1 TESALONIK 1
1
Fanamɔ
1Nɛ́ mi Paul in Silas ká bá nɛ̀ Timotee a̧ tom kalata’ɛ ha̧ zuduk bíí ko Krist sɛn Tesalonik nɛ̀ ya nɛ́ o bíí ko Sɔ̧, Dáà, in ko Gasa Wan Jesu Krist. Deemɔ nɛ̀ ta-tɛ ko Sɔ̧ in ga̧a̧mɔ a̧ dúk in'nɛ̀ɛ́.#Tom 17.1
Duka-a in kɔ̧ɔ̧ɗɔɔwen ko o be Tesalonik
2Ɛ́ɛ́ de osoko ha̧ Sɔ̧ ɓɔnsɛnɛ wen ɛ́nɛ́ lɛŋ ŋgimbi n’ɛ̀ɛ̀ sa nin'nɛ́ tɛ kɔfa-sɔ̧ k’ɛ́ɛ́. 3Sɛn ti Sɔ̧ Dáà k’ɛ́ɛ́, tɛ-ɛɛ bi ɗoŋ dee tom kɔ̧ɔ̧ɗɔɔwen k’ɛ́nɛ́ na, in bɔnɛ nɛ̀ kɔ̧ɔ̧mɔ k’ɛ́nɛ́ e'nɛ́ sɛnɛ, ká bá nɛ̀ ee-ta nɛ̀ nɔɔ-ŋgiɗi n’ɛnɛ e nɛ̀ Gasa Wan k’ɛ́ɛ́ Jesu Krist na mbɛt. 4O nya-ɛɛ, ɛ́ɛ́ iŋa'e Sɔ̧ kɔ̧ɔ̧‘nɛ́, ɓɛɛ hok'nɛ́. 5Hegɔ mbɛt, De Mbe Wen n’ɛ̀ɛ̀ usa h’ɛ́nɛ́ bó nɛ́ sɛn tɛ géé wen na, ɓɛɛ nɛ́ sɛn tɛ ŋgayamɔ, tɛ deemɔ ko Sa̧a̧ Ɔmi, in tɛ iŋa'e wen'i nɛ́ mgbák kpasawen. Ɛ́nɛ́ iŋa'e ɛ́ɛ́ dee mɔ‘i mgbara'nɛ́ wen gbaka'nɛ́. 6Ɓɛɛ k’ɛ́nɛ́, ɛ́nɛ́ zɔka nɛ́ ɗoŋ mɔ k’ɛ́ɛ́ in ko Gasa Wan kpɛk nɛ̀ wen ko Sɔ̧ zaŋ dita-see, nɛ̀ desee ko Sa̧a̧ Ɔmi.#Tom 17.5-9 7Hegɔ, o bíí Masedoan in Akai lɛŋ nɛ̀ kɔ̧ɔ̧ ɗɔaa zɔk nɛ́ ɗoŋ mɔ k’ɛ́nɛ́. 8Wen ko Gasa Wan ku̧u̧naŋ nɛ̀ tɛ‘nɛ́ hu̧r nɛnɛ yaknɛ, bó nɛ́ sɛn Masedoan in Akai ɓɛɛ na, ɓɛɛ nyɛrɛ kɔ̧ɔ̧ɗɔɔwen k’ɛ́nɛ́‘i hu̧ra yaknɛ dam fara lɛŋ. Hegɔ, bó nɛ́ ɛ́ɛ́ a̧ tɛ tɔ̧ tɔ̧ɔ̧ nyɛrɛ-a ɓɔna. 9Wen ŋgimbi nɛ̀ o bíí tɔ̧ nyɛrɛ k’ɛ́ɛ́, wa we nɛ́ ɗoŋ kpɛka ɛ́ɛ́ n’ɛnɛ kpɛka, in zika tɛ‘nɛ́ sitɛ Sɔ̧, e nɛ̀ o géé-sɔ̧ duk wen dee tom ha̧ mgbák Sɔ̧ nɛ̀ duk kpasa, 10h’ɛ́nɛ́ mɛ́ pɛm Bem kɔ̧-a̧ n'aa dee ha̧ mɛ kur ŋgɔn tɛ fio, ɓɛɛ nɛ̀ tɛ́ tɛ̀ nɛ̀ yiwese: wi’ɛi nɛ́ Jesu nɛ̀ kpasi yɛ tɛ́ nyimsea nɛ̀ tɛ́ hɔ.
Currently Selected:
1 TESALONIK 1: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.