SIRAK 51
51
Sɔŋkur wen
Kɔfasɔ̧ ko Jezu bem ko Sirak
1Mi kɔ̧a̧ mɛ de osoko h’Ɛnɛ, Gasa Wan, Wannu. Mi kɔ̧a̧ mɛ gasi'Nɛ́, Sɔ̧ Wankpasa'm.
2Mi zɔn nɛ́ nin-‘Nɛ́, wen Ɛnɛ duka nɛ wi-ye-doŋ‘am, in wi-gbaka'm;
ɓɛɛ Ɛnɛ e ha̧ war tɛ‘m mɛ yɔ na. Ɛnɛ gbo'm yi pɛ́r ko o wi-kai-ndaa in yi gɔna-tɛ ko o wi-ndela.
3Ɛnɛ yee ɗoŋ am sɛn ti o wi nɛ nas'am, ɓɛɛ Ɛnɛ kpasa'm, nyɛm nɛ ɗoŋ
gasa dee-ko k’Ɛ́nɛ́ in hura nin-‘Nɛ́.
Ɛnɛ kpasa'm yi gba̧a̧-nin o wi nɛ yaa so dɔ̧ɔ̧ mɛ gur'am,
in sɛn er o wi nɛ kia so mɛ gbɛ‘m.
Ɛnɛ daka'm yi o bɔnɛ nɛtɛ nɛtɛ.
4Ɛnɛ dak am yi ŋma gbɛŋa-wee nɛ kɛra so'm,
in see ŋma wee n'am ye so na.
5Ɛnɛ dak am nɛ ye ko fio ɗɔɔ mɛ‘i;
Ɛnɛ kpasa'm tɛ ɗaŋ wen in tɛ wen-ndela,
6nɛ ɗaŋa wen tɛ‘m ti wannu.
Mi hɛɗa so fio kaɗi, ɓɛɛ naŋ-am míí so míí nu kɔ̧fio.
7Wa kɛra sɔ‘m liŋgɔm, ɓɛɛ ŋma bii-gbaka'm bó so na;
mi kii so nɛ ŋma bii mɛ gbaka'm, ɓɛɛ mi kpá na.
8Hegɔ, tɛ‘m mbaŋa ɗoŋ deako k’Ɛ́nɛ́, Gasa Wan, in gbaka bii n’Ɛnɛ gbak dika ɓee.
Ɛnɛ kpasi o wi nɛ e ta nɛ Ɛnɛ kpasi yi bɔnɛ, ɓɛɛ Ɛnɛ gboo wa er o ɗaŋwi.
9Mi dee ha̧ aia-nú kɔ‘m mɛ ɗaŋ hɔ́ tɛ-‘Nɛ́ ŋgɔn mɛ, ɓɛɛ mi kɔfa'Nɛ́ mɛ ba'm yinɛ yi fio.
10Mi kɔfi mɔ: Gasa Wan, Ɛ́nɛ́ nɛ dáà kɔ‘m; k’Ɛ́nɛ́ bɛ‘m? 3ŋ wese bɔnɛ kɔ‘m na,
ŋgimbi n'am duk yi o wi-gɔɔtɛ, ɓɛɛ wi-gbaka'm bo na.
11Mi tɛ zɔn nin-‘Nɛ́ ɓɔnsɛnɛ, mi tɛ bii gima de nɛ osoko h’Ɛ́nɛ́.
12Gasa Wan, Ɛnɛ kpɛka kɔfamɔ kɔ‘m. Ɛnɛ kpasa'm tɛ yɔa kɔ‘m,
ɓɛɛ Ɛnɛ gboo'm yinɛ tɛ ŋgaya ŋgimbi.
Nɛ́ wen mɔ‘i sa'm kɔ̧a̧ mɛ de osoko h’Ɛ́nɛ́ in mɛ gasi'Nɛ́, ɓɛɛ mi tɛ zɔn nin Gasa Wan.
Hee ge wi-yɔr kalata’ɛ kpaa ɗuka-taamɔ ge?
13Ŋgimbi n'am ɓɔna so nɛ ŋgaiwi, nɛti ha̧‘m mɛ yar nɛnɛ, mi kia ɗuka-tamɔ zaŋ kɔfasɔ̧ kɔ‘m, mi hu̧si na.
14Mi kɔfa Sɔ̧ sɛn nu Tua ko Gasa Wan wen kpaa a̧, ɓɛɛ mi tɛ kii kana a̧ hɔ nɛnɛ́ wese fio kɔ‘m.
15Ŋgimbi n'a̧-a̧ mira nɛnɛ́ hee dóte a de mɛ wai ga, mi kpaa desee wen aa.
Mi nɛ̀ɛ̀ nɔ tɛ tana war, mi ndaka pata naŋ-a̧ dika tɛ ŋgaiwi kɔ‘m.
16Yeŋa zer-am n'am yéŋa tikiɗi, mi kpaa a̧, ɓɛɛ a̧ usi mɔ ha̧‘m nɛ dɔkaa.
17Mi gasa siti wen zu a. Mi tɛ zɔn wi nɛ ha̧ɗuka-taamɔ‘i ha̧‘m,
18wen mi ee see-am ha̧‘m mɛ ba a̧ de nɛ tom. Mi ha̧ŋgai tɛ‘m lɛŋ wen dee demɔ,
ɓɛɛ mi beka nyim tɛ‘m na ndo-ndo-ndo.
19See-am gbɛŋa wen zu a, ɓɛɛ mi kasi Heembea nɛ nɔ̧aa. Mi nyɛia er-am si yiwese
ai nɛ nu'm wen o yɔɔkaya n'am dea si tɛ a̧.
20Mi zika see-am lɛŋ si tɛ a̧, mi ɗafa war tɛ‘m, ɓɛɛ mi kpa a̧.
Mi kpaa iŋamɔ wen zu a dika tɛ ku̧u̧naŋmɔ mɛ.
Kalea a'i, sa a̧ beka siŋ am pi nu na ndo-ndo-ndo.
21See-am duka tɛ a lɛ́k lɛ́k, hegɔ ɓɛɛ mi kpaa gba demɔ.
22Gasa Wan ha̧iŋa-tɔ̧ɔ̧-wen ha̧‘m nɛ oi-aa, ɓɛɛ nɛ wen'i a'm tɛ gasi nɛ A̧.
23Ɛnɛ tɛ́ pii tɛ‘m, ɛ́nɛ́ n’ɛnɛ iŋ mɔ na’ɛ, ɛnɛ tɛ̀ɛ̀ yambi ɗuka-taamɔ.
24Wen ge s’ɛnɛ tɔ̧‘e wi kpa kɔ‘i a̧ na, ɓɛɛ nɛ wɔ-a gbɛ́ nɛ ɛ́nɛ́ lɛ́k lɛ́k’ɛ ge?
25Mi tɔ̧ nɛ hee-gɛr h’ɛ́nɛ́‘e: ɛnɛ tɛ̀ɛ̀ bá sɔɔgee, bó nɛ́ nɛ sede na.
26Ɛnɛ pi kpaŋa kɔ̧-a̧ ger-‘nɛ́ h’ɛnɛ mɛ kpa usamɔ kɔ̧-a̧; a̧ dúk ka tɛ‘nɛ́ dɔŋgɔɗɔɔ.
27Ɛnɛ zɔk nɛ tɛ-‘nɛ́‘e mi zɔka bɔnɛ wen aa batɛ na; kinii mi kpaa ɔmatɛ.
28Ɛnɛ pi̧ tɛ-‘nɛ́ tɛ usa ɗuka-taamɔ, kóó nɛ hi̧faa hifi nɛ dɔka sede mbɛt;
a̧ tɛ de h’ɛ́nɛ́ mɛ kpa lɔr nɛ dɔkaa.
29Nyɛrɛ a pi̧ ‘nɛ́ wen zu deako ko Gasa Wan, ɓɛɛ ká foe de'nɛ́ tɛ zɔna A̧ na.
30Ɛnɛ kaɗi tom k’ɛ́nɛ́ nɛti ha̧ ŋgimbi-a, ɓɛɛ Gasa Wan tɛ ha̧ mɔɔ-oi-tom k’ɛ́nɛ́ h’ɛ́nɛ́ tɛ ŋgimbi n'A̧a kɔ̧a̧.
Ɗuka-taamɔ ko Jezu bem ko Sirak, nɛ́ mɔ‘i!
Currently Selected:
SIRAK 51: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.