BARUK 5
5
1Jerusalɛm, mɛ kpɔ̧i̧ laa-zim-mɔ in laa-bɔnɛ kɔ-mɛ yinɛ,
a mɛ pi̧ nɛ de gasamɔ ko Sɔ̧ tɛ mɛ́ ɓɔnsɛnɛ.
2Mɛ pi̧ gasa laa tanamɔ ko Sɔ̧ tɛ mɛ́, a mɛ kar zu-mɛ́ nɛ mɛtɛwol gasamɔ
ko Gasa Wan nɛ dúk ɓɔnsɛnɛ.
3Wen Sɔ̧ tɛ usi gasi kɔ-mɛ ha̧ o bii dam zaŋnu lɛŋ,
4ɓɛɛ nin nɛ Sɔ̧ tɛ a ha̧ mɛ wen ɓɔnsɛnɛ, nɛ́ mɔ'ɔ:
«Ga̧a̧mɔ oi deemɔ nɛ yuwar-a» in «Gasi oi zɔna Sɔ̧»
5Jerusalɛm, mɛ kur ŋgɔn, mɛ daŋ duk zu kusa fara, a mɛ kɛ̧i̧ mɔ
si daŋa wese! Mɛ zɔk o bem kɔ-mɛ, nɛ tigɛr Sa̧a̧-Wi mɔi̧a̧ lɛŋ dika ndaazan
hɔ zuzan'i, wa de nɛ nyɛŋɛ, wen tɛ-Sɔ̧ mbaŋa ɗoŋ wa.
6Wa gboa tɛ kɔ-mɛ nɛ naŋ; nɛ́ o wisɛn a kaia so wa, ɓɛɛ nɛ́ Sɔ̧ a fo wa
ŋgan nɛ mɔ piinɛ ɗoŋ ha̧ mɛ, heé o be-wan ga'i.
7Wen, Sɔ̧ ha̧nú ha̧ o kusa kaya in o dura zutɔ̧ lɛŋ mɛ hir.
A̧ duna o gboŋgo lɛŋ ha̧ nù mɛ nyɛm ŋmaa ɗɛrɛŋ, wen ha̧ Israɛl mɛ nɛ zaŋ ga̧a̧mɔ, ɗɔɔ gasamɔ ko Sɔ̧
8Tɛ ha̧a̧nú ko Sɔ̧, o kombo in o te nɛ a̧-a̧ nɛ de pɛr-aa lɛŋ tɛ de gi̧ɔ̧ kpe nɛ zu Israɛl.
9Wen Sɔ̧ tɛ mgbɔ Israɛl piinɛ, nɛ desee ɗɔɔ sa̧a̧mɔ gasamɔ kɔ̧-A̧,
zaŋ deako in deemɔ nɛ yuwar-a kɔ̧-A̧.
Currently Selected:
BARUK 5: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.