Efes-sâ Wana ni modo zla d’a kuruta
Wana ni modo zla d’a kuruta
Paul ma a sunuma hi Jesus Christ-sâ mi kak avo Efes ndak bizad’a hindi kur tit mam mba hindid’a á tchi wala yam Jesus Christ (Sun SS 19.1–20.1). Ata yima Paul mi b’ir mbaktum ndatina, mi nga kur dangeina (3.1, 4.1). Kayam ndata, a dala mbaktum ndata ti tcholï nabom kur dangeina, d’igi mbaktum mba ding nga mi b’irit mi kretiyê suma Filip-ma, mi kretiyê suma Kolos-sâ ki d’a mi b’irit mi Filemon-nda na mi.
Hat ta Paul nga mi had’at kur mbaktum ndatid’a ni hat ta ngola. A djib’er ala mi sun mbaktum ndata ni mi kretiyê suma Efes-sâ hol li, wani ni mi Tok ka pet ta ti nga kur ambas sa Asi-d’id’a mi.
Hat mam mba ngol la kala kur mbaktum ndatid’a ni yam nga hurâ hAlonina d’igi mi b’ir kur 1.10 na ala: Ni nga hurâ hAlona ma mi ngam kurum á ndagam vunam ata yima dabid’a á tok ahlena pet suma sä akulona ki suma yam andagad’ina tu ad’u amul ma tuna, nala, Christ.
Zla d’a avoka nga (1.1-2), ki zla d’a dabid’a (6.21-24). Hat ta kur mbaktum ndatid’a ti ni mbà:
Kur hat ta avoka (1.3–3.21) Paul nga mi subur Alona yam ahle suma mi lazi keina. Bugola, mi tagei ala ni nana ba, Alona mi mbut Juif-fâ kandjaf suma dingâ andjaf ma tuna sum mama zlapa tu ki Christ ge.
Kur hat ta mbàd’a (4.1–6.20) Paul nga mi yi suma a ndum zla d’a mi b’irita á tit kur zlap pa tu ndata ndak yam tit mazi d’a awilid’a zlapa tu ki Christ-sa. Kayam ndata, nga mi had’azi yam tit mazid’a zlapa tu ki suma dingîd’a, nala, zlapa ki ndrozi suma kretiyêna ki suma avo hatazina ki suma bei he gagazid’ina mi.
Kayam a tak zlap pa tud’a hi suma hAloninid’a woyo, Paul mi de zlad’a yam ahle suma simata hindi, nala, yam hliu tad’a, yam gonga, yam mandjufâ kamamba mi. Hliu tad’a ni Toka; Jesus Christ tamba nahina d’a ngol la djik gonga akulod’a (2.20). Toka ni d’igi Christ amamba na mi (5.31-32). Hina, Paul nga mi had’ei á we tetet ala ei nga tid’i zlapa ki ndroi suma kretiyêna gagazi nata yima ei nga tid’i zlapa tu ki Saleina Jesus Christ-sâ hol. t Wana ni wal mata
Zla d’a avoka 1.1-2
Christ ki Toka 1.3–3.21
Ari d’a awili d’a kur Christ-sa 4.1–6.20
Zla d’a dabid’a 6.21-24
Currently Selected:
Efes-sâ Wana ni modo zla d’a kuruta: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.