Rut Wana ni modo zla d’a kuruta
Wana ni modo zla d’a kuruta
Mbaktum mba a b’irit yam Rut-ta nga d’i de zlad’a yam ahle suma a le kur atchogoid’a hi suma nglo suma avok Israel-lîna. Biza d’a a b’irit kura nad’enga á wed’a, kayam a b’irit na ni d’igi bizad’a kal lei ablaud’a da’.
Zla d’a a b’irit kata ti vei ad’ud’a ni nana ba, atcha d’a angeid’a ti kal aduk suma hAlonina ge. Ti de zlad’a ngola ni yam djivid’a hi Rut ta Mowap-pa d’a ti lat kandjafâ hi ndjuvutna yam Alona hi Israel-lâ mi d’a. Ti de zlad’a ni nana ba, Alona mi wurak yam djivi d’a ti lata: Kur hohou mazi d’a azi nga kura, Rut kakunota Naomi a nga fahlena ngola, a nga kur furîd’a mi. Zla ndata ni d’igi zla d’a awilid’a na, nga d’i tagei d’engzeng nga sana mi ndak á lat ki ndroma, mi tin hurum yam Alona mi d’a.
Vuta hi Rut gorotnid’a ni zla d’a ngol la kur mbaktum ndatid’a. Gor máma mba mi mbut ni David abum ngolo. Ni kayam ndata ba, a ndum Rut ta Mowap-pa aduk David abuyom ngolo, aduk andjafâ hi Jesus-na tamba mi. Gol Mat 1.5. t Wana ni wal mata
Suma hi Elimele’â a nga kur yor tad’a 1.1-5
Rut ti i ki Naomi avo Betelehem 1.6-22
Rut ti i tchi helena kur asinena hi Bowas-sâ 2.1-23
Rut ti bur kä andjege asem Bowas 3.1-18
Bowas mi ve Rut 4.1-17
Andjafâ hi David-na 4.18-22
Currently Selected:
Rut Wana ni modo zla d’a kuruta: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.