Bahibulu 2
2
Kucenjezha kwa lufwutuko lukando
1Inzho nciceco ncitweelele kupupulalisha ku makani ngutwakateelela, kwaamba tutaasanicizha. 2Nkaamba mazwi azo Leza ngakaambila ba shaakale besu kwiita mu baanjelo akalibonya ati kaali a lushinizho, u babo boonse batakaateelela ukwaahumina bakapewa cisubulo cibeelele. 3Nkaambo kuti katutabiki maanu ku lufwutuko lukando luli bolya, no tulakonzha buti kucileya cibebyo? Leza mwini nguwakataanguna kwaambilizha lufwutuko, inzho babo bakamuteelela cakaba citondezho kulyuuswe kwaamba tuzhibe ati aza ingawo makani ngakaamba. 4Ulimwi ku ciindi ceco ncicona, Leza wakazunjila bumboni bwabo, mukucita shitondezho u shintu shizoosha u maleele, u shipo sha Moza Usalala mu luzando lwakwe. 5Nkaambo takuli kunshi lya baanjelo Leza nkwaakabika bulelo bobo mbutwaamba bupiya buzhiza bwa bantu bakwe. 6#Inte 8:4-6Pele mbubona mbukulembelwe mu maŋwalu ati,
“Anu muntu ncinzhi kwako,
ngwanzhi nguukwabilila muntu bulyo?
7Nikuba kwaamba wakamucesha kubaala baanjelo kwa ciindi cishoonto bulyo,
pele inzho wamupa bulemu u bwami
8kwaamba asheendelezhe shintu shoonse.”
Inzho Leza mbwakabika shintu shoonse anshi lya muntu, nkukuti kwiina niciba comwi citali mubulelo bobo. Pele nikuba bobo shintu shoonse tashili mubulelo bwakwe. 9Pele tulabona Jeso wezo kwa ciindi cishoonto wakaakukwete cimo cili anshi kubaala caba anjelo, kwaamba mu luse lwa Leza afwile bantu boonse. Inzho wapewa mushini umweka wa bulemu bwa Leza nkaambo kepenzhi lyakwe lyakufwa. 10Kacili ceelelo kwaamba Leza wakalenga u kukwabilila shintu shoonse, amululamike Jeso, makancilo a lufwutuko kwiita mu mapenzhi kwaamba alete bana banji banji, aabane abo bulemu bwa Leza.
11Nkaambo wezo usalazha bantu kuhwa mu shibi shabo, u babo basalazhiwa balahwa kuntu komwi. Nciceco Jeso ncatausa insoni kubeta ati mbamumukwashi wakwe. 12#Inte 22:22Ulaamba ati,
“Ndakaambilizha izhina lyako ku bakwesu,
ndakakutembaula akati ka mbungano.”
13 #
Aiz 8:17;
Aiz 8:18
Ulimwi ulaamba ati, “Ndakabika lushomo lwangu mwa Leza.” Ulimwi ulaamba ati,
“Ndili ano, u bana mbaakampa Leza.”
14Inzho bana mbubali bakumubili, u Jeso wakaba muntu ukoya mbubabele. Wakacita bobo kwaamba ati, kwiita mu lufwu lwakwe akamuzonaune Shaatani uukwete insana sha lufwu. 15Mukucita bobo wakabalubula boonse babo bakaakuli bazhice mu bumi bwabo nkaambo kakutiya lufwu. 16#Aiz 41:8, 9Nkaambo cilalibonya atuba kwaamba ati tabali baanjelo mbaakezhila kuyohwa, pele wakeza kuyohwa banakwe Abulahamu. 17Ceci cilapandulula ati, wakakozhana u banina mu shiyanza shoonse, kwaamba ati abe Mupaizhi Mukando shiluse, uu manina milimo Leza cakushomeka, kwaamba shibi shabantu shilecelelwe. 18Ubobo ulakonzha kubayohwa babo basukushiwa, kaambo aze mwini lwakwe wakasukushiwa ulimwi wakapenga.
Currently Selected:
Bahibulu 2: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.