koko nkuubele ca kufwambaana kwaamba nkabalwishe babo iiceba lihwa mu mulomo wangu.
17 #
Kul 16:14, 15; 16:33, 34; Joh 6:48-50;
Aiz 62:2; 65:15 “Wezo ukwete matwi, naateelele ceco Moza ncaambila cikombelo!
“Wezo uzunda ndakamupa Mana maseseke kwaamba alye, ulimwi ndakamupa ibwe lituba, ebwe lelyo alilembelwe izhina ipiya uliina uzhi, cita bulyo wezo ulitambula.
Luŋwalu Lwakalembelwa Cikombelo ca Tiyatila
18“Kwa anjelo waku Tiyatila lemba ati:
“Ngaaza makani ngaamba Mwanaa Leza wezo ukwete menso aahwilima ukoya mulilo, shifwumba shakwe shilabeka ukoya lubulo lwa mukuba lushobole. 19Ulaamba ati, ndiizhi milimo yako yoonse mbwiibele. Ndilwizhi lufwuno lwako, kusebeza kwako, ukukakatila kwako. Ndizhi kwaamba milimo yako ilabaala ali yakutaanguna. 20#1 Bami 16:31; 2 Bami 9:22, 30Pele nikuba bobo ndakutongaucila, nkaambo wakahuminya Jezebelo mukaintu ulyaamba ati mushinshimi wa Leza, ulimwi ulayiisha ukushinikizha batwanga bangu kucita bumambe ukulya shilyo shipaizhiwa ku mizhimu. 21Ndakamupa ciindi cakubeba, pele ulakaka kusanduka, ukuleka bumambe bwakwe. 22Inzho ndakamufwusila abulo bwakwe kwaamba asate, ulimwi u babo mbucakaakucita abo bumambe ndakabanjizha mu mapenzhi makando, cita kuti basanduke ukulilecelela ku shibi nshibakacita ku mukaintu wezo. 23#Inte 7:9; Jele 17:10; Inte 62:12Ulimwi ndakabayaya banakwe. Ndilelyo shikombelo shoonse nishikaazhiba kwaamba ume ndizhi shili mu myonzo umu matelaishi a bantu. Ubobo umwi uumwi wenu ndakamupa milimo yakwe.
24“Pele umwe nubamwi numuli mu Tiyatila, numwacilila injiisho imbiyabi sheshi, nimwatakaiya nshibaamba bamwi ati, ‘Masesece a Shaatani,’ ndaamba ati nshimuzunjilila limwi isukusho ilemu pe. 25Pele amukwatishe ceco ncimukwete kale, mpaka kushicila nkazhoce. 26#Inte 2:8, 9Kuli babo bazunda ukubamba milimo yangu mpaka ku mamanino, umwi uumwi, ndakamupa insana sha kweendelezha mishobo yoonse ya bantu. 27Ubobo ulakalela u musako walubulo. Ulakazonauna mishobo ya bantu ukoya mubumbi mbwashanauna intesho. Ndakamupa insana shakweendelezha umbona mbuli mundakapewa kwa Taata. 28Wezo uzunda, ame ndakamupa intanda.
29“Wezo ukwete matwi, naateelele shesho Moza nshaambila shikombelo!”
Currently Selected:
Cizubuluzho 2: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.