Esdras Wana ni modo zla d’a kuruta
Wana ni modo zla d’a kuruta
Mbaktumba hi Esdras-sa ki d’a hi Nehemi-d’a, a tcholï nata yima tuna d’igi mbaktum mba a b’irit mbà yam Sunda hAmuleinid’a na. Zla mazid’a djak nabo tat tu, a b’irizi ni kur djib’er ra tud’a, yam zla d’a tud’a mi.
Mbaktumba hi Esdras-sa tin ad’ud’a nata yima amul ma ngol ma Perse-na mi he vuna mi Juif-fâ á i min gong nga kud’ora hAlonid’a avo Jerusalem-ma. Gol sapitre d’a 1. Ablau suma a yozi magombina a hulong kä avo. Gol sapitre d’a 2. Vama a tin huruzi kam á lum Jerusalem avo’â ná min yima ngat buzuna akulo, á hulong tin kud’ora blangâtna mi. Gol sapitre d’a 3. Kid’a azi nga min tazi á min gong nga kud’orid’a, zla ndata ti zut suma ding suma a kak djangûna ki sed’ezina á d’eleziya. Zla ndata ti i gak fe suma te yam suma Perse-na. A he vuna kur mbaktumba mi Juif-fâ ala a min gong nga kud’ora hAlonid’a akulo; azi minit akulo mi. Gol sapitre d’a 4–6.
Mbaktumba irat ta wal la mbàd’a, ti nga d’i tagei ala ni nana ba, kur atchogoi d’a nga d’i mbad’a, ma ngat buzuna Esdras ma amul ma ngolâ Artazerses mi sunuma, mi zlit Israel-lâ akulo á kud’or Alona avo Jerusalem ata lovod’ot ke! Gol sapitre d’a 7–10.
Zla d’a mbaktumba hi Esdras-sa de zlad’a kata ni yam he gagazi d’a irata ki tit ta ndak memeta. Nga d’i tagei ve tad’a ki nga hurâ hi ma ngat buzuna ma nga mi tagam mbei á hulong Israel-lâ kur tit ta d’ingêrina. Nata Esdras ba, hata hi Juif-fîd’a nga d’i i avogovok gak kur atchogoid’a tcha tua ba, a vut ki Jesus.
Wana ni wal mata
Juif suma kur magombina a hulong avo ki Zorobabel 1–6
Esdras mi le sun mamba 7–10
Currently Selected:
Esdras Wana ni modo zla d’a kuruta: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.