1 KALATA NYƐRƐ 2
2
O bezaŋ Juda
1O bem ko Israɛl nɛ́ mɔɔ nɔ'ɔ: Rubɛn, Simɛɔŋ, Levii, Juda, Isakar, Zabulɔŋ, 2Dan, Jozɛf, Bɛnjamin, Nɛftalii, Gad in Asɛr.
3O bem ko Juda nɛ́ Ɛr, Onaŋ in Sɛla. Nɛ́ boko-bem ko Sua zɔŋa Kanaŋ a̧ koo wa taar'i lɛŋ. Ɛr, kaya-bem ko Juda, yɔɔ kaya ti GASA WAN, ɓɛɛ GASA WAN gbɛ a̧. 4Juda duka in Tamar be-for ko nɛ̀ Pɛrɛs in Zɛra. O bem ko Juda lɛŋ yaa nɛ́ mɔɔrɔ.
5O bem ko Pɛrɛs nɛ́ Hɛsrɔŋ in Hamul. 6O bem ko Zɛra nɛ́ Zimri, Etaŋ, Heman, Kalkɔl in Dara; wa lɛŋ mɔɔrɔ. 7Bem ko Karmi nɛ́ Akar nɛ̀ daka so fom pi̧ zu Israɛl, wen n'aa baa mɔɔ-fom hu̧si.#Jos 7.1
8Bem ko Etaŋ nɛ́ Azaria.
Pɛ́r-nam ko wannu David
9O bem ko Hɛsrɔŋ nɛ́ Yerameɛl, Ram in Kɛlubai.
10Ram koo Aminadab; Aminadab koo Nasɔŋ gasawi ko o bezaŋ Juda. 11Nasɔŋ koo Salma, Salma koo Boaz, 12Boaz koo Obɛd, ɓɛɛ Obɛd ko Jɛse.
13Jɛse koo kaya-bem kɔ‘i Eliab, hɔ-ɗoŋ-aa nɛ́ Abinadab, taar-a nɛ́ Simɛa, 14naar-a nɛ́ Nɛtanɛl, mɔɔrɔ-a nɛ́ Radai, 15mɔɔrɔ-ɗoŋ-kpɔk-a nɛ́ Osɛm, mɔɔrɔ-ɗoŋ-yiitoo-aa nɛ́ David. 16O boko-nya-wa so nɛ́ Sɛruya in Abigail.
O bem ko Sɛruya yaa so nɛ́ taar: Absai, Jɔab in Asahɛl. 17Abigail koo Amasa; nin dáà ko Amasa nɛ́ Yɛtɛr, bezaŋ Ismaɛl.
O bezaŋ Hɛsrɔŋ
18Kalɛb bem ko Hɛsrɔŋ koo o bem naar in kóò kɔ̧-a̧ Azuba: be-okoo kpɔk, nin-a nɛ́ Yɛriot; be-wiwii taar, nin-wa nɛ́ Yɛsɛr, Sɔbab, in Ardɔŋ. 19Azuba fea, ɓɛɛ Kalɛb ba Efrat nɛ̀ kóò, ko nɛ̀ Hur. 20Hur koo Uri, ɓɛɛ Uri ko Bɛsalɛl.
21Nɛ̀ ɗoŋ, Hɛsrɔŋ duka in boko-bem ko Makir, dáà ko Galad. A̧ baa a̧ nɛ̀ kóò, ŋgimbi'i ká Hɛsrɔŋ a̧a̧ nɛ̀ pɛ ɓu-mɔɔrɔ-ɗoŋ-kpɔk; boko-bem’ɛi koo Sɛgub ha̧ a̧. 22Sɛgub koo Yair nɛ̀ ɔɔ wan zu ye ɓu-yiitoo-zua-taar sɛn nú Galad. 23Gɛsur in Aram ɓara o be ye ko Yair er-a, wa baa Kɛnat in o be ye nɛ̀ zíí nɛ̀ a̧ mbɛt; ye lɛŋ nɛ́ ɓu-mɔɔrɔ-ɗoŋ-kpɔk. O wi nɔ‘i yaa nɛ́ o bezaŋ Makir, dáà ko Galad. 24Ɗoŋ fio ko Hɛsrɔŋ, Kalɛb duka in Efrat zɔŋa-kóò ko dáà kɔ‘i Hɛsrɔŋ ko nɛ̀ Asɛhur wi nɛ̀ ku̧u̧naŋ ye Tɛkɔa.
O bezaŋ Yerameɛl
25O bem ko Yerameɛl kaya-bem ko Hɛsrɔŋ nɛ́ Ram nɛ̀ duka nɛ́ kaya-bem, hɔ-ɗoŋ-aa nɛ́ Buna, Orɛŋ, Osɛm in Ahiya. 26Yerameɛl baa mbe kóò, nin-a nɛ́ Atara; nɛ́ à̧ á̧ koo Onam. 27O bem ko Ram kaya-bem ko Yerameɛl nɛ́ Maas, Yamin in Ekɛr. 28O bem ko Onam nɛ́ Samai in Yada, ɓɛɛ o bem ko Samai nɛ́ Nadab in Abisur.
29Nin kóò ko Abisur nɛ́ Abihai. A̧ koo Abaŋ in Mɔlid. 30O bem ko Nadab nɛ́ Sɛlɛd in Apaim. Sɛlɛd fea, bem bo na. 31Bem ko Apai nɛ́ Yisɛi; bem ko Yisɛi nɛ́ Sɛsaŋ; ɓɛɛ bem ko Sɛsaŋ nɛ́ Alai.
32O bem ko Yada nya Samai nɛ́ Yɛtɛr in Yɔnataŋ. Yɛtɛr fea, bem bo na. 33O bem ko Yɔnataŋ nɛ́ Pɛlɛt in Zaza. O bezaŋ Yerameɛl nɛ́ mɔɔ nɔ‘i.
34Sɛsaŋ bo so kɔ‘i nɛ̀ be-wiwii na, kànà nɛ́ o be-okoo ɓɛɛ. Sɛsaŋ a̧a̧ so nɛ̀ bara be Egiptɛ, nin-a nɛ́ Yara. 35Sɛsaŋ ha̧a̧ boko-bem kɔ‘i nɛ̀ kóò ha̧ Yara bara kɔ‘i, kó nɛ̀ Atai. 36Atai koo Nataŋ, Nataŋ koo Zabad, 37Zabal koo Ɛflal, ɓɛɛ Ɛfla ko Obɛd. 38Obɛd koo Yɛhu, Yɛhu koo Azaria, 39Azaria koo Hɛlɛs, Hɛlɛs koo Ɛlɛasa, 40Ɛlɛasa koo Sismai, Sismai koo Salum, 41Salum koo Yekamia, ɓɛɛ Yɛkamia ko Elisama.
42O bem ko Kalɛb nya Yerameɛl nɛ́ Mɛsa, kaya-bem nɛ̀ duka nɛ́ dáà ko Zif, in Marɛsa, dáà ko Hebrɔŋ. 43O bem ko Hɛbrɔŋ nɛ́ Kɔra, Tapua, Rɛkɛm in Sɛma. 44Sɛma koo Raham dáà ko Yɔrkɛam; Rɛkɛm koo Samai. 45Bem ko Samai nɛ́ Maɔŋ; ɓɛɛ Maɔŋ duka nɛ́ dáà ko Bɛt-Sur. 46O bem nɛ̀ Kalɛb koo in zɔŋa-kóò kɔ̧-a̧ Eifa nɛ́ Haraŋ, Mɔsa in Gazɛz; Haraŋ koo bem, ɓɛɛ gbar nin Gazɛz ha̧ a̧.
47O bem ko Yadai nɛ́ Rɛgɛm, Yɔtam, Gɛsaŋ, Pɛlɛt, Eifa in Saf.
48Ɓii zɔŋa-kóò ko Kalɛb, Maka koo Sɛbɛr in Tirana. 49Nɛ̀ ɗoŋ, a̧ koo Saaf dáà ko Madmana, in Sɛwa dáà ko Makbɛna in Gibea. Boko-bem ko Kalɛb duka so nɛ́ Aksa. 50Wa nɔ‘i nɛ́ o bem ko Kalɛb.
O bem ko Hur kaya-bem ko Efrata nɛ́ Sɔbal, wi nɛ̀ ku̧u̧ naŋ ye Kiriat-Yearim, 51Salma, wi nɛ̀ ku̧u̧ naŋ ye Bɛtlɛhɛm, in Harɛf, wi nɛ̀ ku̧u̧ naŋ ye Bɛt-Gadɛr mbɛt.
52Sɔbal duka so nɛ́ wi nɛ̀ ku̧u̧ naŋ ye Kiriat-Yearim; a̧ nɛ́ dáà ko Harɔe, in zɔmdáa o ko reeta be Mana, 53in zɔmdáa ko o be nú-gara Kiriat-Yearim: mɛ̀ nɛ́ o be Yitri, o be Put, o be Suma in o be Misrai. O be Sɔrɛa in o be Ɛstaɔl gboo nɛ̀ tɛ wa.
54O bezaŋ Salma nɛ́ o be Bɛtlɛhɛm, o be Nɛtɔfa, o be Atrɔt-Bɛt-Yɔab, reeta o be Mana, o be Sorɛi, 55in o be nú-gara Sɔfri nɛ̀ ɔ ye Yɛbɛs, o be Tirat, o be Simɛa, o be Sukat. Wa nɛ́ o be Kɛn, o bezaŋ Hamat nɛ̀ duka nɛ́ zɔmdáa ko o bíí nutua ko Rɛkab.
Currently Selected:
1 KALATA NYƐRƐ 2: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.