Jacques Wana ni modo zla d’a kuruta
Wana ni modo zla d’a kuruta
Kur mbaktum mba Jacques mi b’irita mi he gata teteng mi suma a tok suma hAlona suma b’rau woi kur duniyad’a petna (1.1). Suma a djib’er ala Jacques ni Jesus wiyema. Gol Mat 13.55 ki Jd verse ma avo’â. Jacques mi ngop kretiyêna yam darigï mazi d’a aduk tazid’a ki darigï d’a ki suma bei hei gagazid’ina mi. Mi had’azi ki d’ogolâ teteng.
Vama avo’â, mi de zlad’a yam ne d’a ti tcholï hur Alonid’a (1.2-8). Bugola, mi de zlad’a yam houd’a ki ndjondjoîd’a (1.9-11), yam hlad’ud’a ki kuka (1.12-18), yam humba ki sun nda led’a mi (1.19-27). Bugola, mi gigid’ezi yam bala a ka ir sa d’uo d’a (2.1-13). Bugola, mi de zlad’a yam hat ta ngol la kur mbaktum ndatid’a, nala, yam he gagazid’a ki sun nda led’a (2.14-26). Bugola, mi ngop suma yam tcho d’a a nga dat ki vunazid’a (3.1-12). Bugola, mi hulong yam ne d’a gagazid’a (3.13-18). Mi ngop suma a nga le banad’a ki duniyad’ina ad’enga (4.1-10), suma a ka sariyad’a yam b’oziyozinina (4.11-12), suma yam mba ad’enga (4.13-17) ki suma ndjondjoîna mi (5.1-6). Zla d’a dabid’a ti de zlad’a yam ve tad’a ki tchenda mi (5.7-20).
Jacques nga mi de mi kretiyêna pet ala he gagazi d’a yam Jesus ki vunang god’a ndak ki. He gagazi d’a ndak memeta ni ki sun nda led’a kata mbeî tua, kayam he gagazi d’a bei sunuta ni matna (2.26). t Wana ni wal mata
Zla d’a avoka 1.1
He gagazid’a ki ned’a 1.2-8
Houd’a ki ndjondjoîd’a 1.9-11
Hlad’ud’a ki kuka 1.12-18
Humba ki sun nda led’a 1.19-27
Giget ta yam ka irid’a 2.1-13
He gagazid’a ki sun nda led’a 2.14-26
Kretiyêna ki sinamu 3.1-18
Kretiyêna ki duniyad’a 4.1–5.6
Hat ta tetenga 5.7-20
Currently Selected:
Jacques Wana ni modo zla d’a kuruta: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.