Daniel Wana ni modo zla d’a kuruta
Wana ni modo zla d’a kuruta
Kur mbaktum mba wanda Daniel nga mi de zlad’a yam azungeî suma Juif suma fid’i suma Nebukanezar mi yozi magombina. Nga d’i tagei ala kur kuk ka teteng nga kuguzid’a pî, azi kak ki d’engzenga avok Alo mazina bei gigrita ba.
Sapitre d’a 1–6 ti nga ki zlad’a teteng ad’u karagaya. Zla d’a teteng ndata nga d’i tagei ngop pa teteng nga suma djangûna hi Juif-fîna a djobozi ki vunazid’a. Aduk zla ndata ei fei zlad’a yam Daniel ata yima a gum kur zula hazlonid’ina. Gol sapitre d’a 6-d’a.
Sapitre d’a 7–12 nga d’i de zlad’a yam ahle suma fid’i suma Alona mi ndazi woi ir Daniel-lâ. Nga d’i ndei ad’u ahle suma a mba le ki Israel-lâ ata yima andjaf suma dingâ teteng a nga te leud’a kazi gak Alona tamba mba mi te leud’a kazi tua na woyo.
Le sana mi ndum mbaktum mba wanda ni, mba mi djib’er yam mbaktum mba dabi d’a kur Vun ma Djin ma Awilinid’a, nala, Vama Ndum Mbeina. Azi djak a nga zut suma a he gagazid’ina á ve tazi kur deng ta mazid’a kur ndaka ki djop vun ma tetengâ mi. t Wana ni wal mata
Daniel azi ki buniyôma 1–6
Ahle suma a ndazi woi ir Daniel-lâ 7–11
(a) Amburei suma fid’ina 7
(b) Gamlâna ki mbekmberena 8–9
(c) Ma sun ma tcholï akulona 10–11
Atchogoi d’a dabid’a 12
Currently Selected:
Daniel Wana ni modo zla d’a kuruta: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.