1 Samuel Wana ni modo zla d’a kuruta
Wana ni modo zla d’a kuruta
Mbaktum mba avoka hi Samuel-la nga d’i vad’ud’a yam ahle suma a le yam andaga d’a Israel-lina, tinï ad’ud’a ata suma nglo suma avok sumina dei gak mba kur atchogoid’a hamuleina hi Israel-lîna.
Mbaktum ndata nga d’i de zlad’a yam suma fid’i, nala, Eli, Samuel, Saul ki David.
Eli ni ma ngol ma ngat buzuna.
Samuel ni ma ngol ma danan ma avok sumina.
Saul namul ma avo’â hi Israel-lîna.
David ni ma kid’eyêm iram ki kid’eî tua ba, mi tamulina.
Mbaktum ndata nga d’i hat ala ge yam mba kä ad’u Alonid’a mba d’i mba ki djivid’a, wani so vuna mba mi mba ki b’laka. Zla d’a ded’a hAlona d’a mi ma ngol ma ngat buzuna Eli ti tak zla ndata woi pid’ak ala:
An nga ni he ngola mi suma a nga han ngolina; wani suma a nga golon isâ, an mba ni golozi is mi. Gol sapitre d’a 2.30.
Mbaktum ndata ti tak kei ala Israel-lâ a min amulâ, wani Samuel mi min nga d’i. Ma didina namul ma gagazina hi Israel-lîna, wani bugol tchen mazi d’a a tchenemba, mi tinizi Saul amula. Wani amulâ ki sum mama pet a nga nad’u ad’enga ki sariya d’a kad’a hi Ma didinid’a. Gol sapitre d’a 2.7-10. Nga mi tagazi min mamba kur gat mamba. t Wana ni wal mata
Eli azi ki Samuel 1.1–7.1
Samuel azi ki Saul 7.2–15.35
Samuel azi ki David 16.1-13
Saul azi ki David 16.14–31.13
Currently Selected:
1 Samuel Wana ni modo zla d’a kuruta: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.